ຂ່າວລື!!ລິດສະໄຕເນີກຽມລາມ້າລາຍມາຢູ່ກັບບາຊາ

 

ສື່ສະເປນຕີຂ່າວ ສະເຕຟານ ລິດສະໄຕເນີ ແບັກຂວາຈອມບຸກຂອງ ຢູເວັນຕຸດ ກຽມຍ້າຍຮ່ວມທັບ ບາເຊໂລນາ ຂະນະທີ່ຍອດທີມດັງຂອງສະເປນກໍກຽມລອຍແພ ອະເລັກ ບີດາວ ອອກທີມ.

 

ສະເຕຟານ ລິດສະໄຕເນີ ແບັກຂວາເລືອດສະວິດຂອງ ຢູເວັນຕຸດ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ກຽມທີ່ຈະເກັບເຄື່ອງຂອງຍ້າຍມາຢູ່ກັບ ບາເຊໂລນາ ສະໂມສອນດັງຂອງ ລາ ລີກາ ຊ່ວງເດືອນມັງກອນນີ້ ຫຼື ບໍ່ກໍຫຼັງຈົບລະດູການນີ້ ຕາມການລາຍງານຂອງ ມຸນໂດ້ ເດປໍຕິໂບ້ ສື່ກິລາຊັ້ນນຳຂອງແດນກະທິງເມື່ອວັນເສົາທີ່ຜ່ານມາ.

 

ດາວເຕະເຈົ້າຂອງສາຍາ “ສະວິດ ເອັກສ໌ເພຣສ” ອາຍຸ 32 ປີກໍາລັງຈະໝົດສັນຍາກັບ ມ້າລາຍ ຫຼັງຈົບລະດູການນີ້ ແລະ ປັດຈຸບັນໄດ້ເສຍຕຳແໜ່ງຕົວຈິງໃຫ້ກັບ ດານີ ອາວເວສ ຮຽບຮ້ອຍແລ້ວໂດຍເມື່ອຊ່ວງຊຳເມີທີ່ຜ່ານມາເຂົາເກືອບທີ່ຈະໄດ້ຍ້າຍໄປ ອິນເຕີ ມິລານ ແຕ່ຖືກ ຢູເວ ຂັດຂວາງ ເພາະບໍ່ຕ້ອງການເສຍນັກເຕະໃຫ້ກັບທີມອະລິ.

 

ຫຼ້າສຸດ ມຸນໂດ້ ເດປໍຕິໂບ້ ລະບຸວ່າ ລິດສະໄຕເນີ ຍິນດີທີ່ຈະຕອບຮັບຂໍ້ສະເໜີຈາກ ບາເຊໂລນາ ເພາະທີມດັງຈາກ ແຄມນູ ກໍກຽມທີ່ຈະປ່ອຍໂຕ ອະເລັກ ບີດາວ ແບັກຂວາສະເປນອອກຈາກທີມ.