ຂະບວນລົດໄຟຄວາມໄວສູງທີ່ຄົ້ນຄວ້າ ແລະຜະລິດໂດຍຈີນນັ້ນ ໄດ້ຜ່ານການທົດລອງແລ່ນລົດດ້ວຍຄວາມໄວ 385 ກິໂລແມັດຕໍ່ຊົ່ວໂມງ

ວັນທີ 18 ພະຈິກນີ້, ບໍລິສັດລົດຍົນ CRRC ຊິງຕາວຊື້ຟາງຫຸ້ນສ່ວນຈໍາກັດຂອງຈີນເຜີຍໃຫ້ຮູ້ວ່າ, ຂະບວນລົດໄຟຄວາມໄວສູງທີ່ອອກແບບຜະລິດໂດຍບໍລິສັດດັ່ງກ່າວ ແລະມີສິດຊັບສິນທາງປັນຍາຢ່າງສົມບູນ ເຊິ່ງມີຄວາມໄວ 350 ກິໂລແມັດຕໍ່ຊົ່ວໂມງຕາມແຜນການນັ້ນ ໄດ້ທົດລອງແລ່ນລົດຢູ່ທີ່ເສັ້ນທາງລົດໄຟຄວາມໄວສູງຕ້າທົງແຂວງຊ່ານຊີ່ຫານະຄອນຊີ່ອ່ານແຂວງສ້ານຊີ່ຈີນດ້ວຍຄວາມໄວ 385 ກິໂລແມັດຕໍ່ຊົ່ວໂມງ.

ທ່ານຫຼຽງຈ້ຽນຢິ່ງ, ຫົວໜ້າວິສະວະກອນຂອງບໍລິສັດລົດຍົນ CRRC ຊິງຕາວຊື້ຟາງຫຸ້ນສ່ວນຈໍາກັດກ່າວວ່າ, ຂະບວນລົດໄຟຄວາມໄວສູງດັ່ງກ່າວໄດ້ສໍາເລັດການຜະລິດໃນເດືອນມິຖຸນາປີນີ້ ເຊິ່ງເປັນໂຄງການປະດິດສ້າງໃໝ່ທີ່ສໍາຄັນໃນດ້ານຂະບວນລົດໄຟຄວາມໄວສູງຂອງຈີນ, ພ້ອມທັງເປັນເວທີເຕັກໂນໂລຊີທີ່ສໍາຄັນຂອງການສົ່ງອອກລົດໄຟຄວາມໄວສູງຂອງຈີນໃນອະນາຄົດ, ມາດຕະຖານຕ່າງໆໃນດ້ານເຕັກໂນໂລຊີຕ່າງກໍ່ໄດ້ຢູ່ໃນລະດັບແຖວໜ້າຂອງສາກົນ.