ຄັດເລືອກໄດ້ແລ້ວ ສຸດຍອດ ນາງແບບ-ຊາຍແບບ ແລະ ເດັກນ້ອຍໜ້າຮັກ ປີ 2015

ໂຄງການປະກວດສຸດຍອດຊາຍແບບ, ນາງແບບ ແລະ ເດັກນ້ອຍໜ້າຮັກ ຫຼື ເອີ້ນໃຫ້ທັນສະໄໝແດ່ ກໍວ່າ “ລາວຊຸບເປີໂມເດລ 2015” ໄດ້ສຳເລັດລົງຢ່າງງົດງາມ ແລະ ຕາມຄວາມຄາດໝາຍ ໂດຍມີຜູ້ຫຼັກຜູ້ໃຫຍ່ຂອງບ້ານເມືອງຫຼາຍທ່ານສົນໃຈໃຫ້ກຽດເຂົ້າຮ່ວມຊົມ.

ງານປະກວດ “ລາວ ຊຸບເປີ ໂມເດລ 2015” (23.08.2015 ທີ່ຫໍວັດທະນະທໍາແຫ່ງຊາດ).

ໂຄງການປະກວດສຸດຍອດຊາຍແບບ, ນາງແບບ ແລະ ເດັກນ້ອຍໜ້າຮັກຄັ້ງນີ້, ມີຜູ້ເຂົ້າຮ່ວມແຂ່ງຂັນຫຼາຍກວ່າ 300 ຄົນ, ທີ່ມາຈາກ 9 ໂຕເມືອງໃນທົ່ວນະຄອນຫຼວງວຽງຈັນ ແລະ ໄດ້ຄັດເລືອກມາເຫຼືອພຽງ 42 ນ້ອງ ເຂົ້າໄປສູ່ຮອບສຸດທ້າຍ ເພື່ອຄົ້ນຫາຜູ້ທີ່ຈະເປັນສຸດຍອດຊາຍແບບ, ນາງແບບ ແລະ ເດັກນ້ອຍໜ້າຮັກ ປະຈໍາປີ 2015.

ງານປະກວດ “ລາວ ຊຸບເປີ ໂມເດລ 2015” (23.08.2015 ທີ່ຫໍວັດທະນະທໍາແຫ່ງຊາດ).

ແລະ ຜ່ານການແຂ່ງຂັນ ຜົນປາກົດວ່າ: ອັນດັບນຶ່ງ ໄດ້ແກ່ L11 ນາງ ຖາວອນ ສຸນາເຄນ ໄດ້ຮັບລາງວັນນາງແບບ “ຊຸບເປີໂມເດລ” ແລະ ລາງວັນຂວັນໃຈມະຫາຊົນ ປະຈໍາປີ 2015 ພ້ອມຂັນລາງວັນ, ມົງກຸດເພັດ, ສາຍສະພາຍ ຮວມມູນຄ່າ 50 ລ້ານກີບ ແລະ ລາງວັນຊາຍແບບ ໄດ້ແກ່ M10 ທ້າວ ສຸຂະນິດ ອິນທະວົງ ໄດ້ຮັບຂັນລາງວັນ, ສາຍສະພາຍ ມູນຄ່າ 20 ລ້ານກີບ. ສ່ວນລາງວັນເດັກນ້ອຍຍິງໜ້າຮັກ ໄດ້ແກ່ SL3 ນາງ ສີລາທິບ ຈັນສີສຸລິຍະວົງ ອາຍຸ 6 ປີ, ໄດ້ຮັບຂັນລາງວັນ ແລະ ເງິນມູນຄ່າ 10 ລ້ານກີບ ແລະ ເດັກຊາຍໜ້າຮັກແມ່ນ SM6 ທ້າວ ລີໂອ ວົງສະຫວ່າງ ອາຍຸ 6 ປີ, ໄດ້ຮັບຂັນລາງວັນ ແລະ ເງິນມູນຄ່າ 10 ລ້ານກີບ. ນອກນັ້ນ, ຍັງມີລາງວັນຂວັນໃຈມະຫາຊົນ, ລາງວັນຂວັນໃຈຊ່າງພາບຊາຍແບບ, ນາງແບບ ແລະ ເດັກນ້ອຍໜ້າຮັກນໍາອີກ.

ງານປະກວດ “ລາວ ຊຸບເປີ ໂມເດລ 2015” (23.08.2015 ທີ່ຫໍວັດທະນະທໍາແຫ່ງຊາດ).

ທ່ານ ສາຍທອງ ແກ້ວດວງດີ ຮອງເຈົ້າຄອງ ໄດ້ມີຄຳເຫັນໃນພິທີວ່າ: ງານປະກວດ ລາວຊຸບເປີໂມເດລ ແມ່ນນຶ່ງໃນການເຄື່ອນໄຫວທາງດ້ານວັດທະນະທຳທີ່ມີເນື້ອໃນ ແລະ ມີຄວາມໝາຍສຳຄັນ, ໂດຍສືບເນື່ອງມາຈາກປີທີ່ຜ່ານມາ, ເຫັນວ່າໄດ້ຮັບໝາກຜົນທີ່ໜ້າເພິ່ງພໍໃຈ ແລະ ເປັນການສ້າງບັນຍາກາດທີ່ເບີກບານມ່ວນຊື່ນ ແລະ ທັງເປັນການສ້າງໂອກາດໃຫ້ແກ່ຊາວໜຸ່ມ ໄດ້ມີເວທີສະແດງທັກສະ, ຄວາມສາມາດ, ພອນສະຫວັນ ແລະ ນໍາໃຊ້ເວລາຫວ່າງໃຫ້ເປັນປະໂຫຽດ ເພື່ອຫ່າງໄກຈາກສິ່ງຫຍໍ້ທໍ້ຕ່າງໆ ແລະ ເປັນການພັດທະນາວົງການບັນເທິງຂອງລາວໃຫ້ມີບາດກ້າວເຕີບໃຫຍ່ຂະຫຽາຍໂຕໃຫ້ທັນຍຸກທັນສະໄໝ ເພື່ອຮອງຮັບການເຂົ້າຮ່ວມແຂ່ງຂັນໃນເວທີສາກົນ ແລະ ສໍາລັບຜູ້ທີ່ຊະນະເລີດໃນໂຄງການດັ່ງກ່າວປີນີ້ ແມ່ນຈະໄດ້ຮັບໃຊ້ສັງຄົມ ແລະ ງານສໍາຄັນຕ່າງໆທີ່ລາວເປັນເຈົ້າພາບອີກດ້ວຍ.

ງານປະກວດ “ລາວ ຊຸບເປີ ໂມເດລ 2015” (23.08.2015 ທີ່ຫໍວັດທະນະທໍາແຫ່ງຊາດ).

ງານປະກວດ “ລາວ ຊຸບເປີ ໂມເດລ 2015” ໄດ້ຈັດຂື້ນໃນຄ່ຳຄືນຂອງວັນທີ 23 ສິງຫາຜ່ານມາ, ຢູ່ຫໍວັດ ທະນະທຳແຫ່ງຊາດ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນ ແລະ ມວນຊົນຊາວນະຄອນຫຼວງວຽງຈັນ ເຂົ້າຮ່ວມເປັນຈຳນວນຫລາຍ.

ງານປະກວດ “ລາວ ຊຸບເປີ ໂມເດລ 2015” (23.08.2015 ທີ່ຫໍວັດທະນະທໍາແຫ່ງຊາດ).

………………………………………………………………………………………………………………………………………………………………..

ໂດຍ: ປັນຍາ ພັນທະພານິດ