ງູໃຫຍ່ເຊັງ..ໂບຣໂຊວິກນິ້ວຕີນຫັກ

 

ອິນເຕີ ມິລານ ຈະບໍ່ມີ ມາເຊໂລ ໂບຣໂຊວິກ ມິດຟິວເລືອດໂຄຣແອດຫຼາຍອາທິດຫຼັງຈາກທີ່ເຂົານິ້ວຕີ້ນຫັກຈາກເກມເມື່ອວັນອາທິດ ຄາດວ່າອາດຈະຕ້ອງພັກດົນເຖິງເດືອນເຄິ່ງ.

 

ມາເຊໂລ ໂບຣໂຊວິກ ກອງກາງຂອງ ອິນເຕີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ອີຕາລີຈະບໍ່ສາມາດຊ່ວຍທີມເປັນເວລາຫຼາຍອາທິດເນື່ອງຈາກວ່ານິ້ວຕີນຫັກຈາກເກມລີກນັດບິກແມັດທີ່ “ງູໃຫຍ່” ບຸກໄປປລາໄຊໃຫ້ກັບ “ມ້າລາຍ” ເມື່ອວັນອາທິດທີ່ຜ່ານມາ.

 

ເກມດັ່ງກ່າວດາວເຕະທີມຊາດໂຄຣເອເຊຍ 24 ປີໄດ້ຮັບບາດເຈັບຈົນຕ້ອງຖືກປ່ຽນຕົວອອກຈາກສະໜາມໃນນາທີ 58 ໂດຍທີ່ ເຊບເຟຣ ກົງດັອກເບຍ ໄດ້ຮັບໂອກາດລົງຫຼິ້ນແທນ ເຊິ່ງຫຼ້າສຸດ ໂບຣໂຊວິກ ກໍໄດ້ຮັບເຂົ້າການເອັກສະເຫຼ່ຮຽບຮ້ອຍເມື່ອວັນອັງຄານທີ່ຜ່ານມາ.

 

“ມາເຊໂລ ໂບຣໂຊວິກ ເຂົ້າຮັບການເອັກສະເຫຼ່ທີ່ຕີນຂວາຮຽບຮ້ອຍເມື່ອວັນອັງຄານ ຫຼັງຈາກທີ່ເຂົາໄດ້ຮັບບາດເຈັບຈາກເກມທີ່ພົບກັບ ຢູເວັນຕຸດ ເມື່ອວັນອາທິດເຊິ່ງທາງຜົນການກວດສະແດງໃຫ້ເຫັນວ່າ ກະດູກອັນໜຶ່ງໃນນິ້ວຕີນທີສີ່ຂອງເຂົາມີຮອຍແຕກ ໂດຍອາການຂອງເຂົາຈະຖືກປະເມີນຢ່າງໃກ້ຊິດຕະຫຼອດສອງສາມອາທິດຂ້າງໜ້ານີ້” ຖະແຫຼງການຈາກ ອິນເຕີ ລະບຸ.

 

ທັງນີ້ເຖິງຍັງບໍ່ມີການຢືນຢັນແຕ່ກໍຄາດກັນວ່າເຂົາອາດຈະຕ້ອງໃຊ້ເວລາພັກຟື້ນປະມານ 4-6 ອາທິດ.

 

ບົດຄວາມໃຫມ່ໆ