ກຽມຕັດໜ້າເຮືອ!!ຜີຍື່ນ 38 ລ້ານເອີໂຣດຶງເຮຊຸດ

 

ສື່ຕີຂ່າວ ແມນເຊສເຕີ ຢູໄນເຕັດ ໄດ້ບອກ ເພົາໄມຣັສ ແລ້ວວ່າພ້ອມຈ່າຍເງິນປະມານ 38 ລ້ານເອີໂຣຫວັງຕັດໜ້າ ແມນເຊສເຕີ ຊີຕີ ທີ່ຍື່ນຂໍ້ສະເໜີ 32 ລ້ານເອີໂຣເພື່ອດຶງ ກາບຣຽວ ເຮຊຸດ ດາວຍິງແຊມບາໃນຊ່ວງເປີດຕະຫຼາດນັກເຕະຊຳເມີນີ້.

 

ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ຕົກເປັນຂ່າວວ່າໄດ້ແຈ້ງໄປຫາ ເພົາໄມຣັສ ທີມໃນລີກບາຊິວແລ້ວວ່າຈະຍື່ນຂໍ້ສະເໜີສູງເຖິງ 38 ລ້ານເອີໂຣເພື່ອດຶງ ກາບຣຽວ ເຮຊຸດ ກອງໜ້າເລືອດແຊມບາມາຫຼິ້ນໃນ ໂອນ ທຣາຟເຟິດ ໃຫ້ໄດ້.

ລາຍງານລະບຸອີກວ່າທີມຂອງ ໂຊຊ ມູຣິນໂຢ ໄດ້ເຮັດການເຈລະຈາກັບ ເພົາໄມຣັສ ເລື່ອງການດຶງນັກຕະແລ້ວແຕ່ໃນຕອນນີ້ “ຜີສາດແດງ” ຈຳເປັນຕ້ອງໂນ້ມນ້າວໃຫ້ ເຮຊຸດ ຍ້າຍມາຮ່ວມທີມຕັດໜ້າ ແມນເຊສເຕີ ຊີຕີ ທີ່ທຸ່ມເງິນ 32 ລ້ານເອີໂຣເພື່ອຫວັງດຶງໂຕເຊັ່ນກັນແຕ່ວ່ານັກເຕະຍັງລັງເລໃຈຢູ່ຫຼັງຈາກທີ່ໄດ້ລົມກັບ ເປັບ ກວາດິໂອລາ ຜູ້ຈັດການທີມ “ເຮືອໃບສີຟ້າ” ແລະ ໄດ້ປະຕິເສດຄວາມສົນໃຈຈາກ ບາເຊໂລນາ ໄປແລ້ວ.