ກິນ​ງາ​ດຳ​ ຊ່ວຍ​ຫຼຸດ​ຄວາມ​ສ່ຽງ​ພະຍາດ​ຂໍ້​ກະດູກ​ອັກ​ເສບ​ ພະຍາດ​ຂໍ້​ເສື່ອມ​ ຊະ​ລໍ​ຄວາມ​ຊະລາ​ ບໍ່​ແກ່​ໄວ​

ກິນ​ງາ​ດຳ​ ຊ່ວຍ​ຫຼຸດ​ຄວາມ​ສ່ຽງ​ພະຍາດ​ຂໍ້​ກະດູກ​ອັກ​ເສບ​ ພະຍາດ​ຂໍ້​ເສື່ອມ​ ຊະ​ລໍ​ຄວາມ​ຊະລາ​ ບໍ່​ແກ່​ໄວ​

ງາ​ດຳ​ ເປັນ​ອາຫານ​ທີ່​ມີ​ຄຸນຄ່າ​ທາງ​ໂພສະ​ນາ​ການ​ສູງ​ ມີ​ສານ​ອາຫານ​ເກືອບ​ຈະ​ຄົບ​ຖ້ວນ​ ໃນ​ງາ​ດຳ​ມີ​ສານ​ທີ່​ຊື່​ວ່າ​ເຊ​ຊາ​ມີນ​ ຊຶ່ງ​ມີ​ປະໂຫຍດ​ຕໍ່​ສຸຂະພາບຫຼວງ​ຫຼາຍ​ 

1. ຊ່ວຍ​ຕ້ານ​ການ​ອັກ​ເສບ​ ຫຼຸດ​ຄວາມ​ສ່ຽງ​ຕໍ່​ການ​ເປັນ​ພະຍາດ​ຂໍ້​ກະດູກ​ອັກ​ເສບ​ ພະຍາດ​ຂໍ້​ເສື່ອມ​ ແລະ​ ອີກ​ຫຼາຍ​ພະຍາດ​ຮ້າຍ​ສຳຄັນ​ ສານ​ເຊ​ຊາ​ມິນ​ໃນ​ນ້ຳ​ມັນ​ງາ​ດຳ​ຊ່ວຍ​ຢັບ​ຢັ້ງ​ໄອ​ແອລວັນ​ເບ​ຕ້າ​ (Interleukin-1 Beta, IL-1 Beta) ຊຶ່ງ​ເປັນ​ຕົວ​ການ​ສຳຄັນ​ໃນ​ການເຮັດໃຫ້​ກະດູກ​ອ່ອນ​ສະ​ລາຍ​ ຫຼຸດ​ຄວາມ​ສ່ຽງ​ໃນ​ການ​ເປັນ​ພະຍາດ​ມະ​ເຮັງ​ ພະຍາດ​ຫົວ​ໃຈ​ ພະຍາດ​ອຳໄຊ​ເມີ​​ ພະຍາດ​ເບົາ​ຫວານ​ ແລະ ອື່ນໆ​ ຊ່ວຍ​ໃນ​ການ​ກຳຈັດ​ສານ​ພິດ​ຂອງ​ຕັບ​ ເຮັດໃຫ້​ຕັບ​ເຮັດວຽກ​ຢ່າງ​ມີປະ​ສິດ​ທິ​ພາບ​ຫຼາຍ​ຂຶ້ນ​ ເພາະ​ໃນ​ນ້ຳ​ມັນ​ງາ​ດຳ​ຍັງມີ​ວິ​ຕາ​ມິນ​ອີ​ ກົດ​ໄຂ​ມັນ​ໂອ​ເມ​ກ້າ​ 3 ທາດ​ສັງ​ກະ​ສີ​ ທອງ​ແດງ​ ແລະ ອື່ນໆ​ ທີ່​ຊ່ວຍ​ຕ້ານ​ການ​ອັກ​ເສບ​ໄດ້​ດີ​

2. ຊ່ວຍ​ຕ້ານ​ອະ​ນຸ​ມູນ​ອິດສະຫຼະ​ ອັນ​ເປັນ​ສາ​ເຫດ​ສຳຄັນ​ຂອງ​ພະຍາດ​ຮ້າຍ​ ແລະ ​ການ​ເສື່ອມ​ຂອງ​ຮ່າງ ກາຍ​ ດ້ວຍ​ໃນ​ນ້ຳ​ມັນ​ງາ​ດຳ​ປະກອບ​ໄປ​ດ້ວຍ​ສານ​ເຊ​ຊາ​ມິນ​ ວິ​ຕາ​ມິນ​ອີ​ ທາດ​ສັງ​ກະ​ສີ​ ວິ​ຕາ​ມິນ​ບີ​ 1, 2, 3, 5, 6, 9 ທອງ​ແດງ​ ໄອ​ໂອ​ດິນ​ ໃຍອາຫານ​ ແລະ ອື່ນໆ​ ຊຶ່ງ​ສຳຄັນ​ຕໍ່​ການ​ຊ່ວຍ​ຕ້ານ​ອະ​ນຸ​ມູນ​ອິດສະຫຼະ​ 

3. ຊ່ວຍ​ເສີມ​ໃນ​ການ​ເຮັດ​ວຽກ​ຂອງ​ວິ​ຕາ​ມິນ​ອີ​ ເຮັດໃຫ້​ຊະ​ລໍ​ຄວາມ​ຊະລາ​ ບໍ່​ແກ່​ໄວ​ ບໍ່​ປ່ວຍ​ເປັນ​ພະ ຍາດ​ຮ້າຍ​ໄດ້​ຢ່າງ​ມີປະ​ສິດ​ທິ​ພາບ​ຫຼາຍ​ ເນື່ອງ​ຈາກ​ມີ​ສານ​ເຊ​ຊາ​ມິນ​ ທາດ​ສັງ​ກະ​ສີ​ ແລະ ອື່ນໆ​ ທີ່​ຊ່ວຍ​ເສີມ​ການ​ເຮັດ​ວຽກ​ຂອງ​ວິ​ຕາ​ມິນ​ອີ​ໃຫ້​ດີຍິ່ງ​ຂຶ້ນ​

4. ຫຼຸດ​ປະຕິ​ກິລິຍາ​ຄວາມ​ຄຽດ​ລະ​ດັບ​ເຊລ​ໃນເນື້ອເຢື່ອ​ຕ່າງ​ໆ​ ເຮັດໃຫ້​ຄາຍ​ຄຽດ​ ນອນ​ຫຼັບ​ສະບາຍ​ ສົ່ງ​ຜົນ​ໃຫ້​ລະບົບ​ການ​ເຮັດ​ວຽກໃນ​ຮ່າງກາຍ​ດີ​ຂຶ້ນ​ໂດຍ​ລວມ ໂດຍ​ສານ​ເຊ​ຊາ​ມິນ​ ໂພ​ແທັກ​ຊຽມ​ ຟອດ​ຟໍ​ຮັສ​ ທາດ​ສັງ​ກະ​ສີ​ ແມັກ​ນີ​ຊຽມ​ ທາດ​ເຫຼັກ​ ແຄລ​ຊຽມ​ ແລະ ອື່ນໆ​ ຊຶ່ງ​ເປັນ​ສານ​ທີ່​ມີ​ຢູ່ໃນ​ນ້ຳ​ມັນ​ງາ​ດຳ​ຈະ​ໄປ​ຊ່ວຍ​ຄາຍ​ຄວາມ​ຄຽດ​ແລະ​ກະຕຸ້ນ​ການ​ເຮັດ​ວຽກ​ໃນເນື້ອເຢື່ອ​ຕ່າງ​ໆ​ 

5. ຊ່ວຍ​ຫຼຸດ​ການ​ດູດ​ຊຶມ​ແລະ​ການ​ສັງ​ເຄາະ​ຄໍ​ເລດ​ເຕີ​ຮໍ ຊ່ວຍ​ຫຼຸດ​ຄວາມ​ດັນ​ເລືອດ​ສູງ​ໄດ້​ດີ​ ຊ່ວຍ​ປ້ອງ​ກັນ​ຫຼອດ​ເລືອດ​ແຂງ​ຕົວ​ ປ້ອງ​ກັນ​ພະຍາດ​ຫົວ​ໃຈ​ ເຮັດໃຫ້​ລະບົບ​ຫົວ​ໃຈ​ແຂງ​ແຮງ​ ຊ່ວຍ​ກະ ຕຸ້ນ​ປະສາດ​ເລື່ອງ​ການຫົດ​ຕົວ​ຂອງ​ກ້າມເນື້ອ ​ແລະ ​ການ​ເຮັດ​ວຽກຂອງ​ກ້າມເນື້ອ​ຫົວ​ໃຈ​ ຄວບ​ຄຸມ​ອັດຕາ​ການ​ເຕັ້ນ​ຂອງ​ຫົວ​ໃຈ​ໃຫ້ເປັນ​​ປົກກະຕິ​ 


6. ຊ່ວຍ​ໃນ​ການ​ເຜົາ​ຜານສະ​ລາຍ​ໄຂ​ມັນ​ ໃນ​ນ້ຳ​ມັນ​ງາ​ດຳ​ມີ​ສານ​ເຊ​ຊາ​ມິນ​ ຟອດ​ຟໍ​ຮັສ ແມັກ​ນີ​ຊຽມ​ ແລະ ອື່ນໆ​ ທີ່​ຊ່ວຍ​ໃນ​ການ​ເຜົາ​ຜານສະ​ລາຍ​ໄຂ​ມັນ​ 

7. ຊ່ວຍ​ປ້ອງ​ກັນ​ການ​ເສື່ອມ​ຂອງ​ເຊລ​​ ໃນ​ລະບົບ​ປະສາດ​ເຮັດໃຫ້​ສະໝອງ​ເຮັດວຽກ​ໄດ້ດີ​ ຫຼຸດ​ຄວາມ​ສ່ຽງ​ຕໍ່​ການ​ເກີດ​ພະຍາດ​ອຳໄຊ​ເມີ​​ ຄວາມ​ຈຳ​ເສື່ອມ​ ເພາະ​ມີ​ສານ​ສຳຄັນ​ເຊ​ຊາ​ມິນ​ ທາດ​ເຫຼັກ​ ໂພ​ແທັກ​ຊຽມ​ ແລະ ອື່ນໆ​ 

8. ເຮັດໃຫ້​ລະ​ດັບ​ໄຂ​ມັນ​ຢູ່ໃນ​ສັດ​ສ່ວນ​ທີ່ພໍ​ດີ​ ຊ່ວຍ​ເບິ່ງ​ແຍງ​ກ່ຽວກັບ​ເລື່ອງ​ຂອງ​ອັດຕາ​ສ່ວນ​ຂອງ​ໄຂ​ມັນ​ໃນ​ຮ່າງກາຍ​ ຫຼຸດ​ປະລິມານ​ຂອງ​ຄໍ​ເລດ​ເຕີ​ຣໍ​ ມີ​ໄຂ​ມັນ​ດີ​ຫຼາຍ​ຂຶ້ນ​ ປ້ອງ​ກັນ​ພະຍາດ​ຫົວ​ໃຈ​ ຫຼຸດ​ຄວາມ​ດັນ​ເລືອດ​ສູງ​ໄດ້​ດີ​ ເນື່ອງ​ຈາກ​ສານ​ສຳຄັນ​ໃນ​ນ້ຳ​ມັນ​ງາ​ດຳ​ເຊັ່ນ​ ສານ​ເຊ​ຊາ​ມິນ​ ກົດ​ໄຂ​ມັນ​ ໂອ​ເມ​ກ້າ​ 3 ກົດ​ໄຂ​ມັນ​ໄລ​ໂນ​ເລ​ອິກ​ ກົດ​ໄຂ​ມັນ​ໂອ​ເມ​ກ້າ​ 9 ຟອດ​ຟໍ​ຣັສ​ ແມັກ​ນີ​ຊຽມ​ ແລະ ອື່ນໆ​ 

9. ສານ​ເຊ​ຊາ​ມິນ​ຊ່ວຍ​ຢັບ​ຢັ້ງ​ເຊລ​ມະ​ເຮັງ​ ແລະ ​ຊ່ວຍ​ຟື້ນ​ຟູ​ສະພາບ​ເຊລ​​ທີ່​ເສື່ອມ​ 

10. ຊ່ວຍ​ໃນ​ການ​ຢັບ​ຢັ້ງ​ການ​ພັດທະນາ​ເຊລ​​ຕົ້ນ​ກຳ​ເນີດ​ຂອງ​ເຊລ​ສະລາຍ​ກະດູກ​ ທີ່​ໃຫ້​ເກີດ​ພະ ຍາດ​ຂໍ້​ເສື່ອມ​ ພະຍາດ​ກະດູກ​ພຸນ​ 

 

ບົດຄວາມໃຫມ່ໆ