ຂອງ​ດີ​ທີ່​ຖືກ​ລືມ​! ວິທີ​ກຳຈັດສິວ​ໄດ້​ຢ່າງ​ຍອດ​ຢ້ຽມ​ ດ້ວຍ​ນ້ຳ​ຊາວ​ເຂົ້າ​ໜຽວ​

ເຊື່ອ​​ວ່າ​ສາວ​ຫຼາຍ​ໆ​ຄົນ​ຄົງ​ໜີ​ບໍ່​ພົ້ນ​ບັນຫາ​ສິວ​ເມັດ​ນ້ອຍ​ເມັດ​ນ້ອຍ​ ທີ່​ຄອຍ​ຖ້າ​ຂຶ້ນ​ມາກວນ​ໃຈ​ຕະຫຼອດ​ເວລາ​ ພໍ​ເຊົາ​ໄປ​ຈັກ​ພັກ​ກໍ​ກັບ​ມາ​ອີກ​ ແຕ່​ຈະ​ເຮັດ​ແນວໃດ​ດີ​​ຫາກ​ວ່າ​ເຮົາ​ຢາກ​ຈະ​ເຮັດໃຫ້​​ສິວ​ເມັດ​ນັ້ນ​ຫາຍ​ໄປ​ຈາກ​ໃບ​ໜ້າ​ຂອງ​ເຮົາ​…
ແອັດ​ມິນ​ຂໍ​ແນະ​ນຳ​ວິທີ​ກຳຈັດ​ສິວ​ແບບ​ງ່າຍ​ ດ້ວຍ​ “ນ້ຳ​ຊາວ​ເຂົ້າ​ໜຽວ​” ຊຶ່ງ​ເປັນ​ຕົວ​ເອກ​ ຂອງ​ສ່ວນ​ປະສົມ​ທີ່​ຈະ​ໃຊ້​ກຳຈັດສິວ​.

ມາ​ເບິ່ງ​ສ່ວນ​ປະສົມ​ກັນ​ດີກວ່າ
ເຂົ້າ​ໜຽວ​ 1 ຖ້ວຍ​
ນ້ຳ​ໝາກນາວ​ຄັ້ນ​ສົດ​ 1 ບ່ວງ​ໂຕະ​
ນ້ຳ​ສະ​ອາດ​ 1 ລີດ​
ວິທີ​ເຮັດ​ກໍ​ງ່າຍໆ​​
ຊາວ​ເຂົ້າ​ໜຽວ​ໜຶ່ງ​ເທື່ອ​ແລ້ວ​ແຊ່​ໃນ​ນ້ຳ​ສະ​ອາດ​ ໃຊ້​ມື​ຂັດ​ເຂົ້າ​ເບົາ​ໆ​ ຈົນ​ນ້ຳ​ເປັນ​ສີ​ຂາວ​ຂຸ່ນ​ ເທເອົາ​ສະເພາະ​ນ້ຳ​ຕື່ມ​ນ້ຳ​ໝາກ ນາວ​ລົງ​ໄປ​ຄົນ​ໃຫ້​ເຂົ້າ​ກັນ​ ຈາກ​ນັ້ນ​ກໍ​ລ້າງ​ໜ້າ​ໃຫ້​ສະ​ອາດ​ດ້ວຍ​ຄີນ​ຊິ່ງ​ ກ່ອນທີ່ຈະ​ເອົາ​ນ້ຳ​ຊາວ​ເຂົ້າ​ໜຽວ​ທີ່​ປະສົມ​ໄວ້​ມາ​ລ້າງ​ໜ້າ​ອີກ​ເທື່ອ​ ແລ້ວ​ຊັບ​ໃຫ້​ໜ້າ​ແຫ້ງ​ ວິທີ​ນີ້​ຄວນ​ເຮັດ​ທຸກ​ເຊົ້າ​ແລະ​ແລງ​ ເພື່ອ​ຊ່ວຍ​ໃຫ້​ສິວ​ຢຸບ​ແລະ​ແຫ້ງ​ໄວ​ຂຶ້ນ.