ຄົ້ນພົບສານ ອິນຊີ ເທິງດາວອັງຄານ

ເພິ່ມຂໍ້ບົ່ງຊີ້ວ່າອາດເຄີຍມີສິ່ງທີ່ມີຊີວິດອາໄສຢູ່

ນາຊ່າ ອອກຖະແຫຼ່ງຄາວຄັ້ງສໍາຄັນວ່າ ຍານສໍາຫຼວດອາກາດ Curiosity ໄດ້ຄົ້ນພົບຂໍ້ມູນເພີ່ມເຕີມກ່ຽວກັບ ສານອິຊີ (Organic Material) ເຊິ່ງເປັນອີກໜຶ່ງຫຼັກຖານທີ່ບົ່ງບອກເຖິງຄວາມເປັນໄປໄດ້ວ່າ ອາດຈະມີ ຫຼື ເຄີຍມີສິ່ງທີ່ມີຊີວິດອາໄສຢູ່ເທິງດາວດວງນີ້

ຍານ Curiosity ຄົ້ນພົບສານອິນຊີນີ້ຈາກຫີນບູຮານ ອາຍຸກ່ວາ 3ພັນລ້ານປີ ບໍລິເວນແອ່ງຂຸມ Gale Crater ຊຶ່ງເປັນຕົວແປສໍາຄັນທີ່ສາມາດນໍາໄປສຶກສາຕໍ່ຍອດໄດ້ວ່າ ສ່ວນປະກອບຂອງສານອິນຊີ ຊຶ່ງເປັນທາດຕ່າງໆທີ່ກ່ຽວຂ້ອງກັບສິ່ງທີ່ມີຊີວິດຫລືບໍ່

ນອກຈາກນີ້ຍັງມີການຄົ້ນພົບ ມີເທນ ເທິງດາວອັງຄານທີ່ມີປະລິມານປ່ຽນແປງ ໄປຕາມຊ່ວງເວລາຄ້າຍກັບລະດູການ ອີກດ້ວຍຢ່າງໃດກໍ່ດີ ເຖິງແມ່ນການການຄົ້ນພົບ ມີເທນ ທີ່ບໍ່ແມ່ນເລື່ອງໃຫມ່ກໍ່ຕາມ ແຕ່ການຄົ້ນພົບຮອບນີ້ໄດ້ຂໍ້ມູນວ່າພົບມີເທນໃນປະລິມານທີ່ຫລາຍຂື້ນ ຊຶ່ງໃນນັ້ນກໍ່ໝາຍຄວາມວ່າການເພີ່ມໂອກາດ ທີ່ຈະໄດ້ສຶກສາອົງປະກອບແລະທີ່ມາຂອງມັນໄດ້ຫລາຍຂື້ນເຊັ່ນກັນ ແຕ່ຕ້ອງຖ້າຕໍ່ໄປວ່າມີເທນເຫຼົ່ານີ້ມີທີ່ມາຈາກສິ່ງທີ່ມີຊີວິດຫຼືບໍ່

Thomas Zurbuchen ໜຶ່ງໃນທີມງານຈາກ Science Mission Directorate (SMD) ໝັ່ນໃຈວ່າການຄົ້ນພົບເຫຼົ່ານີ້ໄດ້ສ້າງປະໂຫຍດຕໍ່ການສຶກສາ ໄດ້ເປັນຢ່າງດີ ດ້ວຍການຄົ້ນພົບຄັ້ງໃໃໝ່ ມັນຄືກັບວາສດາວອັງຄານກໍາລັງບອກພວກເຮົາ ໃຫ້ເດີນໜ້າຄົ້ນຫາຫຼັກຖານສິ່ງທີ່ມີຊີວິດຕໍ່ໄປ Zurbuchen ລະບຸວ່າ ເຊື່ອວ່າຫາກສຶກສາຕໍ່ໄປເລື້ອຍໆ ກໍ່ຍ່ອມຈະມີຂໍ້ມູນຊີ້ນສໍາຄັນ ຂອງດາວອັງຄານອອກມາໃຫ້ເຫັນກັນອີກແນ່ນອນ

ທັງນີ້ຍານ Curiosity ໄດ້ລົງຈອດເທິງດາວອັງຄານ ໄດ້ສໍາເລັດໃນປີ 2012 ແລະ ໄດ້ຄົ້ນພົບຫຼັກຖານທີ່ໜ້າສົນໃຈຫຼາຍຢ່າງ ພ້ອມກັບຄວາມເປັນໄປໄດ້ວ່າໃນນັ້ນ ອາດເຄີຍມີສິ່ງທີ່ມີຊີວິດອາໄສຢູ່ຫຼາຍຄັ້ງ

ຕົວຢ່າງໃນປີ 2013 ຍານ Curiosity ໄດ້ຄົ້ນພົບແຮ່ເຫຼັກ ແລະ ກໍາມະຖັນ ບໍລິເວນກົ້ນທະເລສາບບູຮານແຫ່ງໜຶ່ງເທິງດາວອັງຄານ ຊຶ່ງສະພາບທາງເຄມີຂອງແຮ່ທັງສອງຊຶ່ງຕ່າງກັນ ແລະ ອາດໝາຍຄວາມວ່າອີເລັກຕອນ ສາມາດເຄື່ອນໄຫວໄດ້ເທິງດາວອັງຄານດວງນີ້ ຊຶ່ງກໍ່ຕີຄວາມໄດ້ວ່າ ອາດມີອາຫານເທິງດາວມາກ່ອນ

ຖັດມາປີ 2015 ກໍ່ມີຂໍ້ມູນໃໝ່ທີ່ຕອກຢໍ້າອີກວ່າ ຍານສໍາຫລວດໄດ້ຄົ້ນພົບນໍ້າ ທີ່ເປັນຂອງແຫຼວໄຫຼຢູ່ເທິງພື້ນຜິວຂອງດາວອັງຄານ ທັງນີ້ເຫດຜົນຂອງນໍ້າທີ່ຄົງສະພາບເປັນຂອງແຫຼວໄດ້ເທິງດາວອັງຄານ ກໍ່ເພາະມີແຮ່ທາດບາງຊະນິດທີ່ເຮັດໃຫ້ຈຸດເຍືອກແຂງຂອງນໍ້າຫຼຸດລົງ ແລະ ຢູ່ໃນສັດສ່ວນທີ່ຫຼາຍພໍທີ່ຈະສາມາດຄົງຕົວໄດ້

ການຄົ້ນພົບຄັ້ງນີ້ນອກຈາກເປັນຄວາມກ້າວໜ້າຄັ້ງສໍາຄັນຂອງວົງການວິທະຍາສາດ ແລະ ອາວະກາດແລ້ວມັນຍັງຊ່ວຍໃຫ້ເຮົາມີຄວາມຫວັງກັບການສຶກສາເພື່ອຕາມຫາສິ່ງທີ່ມີຊີວິດເທິງດາວອັງຄານຕໍ່ໄປ