ຄູ່ຄວນ!!ກາວານີຊິວລາງວັນແຄ່ງດີເດັ່ນລີກນຳ້ຫອມ

 

ເອດິສັນ ກາວານີ ດາວຍິງຂອງ ປາຣີ ແຊງ-ແຊັກແມງ ຮັບລາງວັນນັກເຕະດີເດັ່ນຂອງ ລີກແອັງ ປະຈຳລະດູການນີ້ໄປເປັນທີ່ຮຽບຮ້ອຍ ຂະນະທີ່ແຄ່ງຂອງ ອາແອສ ໂມນາໂກ ກວາດລາງວັນໄປເປັນເຂ້ງ.

 

ເອດິສັນ ກາວານີ ກອງໜ້າຂອງ ປາຣີ ແຊງ-ແຊັກແມງ ໄດ້ຮັບເລືອກໃຫ້ໄດ້ລາງວັນນັກເຕະດີເດັ່ນຂອງ ລີກແອັງ ຝຣັ່ງ ປະຈຳລະດູການ 2016-2017 ຈາກການປະກາດເມື່ອວັນຈັນທີ່ຜ່ານມາ.

 

ຫົວຫອກດາວດັງຂອງທີມຊາດອູຣູກວາຍອາຍຸ 30 ປິເຮັດຜົນງານໄດ້ຢ່າງເທບໃນລະດູການນີ້ ໂດຍຫຼ້າສຸດຍິງໃນລີກໄປແລ້ວເຖິງ 35 ລູກຈາກການລົງຫຼິ້ນ 35 ນັດເຖິງວ່າ ເປເອັດເຊ ກຳລັງຈະປິດສາກດ້ວຍຕຳແໜ່ງຮອງແຊມ ລີກແອັງ ກໍຕາມ.

 

ສຳລັບລາງວັນດາວລຸ້ງດີເດັ່ນປະຈຳລະດູການນີ້ຕົກເປັນຂອງ ດີລຽນ ເອັມບັບເປ ຫົວຫອກຂອງ ອາແອສ ໂມນາໂກ ຕາມທີ່ຄາດກັນໄວ້ຫຼັງຈາກທີ່ ດາວເຕະອາຍຸ 18 ປີລະເບີດຟອມເທບໃນລະດູການນີ້ດ້ວຍຜົນງານຍິງ 14 ປະຕູກັບ 11 ແອັດຊິສ ຂະນະທີ່ ດານິເຢວ ຊູບາຊິດ ນາຍທະວານເພື່ອນຮ່ວມທີມໄດ້ຮັບລາງວັນຜູ້ຮັກສາປະຕູດີເດັ່ນ.

 

ຂະນະທີ່ ເລໂອນາໂດ ຊາດີມ ນາຍໃຫຍ່ຂອງ ອາແອສ ໂມນາໂກ ໄດ້ຮັບເລືອກໃຫ້ໄດ້ລາງວັນຜູ້ຈັດການທີມດີເລີດປະຈຳລະດູການ ຫຼັງຈາກທີ່ພາທີມເຮັດຜົນງານໄດ້ຢ່າງຮ້ອນແຮງ ແລະ ໃກ້ທີ່ຈະໄດ້ແຊມລີກແລ້ວ ສ່ວນທາງດ້ານ ເອນໂກໂລ ກອງເຕ ມິດຟິວຈອມທັບຂອງ ເຊວຊີ ໄດ້ຮັບລາງວັນນັກເຕະຝຣັ່ງທີ່ຫຼິ້ນຢູ່ຕ່າງແດນດີເລີດໄປຄອບຄອງ.

 

ບົດຄວາມໃຫມ່ໆ