ກິນອາຫານດິບ ດີຕໍ່ສຸຂະພາບແທ້ຫຼືບໍ່?

ຫຼາຍຄົນຄົງຈະເຄີຍໄດ້ຍິນກ່ຽວກັບການກິນອາຫານດິບໆ ເພື່ອໃຫ້ໄດ້ປະໂຫຍດສູງສຸດຈາກອາຫານ ລົດຊາດດີ ແລະ ຍັງຊ່ວຍຫຼຸດນໍ້າໜັກໄດ້ດີດ້ວຍແຕ່ການກິນອາຫານດິບດີຕໍ່ສຸຂະພາບແທ້ຫຼືບໍ່ ກໍ່ຄົງຍັງເປັນຄໍາຖາມທີ່ຫຼາຍຄົນສົງໄສວ່າການກິນອາຫານດິບຈະໄດ້ຜົນປະໂຫຍດ ແລະ ອັນຕະລາຍນ້ອຍກ່ວາອາຫານທີ່ສຸກຄວາມຈິງເປັນແບບໃດມາເບິ່ງກັນ

ການກິນອາຫານດິບນັ້ນບໍ່ໄດ້ຫໝາຍຄວາມເຖິງການກິນເນື້ອສັດແບບດິບໆພຽງຢ່າງດຽວແຕ່ລວມເຖິງພືດຜັກຊະນິດຕ່າງໆດ້ວຍ

ຂໍ້ດີຂອງການກິນອາຫານດິບ

  • ອາຫານດິບທີ່ເນັ້ນຜັກແລະຜົນລະໄມ້ຈະເຮັດໃຫ້ໄດ້ຮັບກົດໄຂມັນທີ່ອີ່ມຕົວ ແລະ ໄດ້ຮັບປະລິມານແຄລໍຣີ່ນ້ອຍລົງກ່ວາທີ່ເຮົາຄວນໄດ້ຮັບ ແລະ ຍັງໄດ້ຮັບຄາໂບໄຮເດດ ແລະ ໂປຕີນຢ່າງຄົບຖ້ວນແລະພໍດີ
  • ໄດ້ຮັບສານອາຫານເຊັ່ນ ໃຍອາຫານ ແຄລຊຽມ ວິຕາມິນບີ12 ວິຕາມິນດີ ໂພແທສຊຽມ ຊຶ່ງສານອາຫານເຫຼົ່ານີ້ເປັນສານອາຫານທີ່ຈໍາເປັນຕໍ່ຮ່າງກາຍ
  • ການກິນຊູຊິທີ່ເປັນປາດິບນັ້ນອາດຈະໄດ້ຮັບແຄລໍຣີ່ຕໍ່າແມ່ນຄວາມຈິງ ແຕ່ຖ້າເລືອກປາດິບບໍ່ເປັນອາດຈະເຮັດໃຫ້ນໍ້າໜັກເຮົາເພີ່ມຂື້ນແບບບໍ່ຮູ້ຕົວເພາະປາດິບບາງຊະນິດມີໄຂມັນສູງ ແລະ ບາງຊະນິດຍັງມີແຄລໍຣີແຝງມານໍາຢ່າງທີ່ເຮົາຄິດບໍ່ເຖິງ

ອັນຕະລາຍຈາກການກິນອາຫານດິບ

ອາຫານດິບທີ່ເຮົາຮັບປະທານເປັນພຽງຜັກໝາກໄມ້ສົດ ປາດິບໃໃນຮ້ານອາຮ້ານຍີ່ປຸ່ນແນ່ນອນວ່າອັນຕະລາຍນັ້ນມີນ້ອຍຫຼາຍ ເພາະສ່ວນໃຫຍ່ຈະເປັນພວກທີ່ອາໄສຢູ່ໃນທະເລນໍ້າເລິກທີ່ຜ່ານການແຊ່ແຂງເຮັດໃຫ້ພະຍາດທີ່ອາໄສຢູ່ນັ້ນມັກຈະຕາຍໄປແລ້ວ ແຕ່ການຮັບປະທານປາດິບທີ່ມາຈາກແຫຼ່ງນໍ້າຈືດນັ້ນມີພະຍາດຫຼາຍຊະນິດ ແລະ ເປັນອັນຕະລາຍຫຼາຍ ການກິນເນື້ອສັດດິບໆ ຈະເຮັດໃຫ້ການສ່ຽງງຕໍ່ການຕິດເຊື້ອແບກທີເລຍ ພະຍາດຊະນິດຕ່າງໆ

ໂຣກທີ່ສ່ຽງຕໍ່ການເສຍຊີວິດຈາກການກິນອາຫານດິບ

  • ໂຣກມະເຮັງທໍ່ນໍ້າດີ ເຊິ່ງເກີດຈາກການຮັບປະທານອາຫານເຊັ່ນ ລາບ ກ້ອຍ ທີ່ເຮັດມາຈາກປານໍ້າຈືດໄດ້ແກ່ພະຍາດໃບໄມ້ໃນຕັບ
  • ໂຣກໄຂ້ຫູດັບ ເກີດຈາກການກິນເລືອດມູດິບ ຊຶ່ງໂຣກນີ້ຫາກບໍ່ເສຍຊີວິດກໍ່ຍັງສ່ຽງຕໍ່ການເປັນອໍາມະພາດເຄິ່ງຊີກ ແລະ ຫູໜວກ
  • ໂຣກພະຍາດໄຂ້ໝູປ່າ ສ່ວນໃຫຍ່ເກີດຈາກການນໍາເນື້ອໝູປ່າ ຫຼື ສັດປ່າມາປຸງອາຫານ ແລະ ຮັບປະທານແບບດິບໆ ຫາກຕິດເຊື້ອຮຸນແຮງຫຼາຍອາດຈະເຮັດໃຫ້ກ້າມເນື້ອຫົວໃຈຫຼົ້ມເຫຼວ ແລະ ເສຍຊີວິດໄດ້