ງານຖະແຫຼ່ງຂ່າວເປີດໂຕ ໂທລະສັບ HUAWEI P10 ແລະ P10+

ງານຖະແຫຼ່ງຂ່າວເປີດໂຕ ໂທລະສັບ HUAWEI P10 ແລະ P10+

    ໃນວັນທີ 22 ເມສາ 2017 ທີ່ໂຮງແຮມ ຄຣາວພລາຊາ, ນະຄອນຫຼວງວຽງຈັນ, ບໍລິສັດຫົວເຫວີຍ ເທັກໂນໂລຢີ ລາວ ໄດ້ຈັດພິທີເປີດໂຕຜະລິດຕະພັນໃໝ່ຫຼ້າສຸດ HUAWEI P10 ແລະ P10+, ສາມາດໂຟນທີ່ມາພ້ອມນະວັດຕະກຳໃໝ່ ແລະ ຄວາມທັນສະໄໝ.

   ພາຍໃນງານ ທ່ານ ຊູຈິນຢົງ (Zhujinyong) ຜູ້ອຳນວຍການຝ່າຍອຸປະກອນສື່ສານຫົວເຫວີຍລາວ ໄດ້ໃຫ້ກຽດຂຶ້ນກ່າວຄຳປາໄສ “ເມື່ອສີ່ປີກ່ອນ, ຫຼາຍໆຄົນອາດຈະຄາດບໍ່ເຖິງທີ່ແບຣນ ເຊິ່ງບໍ່ມີໃຜເຄີຍໄດ້ຍິນຊື່ມາກ່ອນ ນອກຈາກປະເທດຈີນຄື ຫົວເຫວີຍ ໄດ້ກາຍເປັນຈຸດສົນໃຈຢ່າງແຜ່ຫຼາຍໃນປັດຈຸບັນ. ບໍລິສັດຫົວເຫວີຍກໍກາຍມາເປັນສູນກາງຂອງອຸດສາຫະກຳໂທລະສັບມືຖື ໄດ້ຈັດຂຶ້ນເປັນເວລາສີ່ມື້ ໃນທ້າຍເດືອນກຸມພາຂອງທຸກໆປີ ເຊິ່ງເປັນຈຸດເລີ່ມຕົ້ນຂອງການເປີດຕົວສະມາດໂຟນລຸ້ນໃໝ່ອອກສູ່ສາຍຕາມວນຊົນ, ກ່ອນອື່ນຂໍກ່າວເຖິງສະມາດໂຟນຄຸນະພາບດີລະດັບພຣີມຽມເຊັ່ນ HUAWEI P9 ເຊິ່ງເປັນໜຶ່ງໃນສະມາດໂຟນທີ່ດີທີ່ສຸດໃນປີ 2016 ທີ່ຊ່ວຍໃຫ້ຫົວເຫວີຍໄດ້ກາຍເປັນອັນດັບສາມໃນຕະຫຼາດສະມາດໂຟນທົ່ວໂລກ. ກັບມາເວົ້າເຖິງ HUAWEI P10 ແລະ P10+ ສະມາດໂຟນທີ່ຮ່ວມອອກແບບກ້ອງຖ່າຍຮູບກັບ Leica ເຊິ່ງຈະນຳຄວາມເປັນມືອາຊີບໃນການຖ່າຍຮູູບຂອງທ່ານໃຫ້ມີປະສິດທິພາບໄດ້ດີຍິ່ງຂຶ້ນ. ນອກຈາກນີ້ຫົວເຫວີຍກໍໄດ້ພັນທະມິດເພີ່ມອີກໂດຍໄດ້ຮ່ວມມືແບບພິເສດກັບ Pantone Color InstituteTM ຜູ້ນຳທາງດ້ານສີສັນທີ່ມີຊື່ສຽງຂອງໂລກທີ່ມາເພີ່ມສີສັນໃໝ່ຫຼ້າສຸດໃນສະມາດໂຟນ.

   ນອກນີ້ກໍຍັງມີ ທ່ານ ວັນກົງ ສີສະຫວັດ ເຊິ່ງເປັນຜູ້ຈັດການຝ່າຍຜະລິດຕະພັນກໍໄດ້ມາອະທິບາຍຄຸນລັກສະນະໂດຍລວມຂອງ HUAWEI P10 ແລະ P10+ ທີ່ມາພ້ອມເທັກໂນໂລຢີກ້ອງຂັ້ນສູງຄ້າຍຄືລຸ້ນກ່ອນ. ເປັນອີກຄັ້ງໜຶ່ງທີ່ມາພ້ອມກັບກ້ອງຫຼັງເລັນຄູ່ທີ່ມີການພັດທະນາຮ່ວມກັບ Leica. ເປັນຄັ້ງທຳອິດທີ່ກ້ອງໜ້າເອງກໍເລືອກໃຊ້ເລັນຂອງ Leica ທີ່ໃຫ້ຄຸນະພາບໃກ້ຄຽງກັບມືອາຊີບດ້ວຍຄວາມສາມາດທີ່ຫຼາຍຂຶ້ນ, ກັບ Portrait mode ແລະ Hybrid Zoom ທີ່ຊ່ວຍໃຫ້ໂຟກັດໄດ້ທີ່ຈຸດໃດໜຶ່ງ, ສຳລັບການອອກແບບຕົວເຄື່ອງເຜີຍໃຫ້ເຫັນເຖິງຄວາມຊ່ຽວຊານທາງດ້ານໂລຫະທີ່ພັດທະນາຂຶ້ນໄປອີກ, ຕາມທີ່ບໍລິສັດເອີ້ນມັນວ່າ ຄວາມໂຄ້ງມົນ, Hyper diamond cut ແລະ ທາງເລືອກໃໝ່ຂອງສີສັນ. ຫົວເຫວີຍ ຍັງໄດ້ຮ່ວມມືກັບສະຖາບັນແຫ່ງສີ Dazzling blue ທີ່ເພີ່ມຕື່ມໃນ Diamond cut ພາໃຫ້ເກີດຄວາມແວວວາວ ເຊິ່ງອາດພາໃຫ້ໂທນສີນີ້ກາຍເປັນສີຍອດນິຍົມ, ອາດບໍ່ຄ່ອຍເຫັນທີ່ສີຈະເປັນຈຸດເດັ່ນໃນສະມາດໂຟນ ແຕ່ຫົວເຫວີຍກໍໄດ້ດຶງຈຸດນີ້ໃຫ້ເດັ່ນຂຶ້ນດ້ວຍສີສັນໃໝ່ໆເຊັ່ນ Dazzling blue, Dazzling Gold, Prestige Gold, Graphife Black.

    ພາຍໃນງານເຮົາກໍໄດ້ຊ່າງພາບມືອາຊີບລະດັບຕົ້ນໆຂອງລາວມາຮ່ວມແຊປະສົບການ ແລະ ພາບງາມໆ ແລະ ຍັງໄດ້ຮ່ວມຈັດກິດຈະກຳແນະນຳວິທີການຖ່າຍຮູບແບບມືອາຊີບດ້ວຍ HUAWEI P10 ແລະ P10+ ພ້ອມທົດລອງຖ່າຍຮ່ວມກັບຊ່າງພາບມືອາຊີບກັບຫຼາກຫຼາຍໂໝດທີ່ອັດເຕັມມາໃນຕົວເຄື່ອງ.

     ໃນຊ່ວງກາງເດືອນມີນາທີ່ຜ່ານມານີ້, ພວກເຮົາກໍໄດ້ເປີດສັ່ງຈອງ HUAWEI P10 ແລະ P10+ ທີ່ມາພ້ອມກັບໂປຣໂມຊັນຂອງແຖມຫຼາຍຢ່າງ ເຊັນ: ແພັກເກັດໂທຟຣີ ແລະ ຫຼິ້ນອິນເຕີເນັດຈາກລາວໂທລະຄົມ, ຈານດາວທຽມຈາກ ລາວ ແຊັດ, ເບີງາມ ແລະ ກິບບັອກ, HUAWEI P10 ແລະ P10+ ຈະໄດ້ມີກິດຈະກຳຫຼາຍຢ່າງເພື່ອປ່ຽນມູມມອງ ແລະ ເປີດປະສົບການໃໝ່ຂອງການຖ່າຍຮູບເຊັ່ນ : ການເຝິກອົບຮັມເຕັກນິກການຖ່າຍ, ພາລຸກຄ້າໄດ້ສຳພັດການຖ່າຍຮູບດ້ວຍ ພີ 9 ຢູ່ຕ່າງແຂວງໂດຍນັກຖ່າຍຮູບມືອາຊີບ ແລະ ກໍຍັງມີການວາງສະແດງຮູບພາບທີ່ຖ່າຍມາຈາກ HUAWEI P10 ແລະ P10+ ນຳອີກ.

  ນອກຈາກນີ້ເຮົາຍັງພູມໃຈຈະນຳສະເໜີການບໍລິການຫຼັງການຂາຍທີ່ດີສຸດໃຫ້ແກ່ລູກຄ້າ HUAWEI P10 ແລະ P10+ ເຊັ່ນຮັບປະກັນໜ້າຈໍ 3 ເດືອນ, ໄດ້ຮັບເຄື່ອງຢູ່ບ້ານມາສ້ອມແປງ (ສະເພາະນະຄອນຫຼວງວຽງຈັນ), ສ້ອມແປງໄວພາຍໃນ 2 ຊົ່ວໂມງ ແລະ ສະລັກຊື່.