ຄຸນປະໂຫຍດ ແລະ ໂທດຂອງຜັກອີ່ຮຸມ

 

ຜັກ​ອີ່­ຮຸມ​ໜຶ່ງ​ໃນ​ພືດ​ຜັກ​ພື້ນ​ບ້ານ​ທີ່​ນິ­ຍົມ​ປູກ​ຕາມ​ຂອບ​ຮົ້ວ ແລະ​ ສວນ​ຄົວ ລາວ​ເຮົາ​ໄດ້​ລວມ​ເອົາ​ທັງ​ສານ​ອາ­ຫານ ແລະ​ ວິ­ຕາ­ມິນ​ຫຼາກ​ຫຼາຍ​ຢ່າງ ຊຶ່ງ​ເປັນ​ສິ່ງຈຳ­ເປັນ​ແກ່​ຮ່າງ­ກາຍແຕ່​ຖ້າ​ຮັບ​ປະ­ທານ​ຫຼາຍ​ກໍ​ຈະ​ກາຍ­ເປັນ​ການ​ສະ​ສົມ​ພິດ​ໄວ້ໃນ​ຕົວ ເພື່ອ​ໃຫ້­ການ​ບໍ­ລິ­ໂພກ​ຜັກ​ອີ່­ຮຸມ​ມີ​ຄຸນ​ຫຼາຍ​ກວ່າ​ໂທດ​ເຮົາ​ໄປ​ຮູ້­ຈັກ ​ຄຸນ​ລັກສະ​ນະ​ຂອງ​ຜັກ​ະຊ​ນິດ​ນີ້​ພ້ອມໆ​ກັນ

ຄຸນ­ຄ່າ​ທາງ​ອາ­ຫານ​ຂອງ​ຜັກ​ອີ່­ຮຸມມີ​ໂປຣ​ຕີນ​ສູງ​ໂດຍ​ສະ­ເລ່ຍ​ແລ້ວ ໂປຣ​ຕີນ​ມີຫຼາຍ​ກວ່າ​ນົມ​ສົດ​ເຖິງ 2 ເທົ່າ ອຸ­ດົມໄປ​ດ້ວຍ​ວິ­ຕາ­ມິນ A ຫຼາຍ​ກວ່າ​ກາລົດ​ເຖິງ 3 ເທົ່າ ມີ​ແຄນ​ຊຽມ​ສູງກວ່າ​ນົມ​ສົດ​ເຖິງ 3 ເທົ່າ ໂພ​ເທ​ສຊຽມ​ມີ​ຫຼາຍ​ກວ່າ​ໝາກ­ກ້ວຍ 3 ເທົ່າ ມີ​ໃຍ​ອາ­ຫານ​ສູງ ແລະ ​ອຸ­ດົມໄປ​ດ້ວຍ​ກົດ​ອະ​ມີ​ໂນ​ທີ່​ຈຳ­ເປັນ​ຕໍ່ຮ່າງ­ກາຍ​ເຖິງ 8 ຊະ­ນິດ​ຄື (ໄອ​ໂຍລິວ​ຊີນ, ລິວ​ຊີນ, ໄລ​ຊີນ, ເມ​ໄທໂອນີນ, ຟີ​ນິ​ລ​ອະ​ລາ​ນີນ, ທຣີ​ໂອ​ນີນ, ທຣິ​ທ​ໂອ​ຍີນ ແລະ ກົດ​ອະ​ມີ​ໂນ​ວາ​ລີນ) ຊຶ່ງ​ລ້ວນ​ເປັນ​ກົດ​ອະ​ມີ​ໂນ​ທີ່​ສຳ­ຄັນ​ຈຳ­ເປັນ​ເພາະ​ຮ່າງ­ກາຍ​ບໍ່​ສາ­ມາດ​ ສ້າງ​ຂຶ້ນ​ມາ​ໄດ້​ດ້ວຍ​ຕົນ​ເອງ.

ໃບ​ຜັກ​ອີ່­ຮຸມ​ຖື​ເປັນ​ສ່ວນ​ທີ່​ມີ​ວິ­ຕາ­ມິນ A B C ແລະ ​ທາດ​ເຫຼັກ​ສູງ ຊຶ່ງ​ຈະ​ຊ່ວຍຫ້າມ​ເລືອດ​ເວ­ລາ​ເກີດ​ບາດ­ແຜຊ່ວຍ​ລະ­ບາຍແກ້​ອາ­ການ​ໄຂ້ຫຼຸດ​ ໄຂ­ມັນ​ໃນ​ເລືອດບຳ­ລຸງ​ຕັບ ແກ້​ອາ­ການ​ອັກ­ເສບປ້ອງ​ການ​ການ​ເກີດ​ບາດ­ແຜ​ໃນ​ກະ­ເພາະ​ອາ­ຫານບຳ­ລຸງ​ເຊວ​ ຕ່າງໆ​ໃນ​ຮ່າງ­ກາຍ​ໃຫ້​ແຂງ­ແຮງຊ່ວຍ​ຫຼຸດ​ລະ­ດັບ​ນ້ຳ­ຕານ​ໃນ​ເລືອດ ແລະ​ ຊ່ວຍ​ບຳ­ລຸງ​ການ​ເຮັດ​ວຽກ​ຂອງ​ລະ­ບົບ​ຍ່ອຍ​ອາ­ຫາ

ຢ່າງ­ໃດ​ກໍ​ຕາມ ເຖິງ​ວ່າ​ຜັກ​ອີ່­ຮຸມ​ຈະ​ມີ​ຄຸນ​ປະ­ໂຫຍດ​ຫຼວງ­ຫຼາຍ​ແຕ່​ກໍ​ຄວນ​ຮັບປະ­ທານ​ ຢ່າງ​ລະ­ມັດ­ລະ­ວັງ ໂດຍ​ສະ­ເພາະ​ຜູ້​ປ່ວຍ​ທີ່​ຮັບ​ປະ­ທານ​ເປັນ​ປະ­ຈຳ​ຄວນໝັ່ນ​ກວດ​ການ​ເຮັດ​ວຽກ​ ຂອງ​ຕັບເນື່ອງ​ຈາກ​ການ​ຮັບ​ປະ­ທານ​ຕິດ­ຕໍ່​ກັນ​ເປັນ​ເວ­ລາດົນ​ກໍ​ຈະ​ພົບ​ວ່າ ​ມີ​ສານ​ເອນ​ໄຊ​ໃນ​ຕັບ​ເພີ່ມ​ສູງ​ຂຶ້ນ ຍິ່ງ​ໃນ​ແມ່­ຍິງ​ຖື­ພາ​ຍິ່ງ​ຄວນ​ລະມັດ​ລະ­ວັງ​ໃນ​ການ​ຮັບ​ປະ­ທານ​ຜັກ​ ອີ່­ຮຸມ ເນື່ອງ​ຈາກ​ການ​ທົດ​ລອງ​ຄວາມ​ເປັນ​ພິດໃນ​ສັດ​ທົດ​ລອງ​ພົບ​ວ່າ ການ​ຮັບ​ປະ­ທານ​ຜັກ​ອີ່­ຮຸມ​ເປັນ​ເວ­ລາ​ດົນໆ​ອາດ​ຈະ​ເກີດການ​ສະ​ສົມ​ຂອງ​ສານ ​ບາງ​ຊະ­ນິດ​ຊຶ່ງ​ເປັນ​ພິດກະ­ທົບ​ເຖິງ​ລູກ​ໃນ​ທ້ອງ​ເຖິງ​ຂັ້ນ​ລຸລູກ​ກໍ​ເປັນ ​ໄດ້ ດັ່ງ­ນັ້ນ ຈິ່ງ​ບໍ່​ຄວນ​ຮັບ​ປະ­ທານ​ຫຼາຍ​ເກີນ​ໄປ ແລະ​ບໍ່​ຄວນ​ຮັບ​ປະທານ​ຕິດ­ຕໍ່​ກັນ​ໃນ​ໄລ­ຍະ​ຍາວ ເພາະ​ແທນ​ທີ່​ຈະ​ເກີດ​ປະ­ໂຫຍດ​ແຕ່​ອາດ​ກັບ­ກາຍເປັນ​ໂທດ​ແກ່​ຊີ­ວິດ​ຂອງ​ທ່ານ.

------------------------------------------------------------------------------------------------------------------------------