ຂວັນເສຍຫຼາຍເຕີບ ໄປກົດເງິນຢູ່ຕູ້ດີໆກໍເກືອບຕາຍ!!!

      ໃນເວລາປະມານ 13:40 ໂມງຂອງມື້ນີ້ວັນທີ 03 ພຶດສະພາ 2016 ສົດໆຮ້ອນໆ ໄດ້ເກີດເຫດການຈີ້ເອົາເງິນຢູ່ຫນ້າ ວິທະຍາໄລ ເຕັກນິກສັບພະວິຊາ ເຊິ່ງໃນຂະນະທີ່ຜູ້ເສຍຫາຍສອງຄົນໄດ້ຍ່າງໄປກົດເງິນຢູ່ຕູ້ ATM ຢູ່ນັ້ນໄດ້ມີຄົນຮ້າຍສອງຄົນເຂົ້າມາໃຊ້ມີດຈີ້ເອົາເງິນ ໃນຂະນະທີ່ ປະຊາຊົນຫຼາຍຄົນກຳລັງ ກົດເອົາເງິນຢູ່ຕູ້ ATM ຄົນຮ້າຍກໍບໍ່ໄດ້ຢ້ານກົວຫຍັງເລີຍ. ຄົນຮ້າຍ ແມ່ນຂັບຂີ່ລົດຈັກ ສະແມັດ ໝາຍເລກ ທະບຽນ ຮຍ1009. ຜູ້ເສຍຫາຍແມ່ນ ວິທະຍາໄລ ເຕັກນິກສັບພະວິຊາທັງສອງຄົນ. ຊັບສິນຜູ້ໜຶ່ງເສຍ 3 ແສນກີບ ແລະ ອີກຜູ້ໜຶ່ງເສຍເງິນທີ່ກົດ 5 ແສນກີບ ພ້ອມຖືກດຶງເອົາກະເປົາໄປພ້ອມ. ແຕ່ໂຊກດີທີ່ທັງສອງບໍ່ໄດ້ຮັບບາດເຈັບແຕ່ຢ່າງໃດ, ດັ່ງນັ້ນ ຈຶ່ງຢາກເຊີນຊວນໃຫ້ພວກເຮົາທຸກຄົນ ເປັນຫູເປັນຕານຳກັນເພື່ອປ້ອງເຫດແບບນີ້ທີ່ຈະເກີດຂຶ້ນໄດ້ທຸກເວລາ.

ທ່ານໃດທີ່ພົບເຫັນລົດຄັນດັ່ງກ່າວ ແຈ້ງເຈົ້າໜ້າທີ່ຕໍາຫຼວດໂດຍດ່ວນ ຢ່າປ່ອຍໃຫ້ຄົນຊົ່ວລອຍນວນ!

ແຈ້ງເຫດໂດຍ: Sonenalin Sangchan

ແຫຼ່ງຂ່າວ: Youlike laos-ຄລິບເດັດ ຂ່າວດັງ ລາວ