ງູໃຈໃຫຍ່ທຸ່ມສຸດໂຕດຶງສາມແຄ່ງລະດັບໂລກເສີມທັບ

 

ອິນເຕີ ມິລານ ຕົກເປັນຂ່າວວ່າພ້ອມທີ່ຈະທຸ່ມເງິນດຶງ 3 ແຄ່ງລະດັບໂລກທັງ ຫຼຸຍ ຊົວເຣດ, ຮາເມສ ໂຣດຣິເກດ ແລະ ເຊຄິໂອ ກຸນ ອາເກວໂຣ ຮ່ວມທັບໃຫ້ໄດ້ເພື່ອກັບລຸ້ນແຊມສະກູເດັດໂຕ້ອີກເທື່ອໜຶ່ງ ຫຼັງຈາກທີ່ຫາກໍໄດ້ ຊູໜິງ ກລຸບ ກຸ່ມທຶນຈາກຈີນເຂົ້າມເທັກໂອເວີ.

 

“ງູໃຫຍ່” ອິນເຕີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ຕົກເປັນຂ່າວວ່າກໍາລັງຄິດການໃຫຍ່ໂດຍການພ້ອມທຸ່ມເງິນມະຫາສານເພື່ອດຶງນັກເຕະລະດັບໂລກທັງ ຫຼຸຍ ຊົວເຣດ ຈາກ ບາເຊໂລນາ, ຮາເມສ ໂຣດຣິເກດ ຂອງ ເຣອັນ ມາດຣິດ ແລະ ເຊຄິໂອ ກຸນ ອາເກວໂຣ ຈາກ ແມນເຊສເຕີ ຊີຕີ ມາເສີມທັບ ຈາກການລາຍງານເມື່ອວັນອາທິດທີ່ຜ່ານມາ.

 

ອິນເຕີ ທີ່ຫາກໍຖືກເທັກໂອເວີໂດຍ ຊູໜິງ ກລຸບ ກຸ່ມນາຍທຶນຈາກຈີນຕ້ອງການໄດ້ນັກເຕະຊື່ດັງລະດັບໂລກເຂົ້າມາຮ່ວມທີມເພື່ອລຸ້ນແຊມລີກອີຕາລີຫຼັງຈາກທີ່ ຢູເວັນຕຸດ ຄອງຄວາມຍິ່ງໃຫຍ່ຢູ່ໃນອີຕາລີຕະຫຼອດຊ່ວງ 5 ປີທີ່ຜ່ານມາ.

 

ຫຼ້າສຸດມີລາຍງານວ່າທີມດັງຈາກ ຊານ ຊີໂຣ ພ້ອມທີ່ຈະທຸ່ມເງິນຢ່າງມະຫາສານເພື່ອດຶງ ຊົວເຣດ, ຮາເມສ ແລະ ກຸນ ມາເສີມທັບໃຫ້ໄດ້ ນອກຈາກນີ້ແລ້ວ ໂດເມນິໂກ ເບຣາດີ ຫົວຫອກດາວລຸ້ງ ຊາດຊູໂອໂລ ກໍຢູ່ໃນລາຍຊື່ເປົ້າໝາຍຂອງພວກເຂົາເຊັ່ນກັນ.