ຄັດເລືອກໄດ້ແລ້ວ 20 ນາງສາວງາມ ເຂົ້າຮອບຕັດສິນຊະນະເລີດ ນາງສາວລາວ ປະຈໍາປີ 2015

 

ພິທີຖະແຫຼງຂ່າວຜົນການຄັດເລືອກສາວງາມ ຈາກ 40 ນາງສາວ ເຫຼືອພຽງ 20 ຄົນເຂົ້າຮອບຕັດສິນຊະນະເລີດ ໄດ້ຈັດຂຶ້ນໃນຕອນຄໍ່າວັນທີ 12 ຕຸລາ 2015 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານນາງ ວິໄລວອນ ພັນທະວົງ ຫົວໜ້າກົມຂະບວນການ ສູນກາງຊາວໜຸ່ມປະຊາຊົນປະຕິວັດລາວ ທ່ານ ດຣ.ຫົງຄຳ ສຸວັນນະວົງ ປະທານບໍລິສັດ ທີວີລາວ ຈໍາກັດ ທັງເປັນຜູ້ຈັດໂຄງການປະກວດນາງສາວລາວ ປະຈໍາປີ 2015 ມີບັນດາຄະນະກໍາມະການໂຄງການປະກວດນາງສາວລາວ ຄະນະກໍາມະການຕັດສິນ ພ້ອມດ້ວຍນາງສາວງາມ ແລະ ມວນຊົນຊາວນະຄອນຫຼວງວຽງຈັນ ເຂົ້າຮ່ວມເປັນຈໍານວນຫຼວງຫຼາຍ.

…….ທ່ານ ດຣ.ຫົງຄໍາ ສຸວັນນະວົງ ໄດ້ກ່າວວ່າ ການປະກວດໃນຮອບຄັດເລືອກ 40 ນາງສາວຄັ້ງນີ້ ໂດຍການເດີນແບບໃສ່ຊຸດກີລາ ເຊິ່ງຄະນະກໍາມະການສາມາດເລືອກໄດ້ 20 ສາວງາມ ໂດຍແຕ່ລະນາງສາວກໍໄດ້ຈັບສະຫຼາກເອົາໝາຍເລກປະຈໍາໂຕ ເພື່ອເຂົ້າຮ່ວມເຄື່ອນໄຫວກິດຈະກໍາຕ່າງໆຂອງໂຄງການປະກວດນາງສາວລາວ 2015 ແລະ ເຂົ້າຮອບຕັດສິນຊະນະເລີດ ເຊິ່ງຈະຈັດຂຶ້ນໃນວັນທີ 21 ພະຈິກ 2015 ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ປະກອບມີລາຍຊື່ສາວງາມ ໝາຍເລກ M1 ນາງສຸກສາຄອນ ປັນຍາບັນດິດ ໂຕແທນຈາກນະຄອນຫຼວງວຽງຈັນ ໝາຍເລກ M2 ນາງ ສັນຍາລັກ ວິໄລຫົງ ໂຕແທນຈາກນະຄອນຫຼວງວຽງຈັນ ໝາຍເລກ M3 ນາງເພັດມະນີ ພິລາຄົງ ໂຕແທນຈາກນະຄອນຫຼວງວຽງຈັນ ໝາຍເລກ M4 ນາງ ສຸວິດາ ແສງອ່ອນແກ້ວ ໂຕແທນຈາກແຂວງບໍ່ແກ້ວ ໝາຍເລກ M5 ນາງ ທິດາວັນ ບຸນຍະລິດ ໂຕແທນຈາກແຂວງຈໍາປາສັກ ໝາຍເລກ M6 ນາງ ເບັນຈະມາດ ແກ້ວວິຫານ ໂຕແທນຈາກແຂວງວຽງຈັນ ໝາຍເລກ M7 ນາງ ວຽງສະຫວັນ ສຸພັນນຸວົງ ໂຕແທນຈາກແຂວງຫຼວງພະບາງ ໝາຍເລກ M8 ນາງ ພູມາລີ ຈັນໂທທະວົງ ໂຕແທນຈາກແຂວງສະຫວັນນະເຂດ ໝາຍເລກ M9 ນາງ ມາລິນີ ອິນທະວົງ ໂຕແທນຈາກນະຄອນຫຼວງວຽງຈັນ ໝາຍເລກ M10 ນາງ ວິສາຂາ ສິງສະຫວັນ ໂຕແທນຈາກແຂວງສາລະວັນ ໝາຍເລກ M11 ນາງ ອານິດາ ມິ່ງບຸບຜາ ໂຕແທນຈາກແຂວງຫຼວງພະບາງ ໝາຍເລກ M12 ນາງ ກີຕ້າ ລັດຕະນະວົງ ໂຕແທນຈາກນະຄອນຫຼວງວຽງຈັນ ໝາຍເລກ M13 ນາງ ກັນລະຍາ ທຸມມະເກສອນ ໂຕແທນຈາກນະຄອນຫຼວງວຽງຈັນ ໝາຍເລກ M14 ນາງ ພອນສຸກ ວົງສົມຈິດ ໂຕແທນຈາກແຂວງໄຊຍະບູລີ ໝາຍເລກ M15 ນາງ ນິດສະພອນ ຫຼວງໄຊ ໂຕແທນຈາກນະຄອນຫຼວງວຽງຈັນ ໝາຍເລກ M16 ນາງ ປາລິນາ ຜາສຸກ ໂຕແທນຈາກແຂວງຈໍາປາສັກ ໝາຍເລກ M17 ນາງ ຈັນເທພາ ວົງພູທອນ ໂຕແທນຈາກນະຄອນຫຼວງວຽງຈັນ ໝາຍເລກ M18 ນາງ ປຸລັດດາ ສາຍດອນໂຂງ ໂຕແທນຈາກແຂວງອັດຕະປື ໝາຍເລກ M19 ນາງ ແສງມະນີ ແກ້ວມວນວົງ ໂຕແທນຈາກນະຄອນຫຼວງວຽງຈັນ ແລະ ໝາຍເລກ M20 ນາງ ສຸຕິລັກ ອິນທະວົງ ໂຕແທນຈາກນະຄອນຫຼວງວຽງຈັນ.

…….ສໍາລັບສາວງາມທີ່ໄດ້ຄອງຕໍາແໜ່ງນາງສາວລາວ ປະຈໍາປີ 2015 ຈະໄດ້ຮັບມຸງກຸດເພັດ ມູນຄ່າ 30 ລ້ານກີບ ພ້ອມດ້ວຍສາຍສະພາຍ ລົດເກງ 1 ຄັນ ແລະ ລາງວັນຈາກຜູ້ສະໜັບສະໜູນໂຄງການ ນອກນີ້ຍັງມີລາງວັນອັນດັບ 2 ອັນດັບ 3 ແລະ ລາງວັນອື່ນໆອີກຢ່າງຫຼວງຫຼາຍ.

 

-------------------------------------------------------------------------------------------------------------------------------------

ທີ່ມາ:www.vtetoday.la