ຂົວຂ້າມຂາດທີ່ລັດແຄສເມຍຕາຍ7ຄົນ

ຫນ່ວຍກູ້ໄພຂອງປາກີສະຖານພົບສົບນັກສຶກສາອີກ2ຄົນຈົມຢູ່ໃນແມ່ນ້ຳຫລັງເກີດເຫດຂົວຂ້າມໄມ້ເກົ່າແກ່ຫັກລົງໃນລັດແຄສເມຍລວມຜູ້ເສຍຊີວິດ7ຄົນ

ສຳນັກຂ່າວຕ່າງປະເທດລາຍງານຈາກລັດແຄສເມຍປະເທດປາກີສະຖານໃນວັນທີ່14ພຶດສະພາ,ມີເຈົ້າຫນ້າທີ່ຂອງປາກີສະຖານເປີດເຜີຍວ່າເຈົ້າຫນ້າທີ່ກູ້ໄພພົບສົບນັກສຶກສາທີ່ເສີຍຊີວິດເພາະຈົມນ້ຳຫລັງຕົກລົງໄປໃນແມ່ນ້ຳຫລັງຈາກຂົວຂ້າມໄມ້ເກົ່າຂາດຫັກລົງມາໃນເວລານັກສຶກສາຫລາຍສິບຄົນລວມກັນຖ່າຍຮູບພາບເປັນທີ່ລະລຶກໃນວັນອາທິດທີ່ຜ່ານມາໂດຍເຈົ້າຫນ້າທີ່ກູ້ໄພພົບສົບເພີ່ມ2ຄົນລວມເປັນຜູ້ເສີຍຊີວິດແລ້ວ7ຄົນແຕ່ກໍ່ຊ່ວຍເຫຼືອໄວ້ໄດ້14ຄົນມີອີກ7ຄົນທີ່ຍັງສູນຫາຍເຊື່ອວ່າເສຍຊີວິດແລ້ວ

ນັກສືກສາເຫຼົ່ານີ້ແມ່ນພາກັນມາຈາກມະຫາວິທະຍາໄລການແພດໃນເມືອງປັນຈາບຕະວັນອອກໃນເວລາເດີ່ນທາງໄປທ່ຽວຈຸດຊົມວິວຂອງເມືອງຄຸນດັນຊາຮື75ກິໂລເມັດ.ທາງເໜືອຂອງເມືອງມູຊັນຟາຮາບັດເມືອງເອກຂອງລັດແຄສເມຍໃນເຂດປາກີສະຖານປົກຄອງສ່ວນອີກຝັ່ງໜື່ງນັ້ນເປັນຂອງອິນເດຍ