ຄຸມບາຊາ?ເບົາເບເດລາຄຸມບິນບາວ

 

ສໍ່ແວວຍ້າຍໄປຄຸມ ບາເຊໂລນາ ແທ້ໆແລ້ວສຳລັບ ເອເນສໂຕ້ ເບົາເບເດ ນາຍໃຫຍ່ຝີມືດີເລືອດກະທິງທີ່ຫຼ້າສຸດລົງຈາກຕຳແໜ່ງກຸນຊື ແອັດເທິເລຕິກ ບິນບາວ ຮຽບຮ້ອຍ.

 

ເອເນສໂຕ ເບົາເບເດ ນາຍໃຫຍ່ເລືອດສະເປນຕັດສິນໃຈລາອອກຈາກຕຳແໜ່ງຜູ້ຈັດການທີມຂອງ ແອັດເທິເລຕິກ ບິນບາວ ສະໂມສອນດັງໃນລີກ ລາ ລີກາ ສະເປນເປັນທີ່ຮຽບຮ້ອຍເມື່ອວັນອັງຄານທີ່ຜ່ານມາ ພ້ອມກັບກະແສຂ່າວທີ່ວ່າເຂົາກຽມເຂົ້າຄຸມທີມ ບາເຊໂລນາ ແທນບ່ອນ ຫຼຸຍ ເອັນຣິເກ ເຊິ່ງກຽມອຳລາຕຳແໜ່ງຫຼັງຈົບລະດູການນີ້.

 

ຄາດກັນວ່ານາຍໃຫຍ່ອາຍຸ 53 ປີກຽມທີ່ຈະເປີດຕົວເປັນນາຍໃຫຍ່ຄົນໃໝ່ຂອງ ບາເຊໂລນາ ໃນຊ່ວງຕົ້ນອາທິດໜ້າເນື່ອງຈາກວ່າ ເອັນຣິເກ້ ຍັງມີຄິວຄຸມທີມລົງເຕະ ໂກປາ ເດວ ເຣ ຮອບຊິງຊະນະເລີດກັບ ເດປໍຕິໂບ ອະລາເບສ ວັນເສົາທີ 27 ພຶດສະພານີ້.

 

ທັງນີ້ ເບົາເບເດ້ ກັບມາຄຸມ ບິນບາວ ອີກຄັ້ງໃນປີ 2013 ແລະ ສາມາດພາທີມລຸບທະວີບເອີຣົບໄດ້ຕະຫຼອດໃນ 3 ລະດູການທຳອິດ ແຕ່ລະດູການນີ້ ບິນບາວ ຈົບອັນດັບທີ 7 ໃນລີກແຕ່ວ່າພວກເຂົາຈະໄດ້ສິດລຸຍບານຂັນເອີຣົບ ຢູຟາ ຢູໂຣປາ ລີກ ລະດູການໜ້າ ຖ້າວ່າວັນເສົານີ້ ບາຊາ ໄດ້ແຊມ ໂກປາ ເດວ ເຣ ມາຄອງໄດ້.