ຂາຍເລ!!ເຮືອພ້ອມໂລະຮາດ 10 ລ້ານປອນ

 

ສື່ຜູ້ດີລະບຸ ແມນເຊສເຕີ ຊີຕີ ຕິດປ້າຍຂາຍ ໂຈ ຮາດ ນາຍທະວານທີມຊາດອັງກິດທີ່ລາຄາ 10 ລ້ານປອນແຕ່ນັ້ນເປັນລາຄາທີ່ຢົ້ວສະໂມສອນລີກຕ່າງແດນເທົ່ານັ້ນ.

 

ໂຈ ຮາດ ຜູ້ຮັກສາປະຕູເລືອດຜູ້ດີຂອງ ແມນເຊສເຕີ ຊີຕີ ສະໂມສອນມະຫາເສດຖີຂອງ ພຣີເມຍລີກ ໄດ້ຮັບອະນຸຍາດໃຫ້ຍ້າຍທີມໄດ້ຫຼັງຈາກຈົບລະດູການນີ້ທີ່ລາຄາ 10 ລ້ານປອນຕາມການລາຍງານຈາກ ເດິຊັນ ສື່ຊັ້ນນຳຂອງເມືອງຜູ້ດີເມື່ອວັນອັງຄານທີ່ຜ່ານມາ.

 

ນາຍທະວານທີມຊາດອັງກິດອາຍຸ 29 ປີກາຍເປັນສ່ວນເກີນຂອງທັບ “ເຮືອໃບສີຟ້າ” ຫຼັງຈາກການເຂົ້າມາຄຸມທີມຂອງ ເປັບ ກວາດິໂອລາ ນາຍໃຫຍ່ຍອດຜີມືເມື່ອຊ່ວງຊຳເມີທີ່ຜ່ານມາ ເຊິ່ງນັ້ນເປັນເຫດຜົນໃຫ້ເຂົາຖືກປ່ອຍໃຫ້ ໂຕຣິໂນ ສະໂມສອນແຫ່ງ ກັນໂຊ ຊີຣີ ອາ ຢືມໃຊ້ງານຈົນຈົບລະດູການນີ້.

 

ຫຼ້າສຸດ ເດຊິນ ລະບຸວ່າ ແມນ ຊີຕີ ຕັດສິນໃຈທີ່ຈະຂາຍ ຮາດ ໃຫ້ສະໂມສອນຕ່າງແດນໃນລາຄາ 10 ລ້ານປອນເທົ່ານັ້ນແຕ່ຈະເພີ່ມຄ່າຫົວເປັນຫຼາຍກວ່າ 20 ລ້ານປອນຖ້າເປັນການຂາຍໃຫ້ກັບສະໂມສອນເພື່ອນຮ່ວມເວທີ ພຣີເມຍລີກ.

 

ທັງນີ້ ຮາດ ເຫຼືອສັນຍາກັບ ແມນ ຊີຕີ ອີກ 2 ປີໂດຍທີ່ເຂົາໄດ້ຮັບຄ່າເມື່ອຍອາທິດລະ 120,000 ປອນ.

 

ບົດຄວາມໃຫມ່ໆ