ຂັດທຸກສື່!! ສະກາຍສະປອດຊີ້ຜີຍັງພໍໃຈກັບ ຟານກາວ

 

ສະກາຍສະປອດ ສື່ດັງຂອງເກາະອັງກິດອອກມາແຍ້ງວ່າ ແມນ ຢູໄນເຕັດ ຍັງຄົງພໍໃຈກັບ ຫຼຸຍ ຟານກາວ ຜູ້ຈັດການທີມກັບກະແສຂ່າວທີ່ວ່າ “ຜີສາດແດງ” ຈະດຶງ ໂຊເຊ ມູຣິນໂຢ ມາຮັບຕຳແໜ່ງແທນໃນລະດູການໜ້າ.

 

ເຖິງວ່າສື່ຫຼາຍເຈົ້າຂອງເມືອງຜູ້ດີຈະພາກັນປະໂຄມຂ່າວວ່າ ຜີສາດແດງຕົກລົງເຊັນສັນຍາ 3 ປີ ກັບອະດີດນາຍໃຫຍ່ ເຊວຊີ ຮຽບຮ້ອຍແລ້ວ ໂດຍຍິນດີມອບຄ່າແຮງໃຫ້ປີລະ 15 ລ້ານປອນ ອີກທັງ ມູຣິນໂຢ ຈະດຶງ ອັນເດຣຍ ເບຕາ ຜູ້ອຳນວຍການກິລາຂອງ ແອັດເລຕິໂກ ມາດຣິດ ມາຮ່ວມງານນຳ.

ຢ່າງໃດກໍຕາມ ສະກາຍສະປອດໄດ້ລາຍງານຂ່າວຂັດແຍ່ງໂດນສິ້ນເຊີງວ່າ ແຫຼ່ງຂ່າວຂອງພວກເຂົາຮັບຮູ້ວ່າ ເອັດ ວູດເວິດ ຊີອີໂອຂອງ ແມນຢູ ຍັງພໍໃຈກັບ ຫຼຸຍ ຟານກາວ ແລະ ຍັງບໍ່ໄດ້ເຈລະຈາກັບ ມູຣິນໂຢ ຄືແບບທີ່ມີການລືກັນໄປລ່ວງໜ້າ.

 

ສື່ເຈົ້າດັ່ງກ່າວເຜີຍອີກວ່າ ເຖິງຂະນະນີ້ ຢູໄນເຕັດ ຍັງບໍ່ໄດ້ມີການຕັດສິນໃຈໃນເລື່ອງຜູ້ຈັດການທີມເລີຍ ແລະ ຍັງຜ່ອນຄາຍເນື່ອງຈາກສະຖານະພາບທາງການເງິນຂອງສະໂມສອນຍັງຄົງດີ ແລະ ທີ່ສຳຄັນຖ້າຈະມີການປັດ ຟານກາວ ຜີສາດແດງກໍພ້ອມເບິ່ງເຖິງທາງເລືອກຫຼາກຫຼາຍນອກເໜືອໄປຈາກ ມູຣິນໂຢ.

 

ບົດຄວາມໃຫມ່ໆ