ກົດ​ໄຫຼ​ຍ້ອນ​ ...ຮັກສາ​ໄດ້​ດ້ວຍ​ຜັກ​ຊີ​​!!

 

ພາ​ວະ​ທີ່​ກົດ​ໄຫຼຍ້ອນ​ຈາກ​ກະເພາະ​ອາຫານ​ໄປ​ຫາຫຼອດ​ອາຫານ​ ເຮັດໃຫ້​ເກີດ​ອາການ​ເຈັບ​ແໜ້ນ​ໜ້າ​ເອິກ​ ຫລື ​ແສບ​ໜ້າ​ເອິກ​ ​ການ​ກິນ​ເທົ່າ​ນັ້ນ​ທີ່​ຈະ​ຊ່ວຍຫ​ລຸດ​ອາການ​ໄດ້​ Kidork.com ຂໍ​ສະເໜີ​ "ຜັກ​ຊີ​​" ຜັກ​ຊະນິດ​ນີ້​ຊ່ວຍ​ທ່ານ​ໄດ້​​

1. ກະຕຸ້ນ​ການ​ເຮັດ​ວຽກງານ​ຂອງ​ກະເພາະ​ 
    ເຮັດໃຫ້​ອາຫານ​ທີ່​ຮັບປະທານ​ເຂົ້າໄປ​ຍ່ອຍ​ໄດ້​ດີ​ຂຶ້ນ​ ແລະ​ ບໍ່​ເກີດ​ບັນຫາ​ນ້ຳ​ຍ່ອຍ​ຫຼັ່ງ​ອອກ​ມາ​ຫລາຍ​ເກີນ​ໄປ​ ຈົນ​ເຮັດໃຫ້​ໄຫຼ​ຍ້ອນ​ຂຶ້ນ​ໄປ​ເກີດ​ການ​ແສບ​ຮ້ອນ​ທີ່ກ​າງເ​ອິກ​

2. ກະຕຸ້ນ​ອະໄວຍະວະ​ຂັບ​ຖ່າຍ​ຂອງ​ເສຍ​
    ມີ​ໄຟ​ເບີ​ຣ໌​ສູງ​ຊ່ວຍ​ກະຕຸ້ນ​ການ​ເຮັດ​ວຽກຂອງ​ລະບົບ​ລຳ​ໄສ້​ ການ​ເຮັດ​ວຽກງານ​ຂອງ​ມ້າມ​ ແລະ ​ຕັບ​ດີ​ຂຶ້ນ​ ຈຶ່ງ​ຊ່ວຍ​ໃຫ້​ລະບົບ​ຂັບ​ຖ່າຍ​ຂອງ​ເສຍ​ໃນ​ຮ່າງກາຍ​ເຮັດວຽກ​ໄດ້​ຢ່າງ​ສົມບູນ​ ​

3. ຫລຸດ​ຄໍ​ເລດ​ເຕີ​ຣອນ​ 
    ຫລຸດ​ຄໍ​ເລດ​ເຕີ​ຣອນ​ທີ່​ເປັນ​ສາ​ເຫດ​ໜຶ່ງ​ຂອງ​ກົດ​ໄຫຼ​ຍ້ອນ​ໄດ້​ ການສຶກສາ​ໃນ​ສະ​ຖາ​ບັນ​ວິ​ໄຈ​ເຄ​ມີ​ຊີວ​ະພາບ ​ແລະ ​ຊີວະ​ກາຍຍະ​ພາບ​ຂອງ​ອິ​ຣ່ານ​ ສະຫລຸບ​ໄດ້​ວ່າ​ການ​ຮັບປະທານ​ຜັກ​ຊີ​ ສາມາດ​ຊ່ວຍ​ຫລຸດ​ລະ​ດັບ​ຄໍ​ເລດ​ເຕີ​ຣອນ​ ແລະ ​ໄຂ​ມັນ​ຊະນິດ​ທີ່​ບໍ່​ດີ​ຕໍ່​ຮ່າງກາຍ​ໄດ້​ ອັນ​ເປັນ​ຜົນ​ດີີ​ຕໍ່​ສຸຂະພາບ​ຫົວ​ໃຈ​ອີກ​ດ້ວຍ​

4. ຢຸດຢັ້ງງ​ການ​ເຕີບໂຕ​ຂອງ​ເຊື້ອ​ພະຍາດ​ 
    ຜົນ​ການສຶກສາ​ໃນ​ປີ​ 2006 ເຊິ່ງ​ຖືກ​ຕີ​ພິມ​ໃນ​ Journal of Food Science ສະແດງ​ໃຫ້​ເຫັນ​ວ່າ​ ນ້ຳ​ມັນ​ຫອມ​ລະ​ເຫຍ​ໃນ​ຜັກ​ຊີ​​ມີປະ​ສິດ​ທິ​ພາບ​ຕໍ່​ຕ້ານ​ເຊື້ອ​ແບກ​ທີ​ເຣຍ​ຕ່າງ​ໆ​ເຊັ່ນ:​ ຢຸດ​ຢັ້ງ​ການ​ເຕີບໂຕ​ຂອງ​ເຊື້ອ​ຣາ​ ແລະ ​ເຊື້ອ​ແບກ​ທີ​ເຣຍ​ອັນຕະລາຍ​ຕ່າງ​ໆ​ ເຊັ່ນວ່າ: ເຊື້ອສະ​ຕາ​ຟິ​ໂລ​ຄັອດຄັດ​ ອໍ​ຣຽດ​ (Staphylococcus aureus) ອັນ​ເປັນ​ສາ​ເຫດ​ຂອງ​ພະຍາດ​ອາຫານ​ເປັນ​ພິດ​ອີກ​ດ້ວຍ​

5. ປ້ອງ​ກັນ​ອ​ະນຸ​ມູນ​ອິດສະຫລະ​
    ປ້ອງ​ກັນ​ສານ​ອະ​ນຸ​ມູນ​ອິດສະຫລະ​ທີ່​ທຳລາຍ​ເຊລ​ລ໌​ໃນ​ຮ່າງກາຍ​ ສົ່ງ​ຜົນ​ກະທົບ​ຕໍ່​ຜິວ​ໜັງ​ໃຫ້​ແກ່​ກ່ອນ​ໄວ ແລະ​ ເປັນ​ສາ​ເຫດ​ພະຍາດ​ມະ​ເຮັງ​ ແລະ ​ຍັງມີ​ສ່ວນ​ຊ່ວຍ​ໃຫ້​ເຊລ​ລ໌​ໃນ​ຮ່າງກາຍ​ເຮັດວຽກ​ໄດ້​ສົມບູນ​

6. ນອນ​ຫຼັບ​ສະນິດ​
    ສານ​ຟ​ລາ​ໂວນ​ອຍ​ດ໌ ​ແລະ​ ວິ​ຕາ​ມິນ​ບີ​ໃນ​ຜັກ​ຊີ​ຈະ​ຊ່ວຍ​ກະຕຸ້ນ​ການ​ເຮັດ​ວຽກງານ​ຂອງ​ເອນ​ໄຊ​ມ໌​ ແລະ ​ຮໍ​ຣ໌​ໂມນ​ບາງ​ຊະນິດ​ສົ່ງ​ຜົນ​ໃຫ້​ເກີດ​ພາ​ວະ​ສະຫງົບ ​ແລະ​ ນອນ​ຫຼັບ​ໄດ້​ຢ່າງດີ​

7. ຊ່ວຍ​ກະດູກ ​ແລະ ​ແຂ້ວ​ແຂງ​ແຮງ​ 
    ແຄລ​ຊຽມ​ສູງ​ໃນ​ຜັກ​ຊີ​​ ຊ່ວຍ​ບຳ​ລຸງ​ກະດູກ​ ແລະ ​ແຂ້ວ​ໃຫ້​ແຂງ​ແຮງ​

8. ຮັກສາ​ໄຂ້​ຫວັດ​
     ຫລຸດ​ອາການ​ໄຂ້​ຫວັດ​, ຕັນ​ດັງ​, ໄອ​ ແລະ​ ມີ​ການ​ນຳ​ເອົາ​ຜັກ​ຊີ​​ໄປ​ເປັນ​ສ່ວນ​ປະສົມ​ໜຶ່ງ​ຂອງ​ອາຫານ​ເສີມ​ທີ່​ຊ່ວຍ​ບັນ​ເທົາ​ອາການ​ຫວັດໄດ້​ອີກ​ດ້ວຍ​

     ຜັກ​ຊີ​ລາວ​ກິນ​ໄດ້​ທັງ​ແບບ​ສົດ​ໆ​ ຈ້ຳນ້ຳ​ແຈ່ວ​ ແລະ​ ປຸງ​ໃຫ້​ສຸກ​ເຊັ່ນ: ນຳ​ໄປ​ຜັດ​ກັບໄຂ່​ ແລະ ​ໃສ່​ໃນ​ແກງ​, ອ່ອມ​ ຫລື​ ໝົກ​ປາ​ ຄວນກັນຜັກ​ຊີ​​ເລື້ອຍໆ​ ເພາະຊ່ວຍຮັກສາ ​ແລະ​ ຫລຸດ​ອາການ​ຂອງ​ກົດ​ໄຫຼ​ຍ້ອນ​ໄດ້​ ແລະ​ ຍັງ​ຊ່ວຍ​ບຳ​ລຸງ​ຮ່າງກາຍ​ໃຫ້​ແຂງ​ແຮງ​ອີກ​ດ​ວຍ