ຄວາມລັບຂອງກະເປົ໋າເງິນທີ່ເສດຖີບໍ່ເຄີຍບອກທ່ານ

 

1. ລາຄາຂອງກະເປົ໋າເງິນ×200= ລາຍຮັບຕໍ່ປີຂອງທ່ານ ຕົວຢ່າງ: ທ່ານໃຊ້ກະເປົ໋າລາຄາ 100.000ກີບ×200= 20.000.000ກີບ. ໄຂຂໍ້ສົງໄສໄດ້ແລ້ວວ່າເປັນຫຍັງເສດຖີບາງຄົນທີ່ປະຢັດແສນປະຢັດພັດລົງທຶນຊື້ກະເປົ໋າເງິນດີໆລາຄາອ່າວແພງມາໃຊ້ປະດັບປາລະມີ.

2. ໃສ່ເງິນຫລາຍທີ່ສຸດໃນກະເປົ໋າເງິນທີ່ຊື້ມາໃຫມ່ ໃຫ້ກະເປົ໋າໄດ້ສຳຜັດ ແລະຊຶມຊັບຮູບ ລົດ ກິ່ນ ສີ ຂອງເງິນໃຫ້ຫລາຍທີ່ສຸດ (ດົນ3ມື້).

3. ເວລາຈັດເງິນໃສ່ກະເປົ໋າ ໃຫ້ປິ່ນຫົວເງິນໄປທາງດຽວກັນ (ຖ້າໃຜບໍ່ຮູ້ຫົວເງິນໃຫ້ຈົກເງິນຂຶ້ນມາເບິ່ງ ຮູບທ່ານໄກສອນຢູ່ລວງໃດ ລວງນັ້ນລະເອີ້ນວ່າຫົວເງິນ) ເງິນມີນິໄສຮັກຄວາມສະອາດ ແລະຄວາມເປັນລະບຽບຮຽບຮ້ອຍ ຍິ່ງສະອາດມັນແຮ່ງຢູ່ກັບເຮົາດົນ

4. ຈັດຮຽງເງິນໃບໃຫຍ່ຢູ່ຫລັງສຸດແລ້ວລຽນລຳດັບມາ.

5. ແຍກຫລຽນ, ສະກຸນເງິນແຕ່ລະປະເພດ ແລະແຍກນາມບັດໄວ້ຖົງຕ່າງຫາກຢ່າເອົາມາປົນກັນ.

6. ຊຳລະເງິນດ້ວຍເງິນໃບໃຫມ່(ເຄີຍມີຮ້ານອາຫານບາງແຫ່ງເຖິງຂັ້ນລົງທຶນໄປແຕກເອົາເງິນໃຫມ່ມາໄວ້ທອນໃຫ້ລູກຄ້າສະເພາະ)

7.ຢື່ນເງິນໃຫ້ຄົນອື່ນຢ່າງສຸພາບ ພ້ອມທັງຫັນຫົວເງິນອອກ. ເງິນມີຊີວິດວິນຍານ ມັນຈະເບິ່ງຕໍ່ຜູ້ປະຕິບັດມັນວ່າມີກິລິຍາແນວໃດ.

8.ເວລາຈ່າຍເງິນຫລາຍໆ ບອກໃນໃຈວ່າໄປດີເດີ ແລ້ວຮີບກັບມາຫາຄືນ.

9.ຈ່າຍພາສີອາກອນ, ເຮັດບຸນເຮັດທານດ້ວຍຄວາມຍິນດີ ຢ່າຈົ່ມຢ່າວ່າພິລຶກ.

10.ຢ່າໃຫ້ກະເປົ໋າເງິນຂາດ ເພາະຈະໂຊກບໍ່ດີ ເງິນຄຳຈະຮົ່ວໄຫລ. ນີ້ກໍແມ່ນຄວາມເຊື່ອສະເພາະຂອງບຸກຄົນໂປດໃຊ້ວິຈາລະນະຍານໃນການອ່ານ. ແຕ່ຜູ້ຂຽນຄິດວ່າຫລາຍຂໍ້ກໍມີເຫດຜົນເພາະມັນສອນໃຫ້ເຮົາໃຊ້ຈ່າຍແລະເກັບມ້ຽນເງິນຄຳເປັນລະບົບລະບຽບຫລາຍຍິ່ງຂຶ້ນ.