ກຸນເນື້ອຫອມ!!ປາຣີ-ມິລານ-ມາດຣິດ ສົນດຶງເສີມທັບ

 

ເຊຄິໂອ ກຸນ ອາເກວໂຣ ຫົວຫອກຂອງ ແມນເຊສເຕີ ຊີຕີ ກຳລັງເນື້ອຫອມສຸດໆເມື່ອຫຼ້າສຸດ “ເດລີ ເອັກສ໌ເພຣສ” ອ້າງວ່າ ກໍາລັງເປັນທີ່ໝາຍປອງຂອງ ເອຊີ ມິລານ, ເຣອັນ ມາດຣິດ ແລະ ປາຣີ ແຊັງ-ແຊັກແມັງ ຫຼັງມີຂ່າວວ່າ ກຸນ ມີເລື່ອງຂັດແຍ່ງກັບ ເປັບ ກວາດິໂອລາ ນາຍໃຫຍ່ຂອງ “ເຮືອໃບສີຟ້າ”.

 

ປາຣີ ແຊັງ-ແຊັກແມັງ, ເອຊີ ມິລານ ແລະ ເຣອັນ ມາດຣິດ 3 ສະໂມສອນຍັກໃຫຍ່ຂອງເອີຣົບຕົກເປັນຂ່າວວ່າໃຫ້ຄວາມສົນໃຈດຶງໂຕ ເຊຄິໂອ ອາເກວໂຣ ດາວຍິງຄົນສຳຄັນຂອງ ແມນເຊສເຕີ ຊີຕີ ສະໂມສອນມະຫາເສດຖີຂອງ ພຣີເມຍລີກ ມາເສີມທັບໃນແດນໜ້າໃຫ້ໄດ້.

 

ເມື່ອອາທິດທີ່ຜ່ານມາມີຂ່າວລືກັນວ່າກອງໜ້າທີມຊາດອາເຈັນຕິນາອາດຈະຍ້າຍອອກຈາກຖິ່ນ ເອຕິຮັດ ສະເຕດຽມ ຫຼັງຈາກທີ່ມີເລື່ອງຂັດແຍ່ງກັບ ໂຈເຊບ ກວາດິໂອລາ ຍອດຜູ້ຈັດການທີມ “ເຮືອໃບສີຟ້າ”.

 

ຫຼ້າສຸດ “ເດລີ ເອັກສ໌ເພຣສ” ສື່ຊື່ດັງຂອງອັງກິດຕີຂ່າວວ່າ ລາຊາຊຸດຂາວ, ຜີສາດແດງ-ດໍາ ແລະ ເປເອັດເຊ ຕາງກໍພ້ອມຍື່ນຂໍ້ສະເໜີຂໍຊື້ອະດີດນັກເຕະ ແອັດເລຕິໂກ ມາດຣິດ ໃນອະນາຄົດອັນໃກ້ນີ້ທ່າມກາງຂ່າວລືໜາຫູທີ່ວ່າ ເປັບ ໄດ້ບອກກັບ ກຸນ ວ່ານັກເຕະມີອິດສະຫຼະໃນການຍ້າຍອອກຈາກ ແມນ ຊີຕີ ໄດ້.