ຄົນໄທສາດກະສຸນຍິງຄົນລາວດັບຄາທີ! ເຫດຜົນເພາະເລື່ອງແບບນີ້....

ໃນເວລາ 14:00 ຂອງວັນທີ 13ມິຖຸນາທີ່ຜ່ານມາເກີດເຫດຍິງຄົນລາວເສຍຊີວິດຢູ່ທີ່ ໜອງຄາຍປະເທດໄທ ເຊິ່ງບ່ອນເກີດເຫດພົບລົດເກັ໋ງຢີ່ຫໍ້ຮອນດາ ເລກທະບຽນ 2157 ນະຄອນຫຼວງວຽງຈັນ ຖືກກະສຸນປືນທັງໝົດ 11ນັດ ໃນລົດພົບສົບຂອງນາງ ສີອຳພອນ ດວງບຸບຜາ ອາຍຸ 44ປີ ຢູ່ບ້ານທ່ານາແລ້ງ ເມືອງຫາດຊາຍຟອງ ເສຍຊີວິດຄາທີ່ ພ້ອມດ້ວຍລູກຊາຍ ທ້າວ ບຸນຍະລິດ ດວງບຸບຜາ ອາຍຸ 20ປີ ບາດເຈັບສາຫັດ. ໃນເບື້ອງຕົ້ນເຈົ້າໜ້າທີ່ໄທໄດ້ຮູ້ຜູ້ລົງມືກໍ່ເຫດແລ້ວ ເຊິ່ງເປັນຜົວເກົ່າຂອງນາງສີອຳພອນ ຊື່ ທ້າວບຸນຊູ ອາຍຸ 48ປີ (ເປັນຄົນໄທ) ຜ່ານການສືບສວນພີ່ນ້ອງຂອງຜູ້ກໍ່ເຫດກໍໄດ້ຮູ້ວ່າ ທັງສອງມັກມີປາກສຽງກັນ ແລະມີບັນຫາບໍ່ລົງລອຍເລື່ອງຊັບສິນ ນາງສີອຳພອນເລີຍພະຍາຍາມຕີໂຕອອກຫ່າງ ອັນເປັນເຫດໃຫ້ທ້າວ ບຸນຊູ ບໍ່ພໍໃຈຈຶ່ງລົງມືສັງຫານໂຫດກາງສາທາລະນະດັ່ງກ່າວ. ຂະນະນີ້ເຈົ້າໜ້າທີ່ກຳລັງເລັ່ງຈັບກຸມຜູ້ຕ້ອງຫາມາດຳເນີນຄະດີຕາມກົດໝາຍບ້ານເມືອງ.