ກຽນໂອ້ຈໍ່ລານີດໄປກາລາຕາຊາລາຍ

 

ມາຣິໂອ ບາໂລເຕລີ ດາວຍິງຈອມກຽນຂອງ ນີດ ຈໍ່ລາຕົ້ນສັງກັດຊຳເມີນີ້ ເຫດຍ້ອນສັນຍາກັບສະໂມສອນກຳລັງຈະໝົດລົງ ແລະ ກາລາຕາຊາລາຍ ເລັງດຶງໄປເສີມທັບລະດູການໜ້າຫຼັງທີມຈາກແດນໄກ່ງວງໄດ້ມີການເຈລະຈາກັບເອເຢນຂອງ “ກຽນໂອ້” ໃນອາທິດນີ້ແລ້ວ.

 

ມາຣິໂອ ບາໂລເຕລີ ຫົວຫອກຂອງ ນີດ ສະໂມສອນດັງຂອງ ລີກແອັງ ຝຣັ່ງຕົກເປັນຂ່າວວ່າອາດຈະອຳລາຕົ້ນສັງກັດໃນຊ່ວງຊຳເມີນີ້ຫຼັງຈາກທີ່ໄດ້ຮັບຄວາມສົນໃຈຈາກ ກາລາຕາຊາລາຍ ສະໂມສອນຍັກໃຫຍ່ຂອງລີກຕວັກກີຈາກການລາຍງານເມື່ອວັນອາທິດທີ່ຜ່ານມາ.

 

“ກຽນໂອ້” ເຮັດຜົນງານໄດ້ໜ້າປະທັບໃຈໃນຝຣັ່ງ ຫຼັງຍິງ 15 ລູກຈາກ 24 ນັດໃນລະດູການນີ້ ແລະ ສັນຍາຂອງເຂົາກໍມີຈົນຮອດເດືອນມິຖຸນານີ້ເທົ່ານັ້ນ ຂະນະທີ່ ນີດ ກໍອາດຈະບໍ່ສາມາດທີ່ຈະຈ່າຍເງິນຄ່າເມື່ອຍໃຫ້ກັບນັກເຕະເພື່ອຍືດສັນຍາອອກໄປໄດ້.

 

ຫຼ້າສຸດມີລາຍງານວ່າ ກາລາຕາຊາລາຍ ພ້ອມທີ່ຈະເດີນໜ້າດຶງ ຊູເປີມາຣິໂອ ແລະ ໄດ້ເຂົ້າພົບກັບ ມິໂນ ໄຣໂອລາ ນາຍໜ້າຂອງນັກເຕະໃນອາທິດນີ້ ຂະນະທີ່ ນີດ ກໍເລີມອອກມາລົມກັບຕົວແທນຂອງ ກຽນໂອ້ ແລ້ວ.

 

ບົດຄວາມໃຫມ່ໆ