ຄຸນປະໂຫຍດຂອງເຫັດຫອມ

   ໃນປັດຈຸບັນ ບັນດາຄົນຮັກສຸຂະພາບທັງຫຼາຍກໍພາກັນຫັນມາດູແລເບິ່ງແຍງເອົາໃຈໃສ່ໃນສຸຂະພາບຂອງຕົນເອງຫຼາຍຂຶ້ນ ໂດຍສະເພາະດ້ານອາຫານການກິນນັ້ນເອີ້ນວ່າຄັດສັນແຕ່ສິ່ງດີໆມີປະໂຫຍດມາໃຫ້ຮ່າງກາຍນັບເປັນທີ່ດີທີ່ຄົນເຮົາຫັນມາເອົາໃຈໃສ່ໂຕເອງຫຼາຍຂຶ້ນ ເຊິ່ງອາຫານເພື່ອສຸຂະພາບຄືເຫັດຫອມ ຫຼື ຊິຕາເກະນັ້ນຖືເປັນອີກໜຶ່ງອາຫານເພື່ອສຸຂະພາບທີ່ຄົນເຮົາຮູ້ຈັກກັນດີ ເພາະຈະເຫັນໄດ້ຈາກການນຳເຫັດຫອມມາເປັນສ່ວນປະກອບໃນອາຫານເພື່ອເພີ່ມລົດຊາດ ແລະ ຄຸນຄ່າໃຫ້ແກ່ເມນູອາຫານທີ່ຕົນເອງມັກ.

ລັກສະນະທົ່ວໄປຂອງເຫັດຫອມ (Shiitake)

   ເຫັດຫອມ (Shiitake) ບໍລິເວນຫົວເຫັດຈະມີລັກສະນະມົນ ເທິງຜິວຂອງຫົວເຫັດຈະມີສີນ້ຳຕານອ່ອນເຖິງສີນ້ຳຕານເຂັ້ມ ຫຼື ນ້ຳຕານອົມແດງ ໂດຍມີຂົນທີ່ຮວມກັນເປັນລັກສະນະເປືອກສີຂາວຫຍາບໆກະຈາຍຢູ່ເທິງຫົວເຫັດ ມີກ້ານເປັນສີນ້ຳຕານອ່ອນໆ ຫຼື ສີຂາວ ສ່ວນເນື້໋ອຂອງເຫັດຫອມຈະນຸ້ມ ກິນແຊບ ແລະ ມີກິ່ນຫອມອັນເປັນເອກະລັກຂອງເຫັດຫອມ.

ຄຸນສົມບັດ ແລະ ຜົນປະໂຫຍດຂອງເຫັດຫອມ (shiitake)
- ຊ່ວຍໃນການປົກປ້ອງຕໍ່ຕ້ານໂລກມະເຮັງເຊັ່ນດຽວກັນ.
- ມີຄວາມຕ້ານທານຕໍ່ເຊື້ອໄວຣັສປ້ອງກັນບໍ່ໃຫ້ເປັນຫວັດ.
- ຊ່ວຍຫຼຸດຜ່ອນນ້ຳຕານ ແລະ ໄຂມັນໃນເລືອດໃຫ້ປົກກະຕິ.
- ຊ່ວຍປ້ອງກັນຄວາມດັນເລືອດສູງ.
- ຊ່ວຍບຳລຸງຮັກສາລະບົບຫົວໃຈໃຫ້ແຂງແຮງສາມາດເຮັດວຽກເປັນປົກກະຕິ ແລະ ປະສິດທິຜົນ.

- ຊ່ວຍປ້ອງກັນບໍ່ໃຫ້ເກີດພະຍາດທາຣັສຊິເມຍ ຫຼື ພະຍາດເລືອດຈາງ.
- ຊ່ວຍໃຫ້ຮ່າງກາຍ ແລະ ກ້າມຊີ້ນແຂງແຮງ .
- ບໍາລຸງກະດູກໃຫ້ແຂງແຮງ ແລະ ບໍ່ແຕກຫັກງ່າຍ.
- ຊ່ວຍໃນການໄຫຼວຽນຂອງເລືອດໃນຮ່າງກາຍໃຫ້ສະດວກ.
- ຊ່ວຍສ້າງພູມຕ້ານທານໃຫ້ແກ່ຮ່າງກາຍໄດ້ເປັນຢ່າງດີ.

 

ບົດຄວາມໃຫມ່ໆ