ຂາດຕົວ!!! 150 ລ້ານເອີໂຣຖ້າວ່າບາຊາຢາກໄດ້ເດັມເບເລ້

 

ຊີອີໂອ ດັອດມູນຍັງສຽງແຂງ​ຖ້າ​ວ່າ​ບາ​ເຊ​ໂລ​ນາ​ຢາກ​ໄດ້ ອຸ​ສ​ມານ ເດັມ​ເບ​ເລ້ ປີກ​ຂວາ​ອາ​ຍຸ 20 ປີ​ເລືອດ​ນ້ຳ​ຫອມ​ກໍ​ຈ່າຍ​ມາ 150 ລ້ານ​ເອີ​ໂຣ​ ໃຫ້​ເວ​ລາ​ຄິດ​ພາຍ​ໃນ​ທ້າຍ​ອາ​ທິດນີ້​ເທົ່າ​ນັ້ນ.

ຫຼັງ​ຂ່າວ​ມິດ​ງຽບ​ໄປ 10 ກວ່າມື້ ສະ​ກາຍ ເຢຍ​ລະ​ມັນ ລາຍ​ງານ​ໃນ​ວັນ​ອ​ັງ​ຄານ​ວ່າ ບາ​ເຊ​ໂລ​ນາ ສົ່ງ​ສັນ​ຍານ​ຊີບ​ຕິດ​ຕໍ່ ໂບ​ຣຸ​ສ​ເຊຍ ດັອດ​ມູນ ອີກ​ເທື່ອ​ໜຶ່ງ​ດ້ວຍ​ຄວາມ​ພະ​ຍາ​ຍາມ​ທີ່​ຈະ​ບັນ​ລຸ​ຂໍ້​ຕົກ​ລົງ​ໃນ​ການ​ຂໍ​ຊື້​ດາວ​ເຕະ​ຝ​ຣັ່ງ​ໃຫ້​ໄດ້ ໂດຍຫຼ້າ​ສຸດ ບາ​ຊາ ພ້ອມ​ຈະ​ເພິ່ມ​ຕົວ​ເລກ​ເປັນ 130 ລ້ານ​ເອີໂຣ.

ຢ່າງ​ໃດ​ກໍ​ດີ​ທາງ ດັອດ​ມູຍ ໂດຍ ຮັນ-ໂຢ​ອາ​ຄິມ ວັດ​ເຄ່ ຊີ​ອີ​ໂອ​ຂອງ​ສະ​ໂມ​ສອນ​ກໍ​ຢັນ​ຢຶດ​ໝັ້ນ​ວ່າ “ຖ້າ​ວ່າ ບາ​ເຊ​ໂລ​ນາ ໄມ່​ເຮັດ​ຕາມ​ຂໍ້​ຕົກ​ລົງ​ຂອງ​ເຮົາ​ທີ່ 150 ລ້ານ​ເອີ​ໂຣ ອຸ​ສ​ມານ ກໍ​ຈະ​ຍັງ​ຢູ່​ກັບ​ທີມ​ຕໍ່​ໄປ ບາ​ຊາ ມີ​ເວ​ລາ​ຕັດ​ສິນ​ໃຈ​ເຖິງ​ທ້າຍ​ອາ​ທິດນີ້ ພວກ​ເຈົ້າ​ແນ່​ໃຈ​ໄດ້​ເລີຍ​ວ່າ​ເຮົາ​ຈະ​ບໍ່​ຖ້າ​ຈົນ​ຮອດ​ວັນ​ທີ 31 ສິງ​ຫາ (ມື້​ປິດ​ຕະຫຼາດ​ຊຳ​ເມີ 2017) ເຮົາ​ຈະ​ຍຸ​ຕິ​ເລື່ອງນີ້​ອີກ​ຄັ້ງຫຼາຍມື້​ກ່ອນ​ໜ້ານັ້ນ​ຢ່າ​ງ​ແນ່ນອນ”.