ຄືນຟອມ..ເມຕົບສາວໄຕ້ຫວັນຜ່ານເຂົ້າຮອບ 2 ເຈແປນໂອເພັນ

 

ເມ ຣັດຊະນົກ ອິນທະນົນ ກັບມາຄືນຟອມເກັ່ງໄດ້ອີກແລ້ວເມື່ອໄລ່ຕ້ອນ ໄປ່ ຢູ ໂປ່ ຄູ່ແຂ່ງຈາກໄຕ້ຫວັນ 2-0 ເກມຜ່ານເຂົ້າສູ່ຮອບ 2 ຍິງດ່ຽວໃນລາຍການ ແບັດມິນຕັນຊຸບເປີຊີຣີທີ່ປະເທດຍີ່ປຸ່ນ.

 

ການແຂ່ງຂັນ ແບັດມິນຕັນຊຸບເປີຊີຣີ 2016 ລາຍການ “ໂຢເນັກ ໂອເພັນ ເຈແປນ” ປະຈໍາວັນພຸດທີ 21 ກັນຍາ 2016 ທີ່ສະໜາມໂຕກຽວ ເມໂທໂປລິແທນ ຢິມເນຊຽມ ນະຄອນໂຕກຽວປະເທດຍີ່ປຸ່ນຊິງເງິນລາງວັນລວມ 300,000 ໂດລາສະຫະລັດເຊິ່ງຍັງເປັນການແຂ່ງຂັນໃນຮອບທຳອິດ.

 

ປະເພດຍິ່ງດ່ຽວ ເມ ໄດ້ລົງແຂ່ງກັບນັກຕົບລູກຂົນໄກ່ຈາກໄຕ້ຫວັນ ໄປ່ ຢູ ໂປ່ ແລະ ສາມາດເອົາຊະນະໄດ້ແບບສະບາຍ 2-0 ເຊັດ 21-16, 21-12 ຜ່ານເຂົ້າສູ່ຮອບສອງຕໍ່ໄປ.