ງານຖະແຫຼງການກອງປະກວດ Miss Universe Laos 2018 !

ເມື່ອວັນທີ 3\7\2018 ທີ່ ໂຮງແຮມ Landmark ໄດ້ມີການຈັດຖະແຫຼງຂ່າວເລື່ອງງານການປະກວດ Miss Universe Laos 2018  ພ້ອມກັບສະໂລແກນ “ສະເໜ່ຂອງຄວາມເປັນລາວສູ່ຄວາມເປັນດາວແຫ່ງຈັກກະວານ”  ນໍາທີມໂດຍ ທ່ານນາງ ອາເລັກຊານດຣ້າ ບຸນຊ່ວຍ ດໍາລົງຕໍາແໜ່ງ ຜູ້ອໍານວຍການ Miss Universe Laos  ພາຍໃນງານມີການເວົ້າເຖິງການຈັດງານ Miss Universe Laos 2018 ທີ່ມີຄວາມອາລັງການຫຼາຍຂຶ້ນກວ່າເກົ່າຄຸນະພາບຂອງການຄັດສັນນາງງາມທີ່ຈະເປັນຕົວແທນໄປປະກວດໃນເວທີລະດັບໂລກເຊິ່ງທ່ານພອນສິນ ໜຶ່ງໃນຄະນະກໍາມະການກໍ່ບອກທາງທີມງານເຮົາວ່າສາວໆທີ່ຈະມາສະໝັກຕ້ອງມີຄວາມໝັ້ນໃຈແລະສ່ວນສູງ 165 cm ຂຶ້ນໄປສາມາດສື່ສານພາສາອັງກິດໄດ້ມີບຸກຄະລິກໂດດເດັ່ນເທົ່ານີ້ກໍ່ມີໂອກາດເປັນນາງງາມ Miss Universe Laos 2018 ແລ້ວ , ທາງອາເລັກຊານດ້າບອກທີມງານກ່ຽວກັບມົງກຸດປີນີ້ທີ່ອອກແບບໃຫ້ມີຄວາມກ່ຽວເນື່ອງກັບຄວາມເປັນລາວແຕ່ເພິ່ນຍັງບໍ່ສາມາດບອກມູນຄ້າໄດ້ເທື່ອແຕ່ເຊື່ອເລີຍວ່າຈາກທີ່ເຮົາເບິ່ງຮູບມົງກຸດແມ່ນອາລັງການຫຼາຍໆແລະຫຼາຍຄົນກໍ່ເຊື່ອໃນຝີມືຂອງອາເລັກຊານດ້າຢ່າງແນ່ນອນ, ນອກນັ້ນຍັງມີສາວນ້ອຍລັດສະໝີນາງແບບຊື່ດັງຂອງລາວເຮົາແລະອ້າຍສາຍຝົນຊ່າງແຕ່ງໜ້າລະດັບປະເທດເຮົາເຂົ້າຮ່ວມຄັດເລືອກນາງງາມໃນຮອບຄັດເລືອກອີກດ້ວຍ.

ທາງກອງປະກວດຈະອອກກິດຈະກໍາ Roadshow ປະຊາສໍາພັນຮັບສະໝັກສາວງາມທົ່ວປະເທດ ໂດຍເລີ່ມຈາກພາກເໜືອ 7 ກໍລະກົດ 2018 ທີ່ ໂຮງແຮມ Pullman ນະຄອນຫຼວງພະບາງ / ພາກໃຕ້ 14 ກໍລະກົດ 2018 ທີ່ ໂຮງແຮມຈໍາປາສັກແກຣນ ນະຄອນປາກເຊ / ພາກກາງ 21 ກໍລະກົດ 2018 ທີ່ ໂຮງແຮມ ແລນມາກແມ່ຂອງລິເວີໄຊ ນະຄອນຫຼວງວຽງຈັນ ຕິດຕາມການເຄື່ອນໄຫວ Facebook Page #Miss Universe Laos ມີສຢູນີເວີຣສ ລາວ