ຄັອບເທບ!!ພາຫົງຍິງຫຼາຍສຸດໃນຮອບ 121 ປີ

 

ສາວົກ “ຫົງແດງ” ມີຍິ້ມຫຼັງຈາກທີ່ ເຈີເກັ້ນ ຄັອບ ນາຍໃຫຍ່ຂອງທີມພາ ຫົງແດງ ຍິງປະຕູຫຼາຍສຸດໃນຮອບ 121 ປີ ຫຼັງຈາກທີ່ຍິງໄປເຖິງ 24 ລູກຈາກ 8 ນັດທໍາອິດໃນທຸກລາຍການສູງສຸດນັບຕັ້ງແຕ່ລະດູການ 1895-96 ທີ່ຍິງໄດ້ 34 ລູກ.

 

ເຈີເກັ້ນ ຄັອບ ຜູ້ຈັດການທີມ ລີເວີພູ ສະໂມສອນຍັກໃຫຍ່ຂອງ ພຣີເມຍລີກ ເຮັດສະຖິຕິພາ “ຫົງແດງ” ຍິງປະຕູໄດ້ເຖິງ 24 ລູກຈາກ 8 ເກມທຳອິດໃນທຸກລາຍການເຊິ່ງສູງສຸດນັບຕັ້ງແຕ່ປີ 1895 ເປັນຕົ້ນມາ ຕາມການລາຍງານຈາກ “ເມໂທຣ” ສື່ຜູ້ດີເມື່ອວັນອາທິດທີ່ຜ່ານມາ.

 

ລີເວີພູ ລະເບີດຟອມໂດຍການເປີດຮັງ ແອນຟິວ ໄລ່ທຸບ ຮາວ ຊີຕີ້ 5-1 ເມື່ອວັນເສົາທີ່ຜ່ານມາສົ່ງຜົນໃຫ້ລູກທີມຂອງ ຄັອບ ຍິງໄປແລ້ວ 24 ລູກຈາກ 8 ເກມໃນທຸກລາຍການຫຼາຍສຸດນັບຕັ້ງແຕ່ເຄີຍຍິງໄດ້ 34 ລຸກເມື່ອລະດູການ 1895-96 ສະໄໝທີ່ “ຫົງແດງ” ຄຸມທັບໂດບ ວິວລຽມ ເອັດເວິດ ບາເຄລ ແລະ ຈອນ ແມັກເຄນນ້າ.

 

ຢ່າງໃດກໍຕາມ ແຟນບານ “ຫົງແດງ” ອາດຈະຕ້ອງລຸ້ນເລື່ອງອະນາຄົດຂອງ ຄັອບ ກັນຕໍ່ໄປຫຼັງຈາກມີລາຍງານວ່າ ບາເຢິນ ມິວນິກ ສະໂມສອນຍັກໃຫຍ່ຂອງເຢຍລະມັນຕ້ອງການດຶງເຂົາໄປເປັນຜູ້ຈັດການທີມຕໍ່ຈາກ ຄາໂລ ອັນເຊລັອດຕິ ນາຍໃຫຍ່ຊາວອີຕາລີຄົນປັດຈຸບັນ.