ຄວາມ​ເຊື່ອ​ເລື່ອງ​ຜົມ​ບາງ​ຂອງ​ລູກ

ບໍ່​ວ່າ​ລູກ​ຈະ​ຜົມ​ນ້ອຍ​ຜົມ​ບາງ​ ຜົມ​ຍິກ​ ພໍ່​ແມ່​ສ່ວນ​ໃຫຍ່​ກໍ​ຄົງ​ບໍ່​ກັງ​ວົນ​ຂໍແຕ່​ລູກ​ສຸຂະ ພາບ​ດີ​ແຂງ​ແຮງ​ ມີ​ຄວາມ​ສຸກ​ພໍ່​ແມ່​ກໍ​ມີ​ຄວາມ​ສຸກ​ແລ້ວ​ ແຕ່​ຫຼາຍ​ຄົນ​ກໍ​ແອບ​ຫວັງ​ນິດ​ໆ​ ຢາກ​ໃຫ້​ລູກ​ສາວ​ມີ​ຜົມ​ຍາວ​ສົນ​ໄວ​ໜ້າ​ຮັກ​ຢ່າງ​ຕຸ໊ກ​ຕາ​ ຈັບ​ແຕ່ງ​ຕົວ​ກໍ​ເບິ່ງ​ດີເຮັດ​ເປັນ​ຫລິ້ນ​ໄປ​ ດຽວ​ນີ້​ເທນ​ນີ້​ທັງ​ນັ້ນ​ໃນ​ໝູ່​ເດັກ​ນ້ອຍ​ດາ​ລາ​ ໃຜ​ແດ່ຈະ​ບໍ່​ຢາກ​ໃຫ້​ລູກ​ເປັນ​.

ແຖ​ຜົມ​ໄຟ​ ຜົມ​ເລີຍ​ຂຶ້ນ​ຊ້າ​

ຢ່າ​ວ່າ​ແຕ່ຄົນລາວ​ແທ້​ໆ​ ຄົນ​ລາວເຊື້ອ​ຈີນ​ກໍ​ໃຫ້​ລູກ​ຫຼານ​ແຖ​ຜົມ​ໄຟ​ຄືກັນ​ ຖ້າລ​ອງເບີ່ງ​ໃນ​ແງ່​​ແພດ​ກໍ​ແນະ​ນຳ​ວ່າ​ ແຖ​ແລ້ວ​ຊ່ວຍ​ໃຫ້​ເຮັດ​ຄວາມ​ສະ​ອາດ​ຫົວ​ໃຫ້​ລູກໄ​ວ​ນ້ອຍ​ໄດ້​ງ່າຍ​ ອັນ​ນີ້​ຈິງ​ແທ້​ ບ້ານ​ເຮົາ​ເປັນ​ເມືອງ​ຮ້ອນ​ດົນ​ຜົມ​ຍາວ​ໆ​ຂອງ​ລູກ​ອາດ​ເປັນ​ທີ່​ສະ​ສົມ​ຂອງ​ຮັງ​ແຄ​ໄດ້​ ເນື່ອງ​ຈາກ​ໜູ​ນ້ອຍໄ​ວທຳອິດ​ເກີດ​ຈະ​ມີ​ແຜ່ນ​ໄຂ​ມັນ​ສີ​ນ້ຳ​ຕານ​ເກາະ​ຕິດ​ໜັງ​ຫົວ​ ຊຶ່ງ​ຫຼຸດ​ອອກ​ໄດ້​ງ່າຍ​ ໝັກ​ໝົມ​ຫຼວງຫຼາຍກໍ​ອາດ​ນຳ​ພາ​ເຫົາ​ຫລື​ເຊື້ອ​ລາ​ຕາມ​ມາ​ທີ​ນີ້ພໍແຖ​ຜົມ​ໄຟ​ ຫົວ​ກໍ​ເໜ່ງ​ໆ​ໜ່ອຍ​ ໃຊ້​ນ້ຳ​ວັກ​ຜ້າ​ເຊັດເຮັດ​ຄວາມ​ສະ​ອາດ​ງ່າຍ​ ຕາມ​ດ້ວຍ​ແຊມ​ພູ​ເດັກ​ນ້ອຍ​ຈັກ​ໜ່ອຍ​ໝົດ​ຫ່ວງ​ ຊຶ່ງ​ການ​ແຖ​ຜົມ​ໄຟ​ບໍ່​ໄດ້​ເຮັດໃຫ້​ຜົມ​ຂຶ້ນ​ຊ້າ​ແຕ່​ຢ່າງ​ໃດ​ຜົມ​ຂຶ້ນ​ຊ້າ​ ຜົມ​ບາງ​ ຜົມ​ນ້ອຍ​ ຜົມ​ຍິກ​ ລ້ວນ​ແລ້ວ​ມາ​ຈາກ​ກຳມະພັນ​ຂອງ​ພໍ່​ຫລື​ແມ່​ ຫລື​ທັງຫມົດ​ກັນ​ແຖ​ສຳເລັດ​ ອີກ​ສອງ​ສາມ​ເດືອນ​ ບາງ​ຄົນ​ຜົມ​ກໍ​ຂຶ້ນ​ໜາ​ຫົວ​ແລ້ວ​ ແຕ່​ບາງ​ຄົນ​ບົດ​ຈະ​ບາງ​ກໍ​ບາງ​ຍາວ​ຈົນ​ອາ​ຍຸ​ສອງປີ​ ເລີ່ມ​ມີ​ຜົມ​ຕົກ​ດຳ​ໜາ​ຍາວ​ ອັນ​ນີ້​ກໍ​ຕ້ອງ​ຢູ່​ທີ່​ການ​ບຳ​ລຸງ​ເບິ່ງ​ແຍງ​ດ້ວຍ.​

ພິກ​ຕົວ​ໄປ​ມາ​ ຜົມ​ຫຼົ່ນ​ງ່າຍ​

ພໍ່​ແມ່​ຫຼາຍ​ຄົນ​ບໍ່​ໃຫ້​ລູກ​ພິກ​ຕົວ​ຫລາຍ​ ດຽວ​ສະ​ບັດ​ຫົວ​ໄປ​ມາ​ແລ້ວ​ຜົມ​ກໍ​ຫຼົ່ນທີ່​ຈິງ​ແລ້ວ​ບໍ່​ແມ່ນແນວ​ນັ້ນເດັກ​ນ້ອຍ​ຍັງ​ນ້ອຍ​ ໜັງ​ຫົວ​ແຂງ​ແຮງ​ ເສັ້ນ​ຜົມ​ຫາກໍ່​ອອກ​ມາ​ສະ​ບັດ​ງາມ​ເທິງ​ໂລກ​ພາຍນອກ​ບໍ່​ດົນ​ບໍ່​​ຫຼຸດ​ງ່າຍໆ​ແບບ​ຜູ້ໃຫຍ່​ດອກຢ່າ​ຫ່ວງ​ ອີກ​ຢ່າງ​ເຄົ້າ​ກໍ​ພຽງແຕ່ພິກຕົວ​ບໍ່​ໄດ້​ໂຢກ​ເອົາ​ຫົວ​ກົດ ປ່ອຍ​ເຄົ້າ​ພິກ​ຕົວ​ໄປ​ມາ​ຕາມ​ພັດທະນາ​ການ​ເລີຍ.​

ຫວີ​ຜົມ​ລູກ​ເລື້ອຍໆ​ບໍ່​ດີ

ເດັກ​ນ້ອຍ​ໆ​ຜົມເຂົາ​ຈະ​ນຸ່ມ​ອ່ອນ​ ເວລາ​ຫວີ​ກໍ​ບໍ່​ຫຼຸດ​ຕິດ​ມາ​ງ່າຍໆ​ເພາະ​ຮາກ​ຜົມ​ຍັງ​ແຂງ​ແຮງ​ພຽງ​ແຕ່​ຫວີ​ເລື້ອຍໆ​ເກີນ​ຄວາມ​ຈຳ​ເປັນ​ກໍ​ຄົງ​ບໍ່​ເໝາະ​ບໍ່​ແມ່ນ​ວ່າ​ພາ​ລູກ​ອອກ​ນອກ​ບ້ານ​ ດຽວ​ຫວີ​ ດຽວ​ຫວີ​ ແບບ​ນີ້​ເດັກ​ຈະ​ລຳຄານແທນ.​

ໃຫ້​ລູກ​ກິນ​ຫຍັງ​ດີ​ເພື່ອ​ບຳ​ລຸງ​ເສັ້ນ​ຜົມ​

ກິນ​ອາຫານ​ໃຫ້​ຄົບ​ຫ້າ​ໝູ່​ໄວ​ນີ້​ເນັ້ນ​ປາ​ຈະ​ດີ​ ຜັກ​ຕ້ອງ​ຄວນ​ມີ​ທຸກ​ມື້​ ຫມາກໄມ້​ກິນ​ໄດ້​ ແຕ່​ເລືອກ​ທີ່​ບໍ່​ຫວານ​ຫລາຍ​ ສະຫລຸບ​ກິນ​ຫຍັງ​ກໍ​ກິນ​​ ກິນ​ດີ​ກໍ​ບຳ​ລຸງ​ຮ່າງກາຍ​ດີ​ ສົ່ງ​ຜົນ​ຕໍ່​ອະໄວຍະວະ​ທຸກ​ສ່ວນ​ ທັງຫມົດ​ທັງ​ເສັ້ນ​ຜົມ​ ບໍ່​ມີດອກ​ກິນ​ແລ້ວ​ບຳ​ລຸງ​ສ່ວນ​ໃດ​ສ່ວນຫນຶ່ງ​.

=====================================================================================================