ຂ່າວດີ!!ຄລີຟແລນໄດ້ສະປອນເຊີເກີບຕິດປິກເທິງເສື້ອ

 

ຄລີຟແລນ ຄາວາເລຍ ເປັນອີກທີມແລ້ວທີ່ຈະມີສະປອນເຊີເທິງເສື້ອ ເມື່ອຫຼ້າສຸດປະກາດຈັບມືກັບແບຣນຢາງລົດໃຫຍ່ຊື່ດັງ ກູດເຢຍ ທາງດ້ານ ເລບຣອນ ເຈມ ຊູເປີສະຕາປະຈຳທີມເຜີຍດີໃຈທີ່ໄດ້ຮ່ວມງານກັບແບຣນທີ່ເຫັນຄຸນຄ່າຕົນມາຕັ້ງແຕ່ນ້ອຍ.

 

ຄລີຟແລນ ຄາວາເລຍ ທີມດັງໃນເສິກຍັດບ້ວງ ເອັນບີເອ ອາເມລິກາ ແລະ ກູດເຢຍ ໄທ ແອນ ຣັບເບີ ບໍລິສັດຜະລິຢາງລົດໃຫຍ່ຊື່ດັງລະດັບໂລກ ໄດ້ບັນລຸຂໍ້ຕົກລົງຮ່ວມກັນເປັນທີ່ຮຽບຮ້ອຍເມື່ອວັນຈັນທີ່ຜ່ານມາ ເຊິ່ງນັ້ນຈະເຮັດໃຫ້ທີມ ຄາວາເລຍ ມີໂລໂກຮູບ “ເກີບຕິດປີກ” ທີ່ເປັນກາຂອງແບຣນ ກູດເຢຍ ຕິດເທິງໜ້າເອິກເສື້ອນັບຕັ້ງແຕ່ປີ 2017-2018 ເປັນຕົ້ນໄປ.

 

ນີ້ແມ່ນດິວຫຼ້າສຸດຕາມສັນຍາໂຄງການ 3 ປີຂອງ ເອັນບີເອ ທີ່ຈະເປີດທາງໃຫ້ມີການໂຄສະນາຢູ່ຊຸດນັກກິລາ ໂດຍທັງ ຄລີຟແລນ ຄາວາເລຍ ແລະ ກູດເຢຍ ຕາງກໍມີຖານທີ່ຕັ້ງຢູ່ເມືອງເອຄຣອນ ລັດໂອໄຮໂອ ເຊັ່ນກັນ.

 

“ເດັກນ້ອຍທີ່ ເອຄຣອນ ທຸກຄົນຕາງກໍເຕີບໃຫຍ່ຂຶ້ນມາພ້ອມກັບການເຫັນເກີບຕິດປີກຢູ່ເທິງເຮືອເຫາະ ແລະ ກໍຮູ້ສຶກພາກພູມໃຈໃນຄວາມເປັນຊຸມຊົນຂອງເຮົາ ໂດຍສ່ວນຕົວແລ້ວມັນຖືເປັນຄວາມພິເສດສຳລັບຂ້ອຍກັບການມີໂລໂກ້ນີ້ຢູ່ເທິງເສື້ອຂອງແຄຟ” ເລບຣອນ ເຈມ ຊູເປີສະຕາຂອງ ຄາວາເລຍ ກ່າວ.

 

ສຳລັບທີມອື່ນໆທີ່ໄດ້ສະປອນເຊີເທິງເສື້ອໄປກ່ອນໜ້ານີ້ປະກອບມີ ບອສຕັນ ເຊວຕິກ (ເຈເນີຣໍ ອິເລັກທຣິກ), ຊາຄຣາເມັນໂຕ ຄິງ (ບູ ໄດມອນ ອາວມອນ) ແລະ ຟິລາເດເຟຍ ເຊເວັນຕີຊິກເຊີ (ສະຕັບຮັບ).