ຄວາມຄືບໜ້າດາວທຽມລາວຍັງບໍ່ມີຄໍາຕອບ ພາຍຫລັງປ່ອຍຂຶ້ນສູ່ວົງໂຄຈອນ 1 ປີກວ່າ

6 ມັງກອນ 2017 ນີ້, ຫາງສຽງສັງຄົມໃຫ້ຄວາມສົນໃຈ ແລະ ຢາກຮູ້ຢາກເຫັນກ່ຽວກັບຄວາມຄືບໜ້າດາວທຽມລາວ ພາຍຫລັງດາວທຽມລາວໄດ້ປ່ອຍຂຶ້ນສູ່ວົງໂຄຈອນໃນວັນຕອນເຊົ້າຂອງວັນທີ 21 ພະຈິກ 2015 ແລະ ເວລາກໍລ່ວງເລີຍມາ 1 ປີກວ່າ ຂະນະທີ່ເຈົ້າໜ້າທີ່ກ່ຽວຂ້ອງບໍ່ສາມາດເປີດເຜີຍ ແລະ ໃຫ້ຂໍ້ມູນລາຍລະອຽດຕໍ່ສື່ມວນຊົນລາວ ທັງໆທີ່ບັນດາສື່ມວນຊົນລາວຂໍສໍາພາດ ແລະ ສົ່ງຄໍາຖາມເພື່ອຂໍ້ມູນຕົວຈິງມານໍາສະເໜີອອກຂ່າວ ແຕ່ໃນທີ່ສຸດກໍມິດງຽບ ແລະ ບໍ່ມີຄໍາຕອບຈາກໜ່ວຍງານກ່ຽວຂ້ອງ. 
ຫວ່າງບໍ່ດົນມານີ້ ບັນດານັກຂ່າວຈາກສື່ຕ່າງໆກໍໂທຫາ ແລະ ສົ່ງຄໍາຖາມເພື່ອສໍາພາດໜ່ວຍງານຮັບຜິດຊອບໂຄງການດາວທຽມລາວ ໃນທີ່ສຸດກໍມິດງຽບໂດຍບໍ່ໄດ້ຮັບຂ່າວໃດໆ ທັງສື່ມວນຊົນກໍມີຄວາມຕັ້ງໃຈ ແລະ ເອົາໃຈໃສ່ເປັນພິເສດເພື່ອຢາກໄດ້ຂໍ້ມູນຂ່າວສານທີ່ເປັນປະໂຫຍດເພື່ອນໍາສະເໜີໃຫ້ສັງຄົມຮັບຊາບ ທັງເປັນການປະກອບສ່ວນເຂົ້າການຊຸກຍູ້ການພັດທະນາເສດຖະກິດ-ສັງຄົມ ແລະ ນະໂຍບາຍຂອງລັດຖະບານຢ່າງໜັກແໜ້ນ. 
ປັດຈຸບັນນີ້ ການປ່ອຍດາວທຽມລາວຂຶ້ນສູ່ວົງໂຄຈອນຜ່ານມາ 1 ປີກວ່າແລ້ວ ແຕ່ຍັງບໍ່ໄດ້ຮັບຂ່າວຄວາມຄືບໜ້າວ່າເປັນແນວໃດແນ່? ແລະ ມີໃຜມາຈັບຈ່ອງແນ່? ເພາະຜ່ານມາກໍມີຂ່າວວ່າມີປະມານ 5 ບໍລິສັດທັງພາຍໃນ ແລະ ຕ່າງປະເທດໃຫ້ຄວາມສົນໃຈມາຊື້ບໍລິການ. 
ຕາມການລາຍງານ ດາວ ທຽມ Lao Sat 1 ຈະມີອາຍຸນໍາໃຊ້ ພຽງແຕ່ 15 ປີ, ສັນຍານດາວທຽມ Lao Sat 1 ຈະກວມເອົາ 15 ປະເທດ. ດາວທຽມ ດວງດັ່ງກ່າວເປັນເຈົ້າຂອງ ໂດຍ ບໍລິສັດລາວແຊັດວັນ ຈອຍເວັນເຈີ ແລະ ປະກອບ ດ້ວຍ 22 ຊ່ອງສັນຍານ ຊຶ່ງ 2 ຊ່ອງສັນຍານຈະຖືກນຳໃຊ້ສຳ ລັບການບໍລິການສື່ສານພາຍ ໃນປະເທດ, ສ່ວນທີ່ເຫຼືອຈະ ເປີດໃຫ້ບໍລິສັດຕ່າງປະເທດ ເຊົ່າ. ຜູ້ຖືຫຸ້ນຂອງບໍລິສັດລາວ ແຊັດ ວັນ ປະກອບດ້ວຍລັດ ຖະບານລາວ ຖືຫຸ້ນ 45%, ບໍ ລິສັດໂທລະຄົມມະນາຄົມຈີນ (China Asia-Pacific Mobile Telecommunications Satellite Co. Ltd) 35% ກຸ່ມບໍລິສັດອະວະກາດຈີນ (Space Star Technology Co. Ltd) 15% ແລະ ບໍລິ ສັດເຕັກໂນໂລຊີດາວທຽມ ທີ່ຮົງກົງ (Asia-Pacific Sa- tellite Technology) 5% ມີມູນຄ່າກໍ່ສ້າງ 258 ລ້ານໂດ ລາສະລັດ, ໄດ້ຮັບທຶນຈາກ ສປ ຈີນ.
ໂຄງການດາວທຽມ Lao Sat 1 ໄດ້ເລີ່ມຂຶ້ນໃນປີ 2006 ຕໍ່ມາໃນເດືອນພຶດສະພາ ປີ 2008 ລັດຖະບານຂອງ ສປປ ລາວ ໄດ້ນຳສົ່ງເອກະສານ ການຈອງ ແລະ ນຳໃຊ້ຕຳ ແໜ່ງວົງຈອນ 128.5 ອົງສາຕາເວັນອອກ. ໜຶ່ງປີຕໍ່ມາ, ອົງການວິທະຍາສາດ ແລະ ເຕັກໂນໂລຊີ ຂອງລາວ ໄດ້ເຊັນບົດ ບັນທຶກຄວາມເຂົ້າໃຈກັບບໍລິສັດ ອາຊີປາຊີຟິກ ດາວທຽມໂທ ລະຄົມມະນາຄົມຈຳກັດ ເພື່ອ ກູ້ຢືມເງິນມາພັດທະນາໂຄງການໃນປີ 2012 ລັດຖະບານລາວໄດ້ລົງນາມໃນຂໍ້ຕົກລົງ ມູນຄ່າ 258 ລ້ານໂດລາ, ຈາກທະນາ ຄານ ເພື່ອການສົ່ງອອກ ແລະ ນຳເຂົ້າຂອງ ສປ ຈີນ ແລະ ວັນທີ 30 ຕຸລາ ລັດຖະ ບານລາວໄດ້ລົງນາມກັບສາມ ບໍລິສັດຈາກຈີນ, ສ້າງຕັ້ງບໍລິ ສັດຮ່ວມທຶນ Lao Sat 1.

ທີ່ມາ: ປະເທດລາວ Pathedlao

ໂດຍ: ນໍ້າອອ້ຍຂົມ