ກ້ວຍ ຊ່ວຍໃຫ້ຜົມງາມ ແລະ ແກ້ອາການເຈັບຫົວ

 

ກ້ວຍ​ໃຫ້​ປະ­ໂຫຍດ​ຢ່າງ​ຫຼວງ­ຫຼາຍ​ລວມ​ທັງ​ໃນ​ເລື່ອງ​ຂອງ​ຄວາມ​ສວຍ​ງາມ ແລະ​ ສຸ­ຂະ­ພາບ ​ດັ່ງ­ນັ້ນ​ສາວໆ​ບໍ່​ຈຳ­ເປັນ​ຈະ​ຕ້ອງ​ເສຍ​ເງິນ​ແພງໆ​ກັບ​ການ​ເສີມ​ ຄວາມງາມ​ອີກ​ຕໍ່​ໄປ​ແຕ່​ຫາ​ກ້ວຍ​ມາ​ແລ້ວ​ເຮັດ​ຕາມ​ວິ­ທີ​ທີ່​ຈະ​ແນະ­ນຳ​ຕໍ່​ ໄປ​ນີ້​ກໍຈະ​ຊ່ວຍ​ເພີ່ມ​ຄວາມ​ສວຍ​ງາມ​ໃຫ້​ສາວໆແລະຊ່ວຍ​ໃນ​ເລື່ອງ​ສຸ­ຂະ­ພາບ​ ໄດ້​ແລ້ວ​ເຊັ່ນ

  • ຊ່ວຍ​ໃຫ້​ຜົມ​ເງົາ​ງາມ: ນຳ​ກ້ວຍ, ນົມ ແລະ ນ້ຳ­ເຜິ້ງ ປະ­ສົມ​ເຂົ້າ­ກັນ​ໃຫ້​ລະ­ອຽດ​ແລ້ວ​ນຳ­ໄປ​ໝັກ ຜົມ​ໄວ້​ປະ­ມານ 20 ນາ­ທີ ຈິ່ງ​ລ້າງ​ອອກ ຜົມ​ທ່ານ ກໍ​ຈະ​ສວຍ​ງາມ ເພາະ​ກ້ວຍ​ມີ​ວິ­ຕາ­ມິນ​ບີ ແລະ​ໂຟ​ແລ​ຕ​ທີ່​ດີ​ທີ່​ສຸດ​ຕໍ່​ສຸ­ຂະ­ພາບ​ຜົມ.

  • ຊ່ວຍ​ໃຫ້​ຜິວ​ພັນ​ຊຸ່ມ​ຊື່ນ: ນຳ​ກ້ວຍ​ບົດ​ມາ​ຟອກ​ໜ້າ​ປະ​ໄວ້ 15 ນາ­ທີ ຈາກ​ນັ້ນ​ໃຊ້​ນ້ຳ​ເຢັນ​ລ້າງ​ອອກ​ໜ້າ ຂອງ​ທ່ານ​ກໍ​ຈະ​ເປັ່ງ​ປະ­ກາຍ​ດ້ວຍ​ປະ­ໂຫຍດ​ຈາກ​ວິ­ຕາ­ມິນ​ເອ​ທີ່​ສາ­ມາດ​ ຫຼຸດ​ຈຸດ​ດ່າງ​ດຳ.

  • ຊ່ວຍ​ຫຼຸດ​ອາ­ການ​ເຈັບ​ຫົວ: ນອກ­ຈາກ​ຈະ​ຊ່ວຍ​ໃນ​ເລື່ອງ​ຂອງ​ຄວາມ​ສວຍ​ງາມ​ແລ້ວ​ກ້ວຍ​ຍັງ​ຊ່ວຍ​ໃນ ເລື່ອງ​ຂອງ​ບັນ­ຫາ​ສຸ­ຂະ­ພາບ ເນື່ອງ​ຈາກ​ກ້ວຍ​ສາ­ມາດ​ແກ້​ອາ­ການ​ເຈັບ​ຫົວ​ໄດ້ ເພາະ​ປະ­ກອບ​ດ້ວຍ​ສານ​ແມັກ ນີ​ຊຽມ.

  • ຊ່ວຍ​ໃນ​ເລື່ອງ​ຂອງ​ສາຍ­ຕາ ແລະ​ການ​ເບິ່ງ​ເຫັນ: ກ້ວຍ​ມີ​ວິ­ຕາ­ມິນ​ເອ​ທີ່​ມີ​ຄຸນ­ສົມ­ບັດ​ຊ່ວຍ​ໃນ​ເລື່ອງ​ຂອງ ສາຍ­ຕາ ແລະ​ການ​ເບິ່ງ​ເຫັນ​ຄື​ກັບ​ການ​ກິນ​ຫົວ​ກາ​ຣົດ, ຜັກ­ບົ້ງ ແຕ່​ກໍ່​ມີ​ບາງ​ຄົນ​ທີ່​ບໍ່​ມັກ​ກິນ​ຜັກ ເພາະ­ສະ­ນັ້ນ ກ້ວຍ​ໜ້າ​ຈະ​ເປັນ​ທາງ​ເລືອກ​ທີ່​ດີ​ສຳ­ລັບ​ຄົນ​ທີ່​ຢາກ​ບຳ­ລຸງ​ສາຍ­ຕາ.

 

ທີ່ມາ: news.com.la