ຄ່າເມື່ອຍສັນຍາໃໝ່ຄິມເປມເບເພີ່ມ 2,450%

 

ສື່ປ່ອຍຂ່າວຄ່າເມື່ອຍຕໍ່ເດືອນໃນສັນຍາສະບັບໃໝ່ຂອງ ເພຣແນວ ຄິມເປມເບ ເຊັນເຕີແບັກອະນາຄົດໄກຂອງ ປາຣີ ແຊັງ-ແຊັກແມັງ ເພີ່ມຂຶ້ນຈາກເກົ່າເຖິງ 2,450% ຈາກ 7,100 ປອນເປັນ 174,000 ປອນຫຼັງຈາກທີ່ນັກເຕະຫາກໍລົງປາກກາຂະຫຍາຍສັນຍາກັບ ເປເອັດເຊ ຮອດປີ 2021.

 

“ເດລີ ເມວ” ສື່ຊື່ດັງຂອງອັງກິດລາຍງານຂ່າວວ່າ ສັນຍາສະບັບໃໝ່ຂອງ ເພຣແນວ ຄິມເປມເບ ກອງຫຼັງດາວລຸ້ງເລືອດນໍ້າຫອມຂອງ ເປເອັດເຊ ທີມອະພິມະຫາເສດຖີຈາກເວທີ ລີກແອັງ ເປັນໄລຍະເວລາ 5 ປີນັ້ນໄດ້ຄ່າເມື່ອຍເພີ່ມຂຶ້ນເຖິງ 2,450%.

 

ກອງຫຼັງດາວລຸ້ງອາຍຸ 21 ປີຕົກເປັນຂ່າວວ່າອາດຈະຍ້າຍໄປຫຼິ້ນກັບ ແມນເຊສເຕີ ຢູໄນເຕັດ ຫຼັງການສົນທະນາເລື່ອງສັນຍາສະບັບໃໝ່ກັບ ເປເອັດເຊ ຕ້ອງຢຸດສະຫງັກ ຢ່າງໃດກໍຕາມເຂົາຈັດການຈົດປາກກາຂະຫຍາຍສັນຍາກັບຕົ້ນສັງກັດໄປຈົນຮອດຊ່ວງຊຳເມີປີ 2021 ຮຽບຮ້ອຍແລ້ວ.

 

ຫຼ້າສຸດ “ເດລີ ເມວ” ອ້າງວ່າ ຄິມເປມເບ ໄດ້ຄ່າເມື່ອຍເພີ່ມຂຶ້ນຈາກເກົ່າເຖິງ 2,450% ຫຼື ຈາກເດືອນລະ 7,100 ປອນເພີ່ມເປັນ 174,000 ປອນເຖິງວ່າເຂົາຍັງບໍ່ໄດ້ຫຼິ້ນໃຫ້ທີມຊາດຝຣັ່ງເລີຍຈັກນັດກໍຕາມ.

 

ບົດຄວາມໃຫມ່ໆ