ຄັອບ ນາຍຄົນທຳອິດທີ່ພາຫົງເສຍທັງທີ່ນຳ 2 ເມັດ

 

ເຈີເກັນ ຄັອບ ນາຍໃຫຍ່ ລີເວີພູ ສ້າງສະຖິຕິທີ່ບໍ່ດີຂຶ້ນມາເມື່ອກາຍເປັນຜູ້ຈັດການທີມຄົນທຳອິດທີ່ເຮັດໃຫ້ “ຫົງແດງ” ຕ້ອງພົບກັບຄວາມປລາໄຊໃນເກມ ພຣີເມຍລີກ ທັງທີ່ນຳ 2 ລູກຂຶ້ນໄປໃນຊ່ວງພັກເຄິ່ງ ໂດຍທີ່ກ່ອນໜ້ານີ້ທີມດັງຈາກ ແອນຟິວ ຊະນະເຖິງ 112 ເກມຈາກທັງໝົດ 115 ເກມທີ່ນຳຄູ່ແຂ່ງ 2 ລູກຂຶ້ນໄປໃນຊ່ວງພັກເຄິ່ງ.

 

ເຈີເກັນ ຄັອບ ຜູ້ຈັດການທີມ ລີເວີພູ ກາຍເປັນນາຍຄົນທຳອິດຂອງທີມທີ່ພາ “ຫົງແດງ” ເສຍທັງທີ່ນຳ 2 ລູກຂຶ້ນໄປໃນຊ່ວງພັກເຄິ່ງ ນັບຕັ້ງແຕ່ເຂົ້າສູ່ຍຸກ ພຣີເມຍລີກ ຫຼັງຈາກທີ່ທີມຂອງເຂົາອອກໄປເສຍໃຫ້ກັບ ເຊົາແຮມຕັນ 2-3 ໃນເກມລີກເມື່ອວັນອາທິດທີ່ຜ່ານມາ.

ຟິລິບເປ ຄູຕິນໂຢ ກັບ ແດນນຽວ ສະເຕິຣິດ ຍິງປະຕູໃນນາທີທີ່ 17 ກັບ 22 ຕາມລຳດັບຈົນເຮັດໃຫ້ເບິ່ງຄືວ່າທີມຢາມຈະເກັບ 3 ແຕ້ມເຕັມກັບບ້ານໄປແບບສະບາຍໆ ແຕ່ເຄິ່ງຫຼັງກາຍເປັນໜັງມ້ວນໃໝ່ເມື່ອເຈົ້າບ້ານມາໄດ້ບາດດຽວ 3 ລູກແບ່ງເປັນ 2 ລູກຂອງ ຊາດິໂອ ມາເນ ໃນນາທີ 64 ກັບ 86 ແລະ ກຣາເຊຍໂນ ເປເລ ໃນນາທີ 83.

 

ທັງນີ້ ກ່ອນໜ້າເກມກັບ ເຊົາແຮມຕັນ ນັ້ນ ລີເວີພູ ນຳຄູ່ແຂ່ງ 2 ລູກຂຶ້ນໄປໃນຊ່ວງພັກເຄິ່ງ 115 ນັດ ແລະ ພວກເຂາກໍເກັບໄຊຊະນະໄດ້ເຖິງ 112 ນັດໂດຍຄວາມປລາໄຊເທື່ອລ່າສຸດເຮັດໃຫ້ທີມດັງຈາກຖິ່ນ ແອນຟິວ ຢູ່ທີ 9 ຂອງຕາຕາລາງຄະແນນດ້ວຍຜົນງານ 44 ຄະແນນຈາກການລົງຫຼິ້ນ 29 ນັດ.