ຄຸນປະໂຫຍດຂອງດອກອັນຊັນທີ່ຫຼາຍຄົນຍັງບໍ່ຮູ້

 

ດອກອັນຊັນໄດ້ຊື່ວ່າເປັນສະໝຸນໄຟພື້ນບ້ານທີ່ຄົນນິຍົມ ເພາະມີປະໂຫຍດທີ່ຫຼາກຫຼາຍທັງມີສານແອນໂທໄຊຢານິນ ຊຶ່ງມີຄຸນສົມບັດເພີ່ມການໄຫຼວຽນໃນຫຼອດເລືອດຂະໜາດນ້ອຍເຮັດໃຫ້ເລືອດໄປລ້ຽງຮາກ ຜົມຫຼາຍຂຶ້ນສານ ດັ່ງກ່າວນີ້ພົບ ໄດ້ໃນໝາກໄມ້ແລະດອກໄມ້ທີ່ມີສີຟ້າ,ສີແດງ ຫຼື ສີມ່ວງມີຄຸນສົມບັດເປັນ ສານຕໍ່ຕ້ານອະນຸມູນອິດສະຫຼະຈາກທຳມະຊາດ ໂດຍທີ່ພືດຈະສ້າງສານນີ້ຂຶ້ນມາເພື່ອປ້ອງກັນດອກ ຫຼື ໝາກຈາກອັນຕະລາຍຂອງແສງແດດ ແລະໂລກພະຍາດ ສີຈາກ ດອກສາມາດ ນຳມາປະກອບອາຫານໄດ້ ເພາະມີຄຸນຄ່າທາງສະໝຸນໄພທີ່ຊ່ວຍປູກຜົມ, ບຳລຸງສາຍຕາ, ແກ້ຕາຟາງ, ຕາ ປຽກ ປຸງແຕ່ງເປັນຢາຂັບປັດສະວະ, ຮາກໃຊ້ຖູ ແຂ້ວແກ້ອາການເຈັບແຂ້ວໄດ້ ນອກຈາກນັ້ນຍັງສາມາດ ນຳມາປຸງແຕ່ງ ເປັນເຄື່ອງດື່ມໄດ້ຄື:  ນໍ້າອັນຊັນ ເຕີຍຫອມທີ່ມີສັບພະຄຸນຕ້ານອະນຸມູນອິດສະຫຼະ, ບຳລຸງສາຍຕາ ແລະ ໂລກຫົວໃຈ ພຽງ ແຕ່ນຳສ່ວນ ປະສົມດັ່ງນີ້ມາປະກອບຄື: ດອກອັນຊັນ 1 ກໍາມື, ເຕີຍຫອມ 1 ຕົ້ນນ້ອຍ, ນໍ້າເຜິ້ງ 1 ບ່ວງແກງ , ນໍ້າ ຕານ, ເກືອ 1 ຍິບມື  ແລະໝາກນາວເຄິ່ງໜ່ວຍ.

 

ວິທີປຸງ:  ນໍາດອກອັນຊັນ ແລະ ເຕີຍຫອມຕົ້ມພ້ອມກັນຈົນນໍ້າຟົດຈັກປະມານ 10-15 ນາທີ ແລ້ວຍົກລົງ, ຕ້ອງເອົາ ແຕ່ນໍ້າແລ້ວໃສ່ນໍ້າຕານ,ເກືອ(ປຸງລົດຊາດຕາມໃຈ)ນໍ້າເຜິ້ງແລ້ວບີບໝາກນາວ ນຳລົງໄປ ຄົນສ່ວນ ປະສົມທັງໝົດ ໃຫ້ເຂົ້າ ກັນຖອກໃສ່ຈອກທີ່ມີນໍ້າກ້ອນແລ້ວດື່ມເຢັນໆທັນທີ.

ຄຸນປະໂຫຍດຮາກອັນຊັນ

  • ນຳມາປຸງເປັນຢາຂັບຖ່າຍ ເເລະ ຢາລະບາຍໄດ້
  • ເເກ້ອາການເຈັບເເຂ້ວ ເເລະ ເຮັດໃຫ້ເເຂ້ວເເຂງເເຮງ ໂດຍການນຳເອົາຮາກຂອງອັນຊັນມາຖູທີເເຂ້ວ
  • ຊ່ວຍເພີ່ມປະສິດທິພາບໃນການເບີ່ງໃຫ້ດີຂຶ້ນໂດຍການນຳເອົາຮາກຂອງອັນຊັນໄປຖູກັບນ້ຳຝົນເເລ້ວນຳມາ ຫຍອດຕາເເລະຫູ

ໃບອັນຊັນ

  • ຊ່ວຍຂັບຖ່າຍສະດວກ
  • ຊ່ວຍບຳລຸງສາຍຕາ ເເລະ ອາການຕາປຽກໄດ້

  ດອກອັນຊັນ

  • ຊ່ວຍເສີມສ້າງພູມຕ້ານທ້ານໃຫ້ຮ່າງກ່າຍ ເເລະ ເພີ່ມພະລັງເຮັດໃຫ້ຮ່າງກາຍມີເເຮງຂຶ້ນ
  • ສານຕ້ານອະນຸມູນອິດສະຫຼະໃນດອກອັນຊັນຊ່ວຍໃນການຊະລໍໄວເເລະຮີ້ວຮອຍ
  • ຊ່ວຍບຳລຸງສະໝອງ
  • ຊ່ວຍລົດຄວາມສ່ຽງຂອງການເກີດໂລກຫົວໃຈ ແລະ ພາວະຫຫຼອດເລືອດຫົວໃຈຕີບ  
  • ຊ່ວຍລົດຄວາມສ່ຽງຂອງການເກີດໂລກມະເຮັງ
  • ຊ່ວຍລົດລະດັບນ້ຳຕານໃນເລືອດໃນຜູ້ປ່ວຍເປັນໂລກເບົາຫວາານ
  • ຊ່ວຍລ້າງສານພິດ ແລະ ຂັບຂອງເສຍອອກຈາກຮ່າງກາຍ
  • ເເກ້ອາການບວມ
  • ຊ່ວຍປ້ອງກັນ ແລະ ບັນເທົາອາການຊາຕາມນີ້ວມືນີ້ວຕີນ