ງານຖະແຫຼງຂ່າວງານວຽງຈັນວ້າວແຟຊັ່ນວີກ 2016

ໃນວັນທີ 25ກຸມພາທີ່ຜ່ານມາ ວາລະສານ Wow magazine society ໄດ້ຈັດງານຖະແຫຼງຂ່າວ ວຽງຈັນວ້າວແຟຊັ່ນວີກ 2 (Vientiane WoW Fashion week 2016) ທີ່ສູນການຄ້າວຽງຈັນເຊັນເຕີ.

ທ່ານ ສຸວັດ ເທດສາລີ ຜູ້ບໍລິຫານວາລະສານ Wow  Magazine ໄດ້ກ່າວວ່າ Wow magazine society ວາລະສານ 2 ພາສາ ໄທ-ລາວ ກັບຄວາມສໍາເລັດໃນການກ້າວເຂົ້າສູ່ປີທີ 4ເພື່ອເປັນການຄືນກຳໄລໃຫ້ລູກຄ້າ ຈຶ່ງໄດ້ຈັດງານ Vientiane WoW Fashion week 2016 ເຊິ່ງ ເປັນປະກົດການແຟຊັ້ນຄັ້ງສຳຄັນທີ່ເຊື່ອມໂຍງທຸກມິຕິຂອງໂລກແຟຊັ້ນ, ເປັນສູນລວມຂອງການຈັດສະແດງແຟຊັ້ນທີ່ເຕັມປ່ຽມໄປດ້ວຍຄງາມຄິດສ້າງສັນ, ພົບກັບນັກອອກແບເສື້ອຜ້າແຖວໜ້າຂອງ ສ ປປ ລາວ ແລະປະເທດໄທ ໃນການສະແດງແຟຊັ້ນຮູບແບບຫຼ້າສຸດ ພ້ອມທັງອັບເດດການແຕ່ງໜ້າ-ຕົບແຕ່ງຊົງຜົມແບບໃໝ່່ອີກດ້ວຍ.

ນອກຈາກນີ້ ພາຍໃນງານຖະແຫຼງຂ່າວຍັງໄດ້ເຊີນຕົວແທນນັກອອກແບບເສື້ອຜ້າຂອງລາວ ຈາກ 7 ຫ້ອງເສື້ອໄດ້ແກ່ ຕິນ່າຜ້າໄໝ, ຊິກແອນ ເທຣນດີ້, ເອກໂພໄຊ, ຄັ່ງ, ປຸມໆຜ້າໄໝລາວ, ມີໂອ, ໜູມາລີ ລວມເຖິງການໂອ້ລົມເວົ້າເຖິງແຮງບັນດານໃຈໃນການເຮັດໂຊໃນງານ  Vientiane WoW Fashion week 2016 ພ້ອມປິດທ້າຍດ້ວຍເຫຼົ່າດາລາ, ນາຍແບບ-ນາງແບບ ມາຮ່ວມເດີນແບບເທິງເວທີ ເພື່ອເປັນການປະຊາສໍາພັນກ່ອນທີ່ຈະຈັດງານທີ່ຍິ່ງໃຫຍ່ອາລັງການຈະໄດ້ຂັດຂຶ້ນໃນວັນທີ 11-12 ມີນາ 2016 ນີ້ ທີ່ສູນການຄ້າໄອເຕັກ ຊັ້ນ 7 ນະຄອນຫຼວງວຽງຈັນ.