ກ້ວຍຫອມ ສູດຫຼຸດນ້ຳໜັກສຸດຮິດ!

ໃຜ​ຈະ​ເຊື້ອ​ວ່າ​ການ​ຮັບປະທານ​ກ້ວຍ​ຫອມ​ ກາຍ​ເປັນ​ສູດ​ຫຼຸດ​ນ້ຳ​ໜັກ​ສຸດ​ຮິດ​ ທີ່​ສາວ​ໜຸ່ມ​ແດນ​ຊາ​ກຸ​ຣະ​​ເຮັດ​ຕາມ​ຈົນ​ແທບ​ຍາດແຍ່ງ​ກັນ​ເພື່ອ​ໃຫ້​ໄດ້​ກ້ວຍ​ຫອມ​ມາ​ຄອບ ຄອງ​ຫວັງ​ຫຼຸດ​ນ້ຳ​ໜັກ​ໄດ້​ພຽວ​ກັນ​ຖ້ວນ​ໜ້າ​. 

ສູດ​ຫຼຸດ​ນ້ຳ​ໜັກ: ທີ່ຕົ​ກ​ເປັນ​ຂ່າວ​​ເມື່ອ​ບໍ່​ດົນ​ມາ​ນີ້​ແນະ​ນຳ​ໃຫ້​ ກິນ​ກ້ວຍ​ຫອມ​ 1-2 ໜ່ວຍ ພ້ອມ​ກັບ​ນ້ຳ​ໃນ​ອຸນຫະພູມ​ຫ້ອງ​ໃນ​ຕອນເຊົ້າສ່ວນ​ຕອນ​ກາງ​ເວັນ​ແລະຕອນແລງ​ສາມາດ​ກິນ​ໄດ້​ຕາມ​ປົກກະຕິ​ ອາດຈະ​ເພີ່ມ​ອາຫານ​ວ່າງ​ຕອນ​ບ່າຍ​ສາມ ສິ່ງ​ສຳຄັນ​ຄື​ງົດ​ຂອງ​ຫວານ​ແລະ​ເຂົ້າ​ນອນ​ກ່ອນ​ທ່ຽງ​ຄືນ.​

“ໃນ​ທາງ​ໂພຊະນາ​ການ​ແລ້ວ​ສູດ​ດັ່ງ​ກ່າວ​ສາມາດ​ຫຼຸດ​ນ້ຳ​ໜັກ​ໄດ້​ແທ້ ຖ້າຫາກເປັນ​ຄົົນທີ່​ບໍ່​ກິນອາຫານ​ເຊົ້າ​ເລີຍ​ຫລື​ກິນ​ອາຫານ​ເຊົ້າ​ທີ່​ໜັກ​ເກີນ​ໄປ​” ແວວ​ຕາ​ ເອກ​ຊາວ​ນາ​ ນັກ​ໂພຊະ​ນາ​ການ​ ອະທິບາຍ​ຄວາມ​ເປັນ​ໄປ​ໄດ້​

ກ້ວຍຫອມ​ 1 ໜ່ວຍ​ ນ້ຳ​ໜັກ​ປະ​ມານ​ 100 ກຣາມ​(ບໍ່​ທັງຫມົດ​ເປືອກ​)ຈະໃຫ້​ພະລັງ​ງານ​ 120 ກິ​ໂລ​ແຄລໍ​ຮີ ໃນ​ກໍລະນີ​ທີ່​ກິນ​ເຂົ້າ​ເຊົ້າ​ຕາມ​ປົກກະຕິ​ເຊັ່ນ​ ເຂົ້າ​ມັນ​ໄກ່​ 1 ຈານ​ ທີ່​ໃຫ້​ພະລັງ​ງານ​ 500 ກິ​ໂລ​ແຄລໍ​ຮີ​ ຫາກ​ປ່ຽນ​ມາ​ກິນ​ກ້ວຍ​ຫອມໃນຕອນເຊົ້າ​ກໍ່ຈະ​ໄດ້​ແຄລໍ​​ຮີ​ນ້ອຍ​ລົງ​ ໃນ​ຂະນະ​ດຽວ​ກັນ​ຫາກ​ວ່າ​ກັນ​ຕາມ​ສູດ​ກໍ​ຈະໃຫ້​ກິນ​ພ້ອມ​ກັບ​ນ້ຳ​ເຮັດໃຫ້​ອິ່ມ​ໄວ​ຂຶ້ນ.​

ສຳລັບ​ ຄົົນທີ່​ບໍ່​ເຄີຍ​ກິນ​ເຂົ້າ​ເຊົ້າ​ ນັກ​ໂພຊ​ະນາ​ການ​ບອກ​ວ່າ​ສູດ​ນີ້​ຊ່ວຍ​ໄດ້​ຢ່າງ​ຫລາຍ​ເນື່ອງ​ຈາກ​ຈະ​ສາມາດ​ປັບ​ປ່ຽນ​ພຶດຕິກຳ​ການ​ກິນ​ໃຫ້​ໄດ້​ຮັບ​ອາຫານ​ເຊົ້າ​ຊຶ່ງ​ເປັນ​ມື້​ທີ່​ຈຳ​ເປັນ​ຕໍ່​ຮ່າງກາຍ​ແລະ​ສະຫມອງ​.

“ໃນ​ສັງຄົມ​ປະຈຸບັນ​ ຄົນ​ຟ້າວ​ຈົນ​ບໍ່​ກິນ​ອາຫານ​ເຊົ້າ​ຫລື​ດື່ມ​ພຽງ​ແຕ່ກາ​ເຟ​ 1 ແກ້ວ​ ຊຶ່ງ​ສົ່ງ​ຜົນ​ຕໍ່​ລະບົບ​ການ​ເຜົາ​ຜານ​ໃນ​ຮ່າງກາຍ​ກ້ວຍ​ຫອມ​ຈະ​ຖື​ເປັນ​ອາຫານ​ມື້​ເຊົ້າ​ທີ່​ຊ່ວຍ​ໃຫ້​ລະ ບົບ​ການ​ເຜົາ​ຜານ​ເຮັດວຽກ​ຢ່າງ​ມີປະ​ສິດ​ທິ​ພາບ​ຫລາຍ​ຂຶ້ນ​”

ໃນ​ ກ້ວຍ​” ນອກ​ຈາກ​ຈະ​ມີ​ຄາ​​ໂບ​ໄຮ​ເດນແລະ​ໄຟ​ເບີ​​ ຍັງມີ​ນ້ຳ​ຕານ​ທັງ​ກູໂຄສ, ຟຸກ​ໂຕສແລະ​ຊູ​ໂຄສ ທີ່​ຊ່ວຍ​ເພີ່ມ​ພະລັງ​ກາຍ​ແລະ​ສະຫມອງ​ ໃຫ້​ສາມາດ​ນຳ​ໄປ​ໃຊ້​ໄດ້​ເລີຍ​ ເຮັດໃຫ້​ນັກ​ໂພຊະ​ນາ​ການ​ເບີ່ງ​ວ່າ​ສູດ​ຫຼຸດ​ນ້ຳ​ໜັກ​ດ້ວຍ​ກ້ວຍ​ນີ້​ຈະ​ເປັນ​ທີ່​ນິຍົມ​ດົນ​ກວ່າ​ສູດ​ອື່ນ​ ເນື່ອງ​ຈາກ​ເປັນ​ສູດ​ທີ່​ງ່າຍ​ລາ​ຄາ​ບໍ່​ແພງ​ແຖມ​ຍັງ​ແຊບເຮັດໃຫ້​ຄົນ​ບໍ່​ຝືນ​ໃຈ​ກິນ​ໃນ​ຂະ ນະ​ດຽວ​ກັນ​ກໍ່ສາມາດ​ໃຊ້​ກັບ​ກ້ວຍ​ປະ​ເພດ​ອື່ນ​ໄດ້​ບໍ່​ວ່າ​ຈະ​ເປັນ​ກ້ວຍ​ນ້ຳ​ວ້າ​, ກ້ວຍ​ໄຂ່​.

ນອກ​ຈາກ​ຮັບປະທານ​ກ້ວຍ​ແລ້ວ​ ຂໍ້​ຫ້າມ​ກ່ຽວກັບ​ຂອງ​ຫວານ​ແລະ​ການ​ນອນ​ກໍ​ເປັນ​ປັດ​ໄຈ​ເສີມ​ທີ່​ດີ​ ນ.​ສ.​ແວວ​ຕາ​ຊີ້​ວ່າ​ ຂອງ​ຫວານ​ເປັນ​ອຸປະສັກ​ສຳຄັນ​ໃນ​ການ​ຫຼຸດ​ນ້ຳ​ໜັກ​ຂະນະ​ທີ່​ການ​ຈັດ​ເວລາ​ຂອງ​ວ່າງ​ຊ່ວງ​ບ່າຍ​ສາມ​ໂມງ​ກໍ່​ຖື​ວ່າ​ດີ​ ຈາກ​ເກົ່າ​ທີ່ກິນ​ຂອງ​ວ່າງ​ບໍ່​ເປັນ​ເວ ລາ​ ກໍ່​ຈະ​ຊ່ວຍ​ໃຫ້​ໂມງ​ຮ່າງກາຍ​ຮຽນ​ຮູ້​ແລະ​ປັບ​ລະບົບ​ເຜົາ​ຜານ​ໃນ​ຊ່ວງ​ເວລາ​ນັ້ນສ່ວນ​ການ​ນອນ​ກ່ອນ​ທ່ຽງ​ຄືນ​ ກໍ​ເປັນ​ການ​ເພີ່ມ​ປະ​ສິດ​ທິ​ພາບ​ໃຫ້​ລະບົບ​ເຜົາ​ຜານໄດ້​ອີກ​ທາງ​ໜຶ່ງ.​

ແນວໃດກໍ​ດີ​ ນັກ​ໂພຊະ​ນາ​ການ​ແນະ​ນຳ​ວ່າ​ສູດ​ນີ້​ເໝາະ​ກັບ​ຄົົນທີ່​ບໍ່​ຮັບປະທານ​ອາຫານ​ເຊົ້າ​ຫລື​ຮັບປະທານ​ອາຫານ​ເຊົ້າ​ທີ່​ບໍ່​ມີ​ປະໂຫຍດ​ຕໍ່​ຮ່າງກາຍ​ ແຕ່​ຜູ້​ທີ່​ບໍ່​ຄວນ​ລອງ​ຄື​ຜູ້​ປ່ວຍ​ພະຍາດ​ເບົາ​ຫວານ​ແລະ​ພະຍາດ​ຫມາກໄຂ່ຫລັງ​ ເນື່ອງ​ຈາກ​ກ້ວຍ​ມີ​ນ້ຳ​ຕານ​ແລະ​ໂປ​ແຕດ​ຊຽມ​ສູງ​ ໃນ​ຂະນະ​ທີ່​ຜູ້​ທີ່​ຮັບປະທານ​ອາຫານ​ເຊົ້າ​ເພື່ອ​ສຸຂະພາບ​ຢູ່​ແລ້ວ​ກໍ່​ບໍ່​ຈຳ​ເປັນ​​ເຊັ່ນເຂົ້າ​ກັບ​ແກງ​ຈືດ​ຕຳ​ນິນຫລື​ເຂົ້າ​ກັບ​ໄກ່​ຜັດ​ຂີງ ເປັນ​ຕົ້ນ.​

ໃນ​ຂະນະ​ດຽວ​ກັນ​ ສູດ​ຫຼຸດ​ນ້ຳ​ໜັກ​ນີ້​ກໍ່​ບໍ່​ເໝາະ​ກັບ​ເດັກ​ໄວ​ຮຽນເນື່ອງ​ຈາກ​ເດັກ​ໄວ​ນີ້​ຕ້ອງ​ການ​ໂປຼຣ​ຕິນ​ໃນ​ຊ່ວງ​ເຊົ້າ​ເພື່ອ​ເປັນ​ແຫຼ່ງ​ພະລັງ​ງານ​ລະຫວ່າງ​ມື້​ ໂດຍ​ນັກ​ໂພຊະ​ນາ​ການ​ແນະນຳ​ວ່າ​ ຫາກ​ຕ້ອງ​ການ​ຫຼຸດ​ນ້ຳ​ໜັກ​ອາດຈະ​ປັບ​ສູດ​ເຊັ່ນ​ ກ້ວຍ​ກັບ​ໝູ​ປິ້ງ,​ ກ້ວຍ​ກັບ​ໄຂ່​ຕົ້ມ​ຫລື​ກ້ວຍ​ກັບ​ຊີສ​ແບບ​ໄຂ​ມັນ​ຕ່ຳ​.

ນັກ​ໂພຊະ​ນາ​ການ​ຍັງ​ບອກ​ອີກ​ວ່າ​: ບໍ່​ສະເພາະ​ແຕ່ກ້ວຍ​ທີ່​ສາມາດ​ນຳ​ໄປ​ໃຊ້​ເປັນ​ສູດ​ຫຼຸດ​ນ້ຳ​ໜັກ​ໄດ້​ຫມາກໄມ້​ອື່ນ​ກໍ່ສາມາດ​ເຮັດ​ໄດ້​ເຊັ່ນ​ກັນ​ ຫມາກໄມ້​ທີ່​ບໍ່​ຫວານ​ຫລາຍ​ບໍ່​ໜັກ​ແປ້ງ​ແລະ​ກິນ​ໄດ້​ງ່າຍ​ເຊັ່ນ​ ແອັບ​ເປີ້ນ​, ແຄນ​ຕາ​ລຸກ​ຫລືໝາກ​ແຕງ​ໂມເປັນ​ຕົ້ນ​. ໃນ​ຂະ ນະ​ດຽວ​ກັນ​ກໍ​ຄວນ​ຫຼີກ​ລ້ຽງ​ໝາກທຸ​ລຽນ​, ໝາກມີ້​ ທີ່​ຫວານ​ຈັດ​ຫລື​ຫມາກໄມ້​ທີ່​ເປັນ​ກົດ​ເຊັ່ນ​ ໝາກນັດ.​

“ສິ່ງ​ສຳຄັນ​ທີ່​ຕ້ອງ​ເຕືອນ​ທຸກ​ຄົນ​ຄື​ ກ້ວຍ​ 1 ໜ່ວຍ​ ບໍ່​ແມ່ນ​ອາຫານ​ມະຫັດສະຈັນ​ທີ່​ຈະ​ເຮັດໃຫ້​ຄົນ​ເຮົາ​ຈ່ອຍງາມ​, ສຸຂະພາບ​ດີ​ ເນື່ອງ​ຈາກ​ເປັນ​ອາຫານ​ທີ່​ບໍ່​ຄົບ​ 5 ໝູ່​ ແຕ່ກ້ວຍ​ຈະ​ເປັນ​ຈຸດ​ເລີ່ມ​ຕົ້ນ​ໃຫ້​ຄົນ​ຫັນ​ມາ​ຮັບປະທານ​ອາຫານ​ເຊົ້າ​ຊຶ່ງ​ເປັນ​ມື້​ສຳຄັນ​ແລະ​ເພີ່ມ​ສານ​ອາຫານ​ໃຫ້​ຄົບ​ 5 ໝູ່​ ໃນ​ມື້​ຕໍ່ໄປ​ແລະ​ຕ້ອງ​ອອກ​ກຳ​ລັງ​ກາຍ​ໃຫ້​ສົມ​ດຸນ​ກັບ​ອາຫານ​ທີ່​ກິນ​ເຂົ້າໄປ​ໃນ​ແຕ່​ລະ​ມື້​ເພື່ອ​ເສີມສ້າງ​ສຸຂະພາບ​ທີ່​ດີ​ຕໍ່ໄປ​”

========================================================================================================================