ຂ່າວດີ ນາຍທະວານມືໜຶ່ງ ລາຊາຊຸດຂາວ ຈະກັບມາເຝົ້າເສົາ

ເຣອັນ ມາດຣິດ ໄດ້ຮັບຂ່າວດີເມື່ອ ເຄເລີ ນາວາສ ຈອມໜຶບ ຄອສຕາຣິກາ ນາຍທະວານມືໜຶ່ງຂອງທີມ ມີແວວດີວ່າຈະຟິດຈາກອາການເຈັບຂາໜີບ ຈົນບໍ່ໄດ້ລົງຫຼິ້ນເກມທີ່ເສຍນັດທຳອິດຂອງລະດູການທີ່ຖືກ ເຊບີຢາ ທຸບໄປ 3-2 ກັບມາເຝົ້າເສົາໃຫ້ທີມໃນເກມບິກແມັດ “ເອວ ກລາຊິໂກ້” ກັບ ບາເຊໂລນາ ວັນເສົານີ້.

ເຣອັນ ມາດຣິດ ໄດ້ຂ່າວດີກ່ອນການເຮັດເສິກ ເອວ ກລາຊິໂກ້ ກັບ ບາເຊໂລນາ ທີ່ຮັງຂອງຕົນໃນວັນເສົານີ້ ເມື່ອມີແນວໂນ້ມສູງວ່າ ເຄເລີ ນາວາສ ຜູ້ຮັກສາປະຕູມືໜຶ່ງທີມຊາດ ຄອສຕາຣິກາ ຈະພ້ອມລົງເຝົ້າເສົາທັນເວລາ.

ນາວາສ ໂຊຟອມໜຽວຕັ້ງແຕ່ເປັນມືໜຶ່ງແທນ ອິເກ້ ຄາຊີຢາສ ແລະ ມາດຣິດ ບໍ່ເສຍເລີຍ ແລະ ເສຍພຽງແຕ່ 4 ປະຕຸຈາກ 10 ນັດ ຈົນລ່າສຸດ ນັດທີ 11 ກ່ອນຈະຢຸດຫຼິ້ນທີມຊາດທີ່ພວກເຂົາໄປເສຍໃຫ້ກັບ ເຊບີຢາ 3-2 ເຊິ່ງ ນາວາສ ເຈັບຂາໜີບຈາກເກມແຊມປ້ຽນລີກກັບ ເປເອັດເຊ ແລະ ເປັນ ກີໂກ້ ກາຊີຢາ ທີ່ຫາກໍຍ້າຍມາຈາກ ເອສປັນຢອນ ຕອນພັກລະດູການ ເຝົ້າເສົາແທນ.

ຜົນຈາກການບາດເຈັບເຮັດໃຫ້ ນາວາສ ບໍ່ໄດ້ຫຼິ້ນທີມຊາດ ແລະ ໃຊ້ເວລາຊ້ອມເພື່ອເອີ້ນຄວາມຟິດຢູ່ກັບຕົ້ນສັງກັດ ແລະ ລ່າສຸດຂ່າວຈາກ “ມາກ້າ” ບອກວ່າ ນາວາສ ເຂົ້າຮັບການກວດຮ່າງກາຍຊ່ວງຕົ້ນອາທິດ ແລະ ຜົນກວດອອກມາເປັນບວກ ຢ່າງໃດກໍຕາມ ໃນທາງຄວາມຟິດ ແລະ ຄວາມພ້ອມທີ່ຈະລົງສະໜາມນັ້ນ ມາດຣິດ ຈະຖ້າຖະແຫຼງການອີກເທື່ອໃນວັນສຸກ.

ທັງນີ້ ສະຖານະການປັດຈຸບັນ ມາດຣິດ ຢູ່ອັນດັບ 2 ມີ 24 ຄະແນນຈາກ 11 ນັດ ນຳຫຼັງ ບາເຊໂລນາ 3 ຄະແນນ ຖ້າຊະນະໄດ້ກໍຈະແຊງໄປເປັນຈ່າຝູງທັນທີ.

.................................................................................................................................................