ຂຸນຄ້ອນເລັງທຸ່ມ 25 ລ້ານປອນລ່າວິວສັນ

 

“ຂຸນຄ້ອນ” ເວສແຮມ ຢູໄນເຕັດ ກໍາລັງເບິ່ງຫາກໍາລັງເສີມໃນເກມບຸກ ໂດຍຫຼ້າສຸດມີຂ່າວພ້ອມທຸ່ມຊື້ ເຄົາລໍາ ວິນສັນ ຫົວຫອກຂອງ ບອນມັດ ດ້ວຍເງິນ 25 ລ້ານປອນ.

 

ເວສແຮມ ຢູໄນເຕັດ ສະໂມສອນດັງໃນ ພຣີເມຍລີກ ຕົກເປັນຂ່າວເມື່ອວັນພຸດທີ່ຜ່ານມາວ່າກຳລັງວາງແຜນທີ່ຈະຍື່ນຂໍ້ສະເໜີເງິນຈຳນວນ 25 ລ້ານປອນເພື່ອຂໍຊື້ ເຄົາລຳ ວິວສັນ ກອງໜ້າຂອງ ບອນມັດ ສະໂມສອນຄູ່ແຂ່ງຮ່ວມລີກມາເສີມທັບໃນຊ່ວງເປີດຕະຫຼາດຮອບສອງເດືອນມັງກອນນີ້.

 

“ຂຸນຄ້ອນ” ເຄີຍຍື່ນເງິນປະມານ 15 ລ້ານປອນໄປຂໍຊື້ ວິວສັນ ມາແລ້ວຮອບໜຶ່ງເມື່ອຊ່ວງຊໍາເມີທີ່ຜ່ານມາແຕ່ຖືກ ບອນມັດ ປະຕິເສດ ຢ່າງໃດກໍຕາມຫຼ້າສຸດ “ເດິ ກາດຽນ” ສື່ຂອງອັງກິດລະບຸວ່າ ສະລາເວນ ບິລິດ ຜູ້ຈັດການທີມ ເວສແຮມ ຢູໄນເຕັດ ກຽມທີ່ຈະຫວນກັບມາລ່າໂຕຫົວຫອກເລືອດຜູ້ດີອີກເທື່ອໜຶ່ງຫຼັງຈາກທີ່ ດິຢາຟຣາ ຊາໂກ ຫົວຫອກຕົວຫຼັກຈຳເປັນຕ້ອງພັກຍາວ 6 ອາທິດເນື່ອງຈາກບັນຫາບາດເຈັບຕົ້ນຂາ.