ກິນນ້ອຍລົງ ຢູ່ດົນຂຶ້ນ

ກິນນ້ອຍລົງ ຢູ່ດົນຂຶ້ນ

ໃນ​ຊ່ວງ​ນີ້​​ໝໍ​ຖືກ​​ຕັ້ງ​ຄຳ​ຖາມ​ເລື້ອຍໆ​ຫລາຍທັງ​ທາງ​​ທະ​ວິດ​ເຕີ,​​ ອິນ​​ສ​ະຕາ​ແກ​​ຣມແລະ​ຈາກ​ຄົນ​ໄຂ້​ຫຼາຍ​ຄົນ ໃນ​ເນື້ອຫາ​ຄຳ​ຖາມ​ທີ່​ໃກ້​ຄຽງ​ກັນ​ວ່າ “​​ແຮງອົດ ​​ແຮງ​ຫິວ ​ແຮງດີ​ຕໍ່​ສຸ­ຂະ­ພາບ ແທ້ຫຼື​ບໍ​​ໝໍ”

ແທ້ໆ​ແລ້ວ​​ປະ​ເດັນ​ເລື່ອງ​ນີ້​​ໝໍເຄີຍ​ຂຽນ​ເຖິງ​ມາ​ຕັ້ງ­ແຕ່​ຫນັງ­ສື 188 ​​ເຄັດ​ລັບ​ຊະ​​ລໍ​ໄວຊຶ່ງ​ຕີ​ພິມ​ເທື່ອທຳ​ອິດ​ ໃນ​ປີ ພ.​​ສ.​ 2554 ໂດຍ​ເປັນ​ບົດ​ທຳ​ອິດ​ຂອງ​ຫນັງ­ສື​ທີ່​ມີ​ຊື່ວ່າ “Calorie restriction ກິນ​ແຕ່​ນ້ອຍຢູ່​ອີກ​ດົນ” ໂດຍ​ເນື້ອ​ຫາ​ນັ້ນ​ມາ​ຈາກ​ທິດ​ສະ​ດີ​ທີ່​ຊື່​ເຕັມໆ​ວ່າ Calorie restriction optimal nutrition” ແປ​​​ເປັນ​ລາວ​ງ່າຍໆ​ວ່າຈຳ­ກັດ​ແຄ​​ລໍຣີ​ທີ່​ຮັບ​ປະ­ທານ​ໃຫ້​ນ້ອຍ​ລົງແຕ່​ສານ​ອາ­ຫານໂພຊະນາ​ການວິ­ຕາ­ມິນ​ແລະ​ເກື​​ອແຣ່​ຕ່າງໆ​ຍັງ​ຕ້ອງ​ຄົບ​ຖ້ວນຊຶ່ງ​ບໍ່​ແມ່ນ​ທິດ​ສະ​ດີ​ໃໝ່​ແຕ່​ເປັນ​ແນວ​ຄິດ​ທີ່​ມີ​ມາ​ຕັ້ງ­ແຕ່​ປີ ຄ.​​ສ.​1953
ເມື່ອ​ນັກ­ວິ­ທະ­ຍາ­ສາດ​ຊື່ ໄຄ​​ລ ແມ​​ກເຄ ຄົ້ນ​ພົບ​ໂດຍ​ບັງ​ເອີນວ່າໜູ​ທົດ​ລອງ​ຂອງ​ລາວ​ມີ​ອາ​​ຍຸ​ຢືນຍາ​​ວ​ຂຶ້ນ 30% ເມື່ອ​ຖືກ​ຈຳ­ກັດ​ອາ­ຫານຫຼັງ​ຈາກ​ການ​ຄົ້ນ​ພົບ​ເທື່ອ​ນັ້ນມີ​ງານ​ວິ­ໄຈ​ໃນ​ສັດ​ທົດ​ລອງ​ຕໍ່​ເນື່ອງ​ມາ​ອີກ​ຫຼາຍ​ອັນຕັ້ງ­ແຕ່​ໂປ​​ຣ​ໂຕ​​ຊົວ ​​ປ​າ ໜູ ໝູ ໄປ​ຈົນ​ເຖິງ​ລີງ ຊຶ່ງ​ງານ​ວິໄຈ​ສ່ວນ​ໃຫຍ່ (ແຕ່​ບໍ່​ທັງ​ໝົດ)ພົບ​ວ່າການ​ຈຳ­ກັດ​ແຄ​​ລໍ​ຮີ 30-40% ຂອງ​ແຄ​​ລໍ​ຮີ​ປົກ­ກະ­ຕິ​ທີ່​ຄວນ​ໄດ້​ຮັບ ສົ່ງ​ຜົນ​ໃຫ້​ອາ​​ຍຸສະ​ເລຍ​ຂອງ​ສັດ​ເຫຼົ່າ​ນີ້​ຢືນ​ຍາ​​ວ​ຂຶ້ນ
ເຫດ­ຜົນ​ທາງ​ວິ­ທະ­ຍາ­ສາດ​ທີ່​ອະ­ທິ­ບາຍ​ປາ­ກົດ​ການ​​ ກິນ​ນ້ອຍ​ລົງ ຢູ່​ດົນ​ຂຶ້ນ​ນີ້ມາ​ຈາກ​ຫຼັກ­ການ​ຄືເມື່ອ​ເຮົາ​ຮັບ​ປະ­ທານ​ອາ­ຫານ​ເຂົ້າ​ໄປການ​ປ່ຽນ​ຮູບ​ອາ­ຫານ​ເປັນ​ພະລັງ­ງານ​ໃຫ້​ຮ່າງ­ກາຍ​ໃຊ້​ນັ້ນຈະ​ມີ​ຂອງ​ເສຍ​ທີ່ເອີ້ນ​ວ່າ ​​ອະນຸ​ມູນ​ອິດ­ສະ­ຫລະ ເກີດ​ຂຶ້ນ ຊຶ່ງ​ຮ່າງ­ກາຍ​ຈະ​ມີ​ລະ­ບົບ​ຈັດ­ການ​ກັບ​ຂອງ​ເສຍ​ນີ້​ເປັນ​ປົກ­ກະຕິແຕ່​ຫາກ​ເຮົາ​ຮັບ​ປະ­ທານ​ອາ­ຫານ​ຫລາຍລະ­ບົບ​ກຳ­ຈັດ​ຂອງ​ເສຍ​ເຮັດ​ວຽກ​ໄດ້​ບໍ່​ດີພໍຈະ​ມີ​ການ​ສະ​ສົມ​ຂອງ​ຂີ້​ເຫຍື້ອຫລື​​ອະນຸ​ມູນ​ອິດ­ສະ­ຫລະ​ເກີດ​ຂຶ້ນຊຶ່ງ​​ອະນຸ​ມູນ​ອິດ­ສະ­ຫລະ​ນີ້​ເອງ​ທີ່​ສຳ­ພັນ​ກັບ​ພະ­ຍາດ​ຕ່າງໆ​ທີ່​ມາ​ກັບ​ອາ​​ຍຸເຊັ່ນ ມະ​​ເຣັງ ອຳໄຊ​​ເ​ມີ​​ ຫຼອດ​ເລືອດ​​ຫົວ​ໃຈ ການ​ກິນ​ໃຫ້​ນ້ອຍ​ລົງຈຶ່ງ​ກໍ່​ໃຫ້​ເກີດ​​ອະນຸ​ມູນ​ອິດ­ສະ­ຫລະ​ລຸ​​ດ​ລົງສົ່ງ​ຜົນ​ໃຫ້​ເຊ​​ວ​ໃນ​ຮ່າງ­ກາຍ​​ຖົດ​ຖອຍ​ຊ້າລົງ
ແຕ່​ການ​ກິນ​ໃຫ້​ນ້ອຍ​ລົງ​ນີ້ຕ້ອງ​​ລະ​ວັງ​ບໍ່​ໃຫ້​ສານ​ອາ­ຫານຫລືວິ­ຕາ­ມິນ​ຕ່າງໆ​ລຸ​​ດ​ລົງ​ໄປ​ດ້ວຍເພ​າະ​ຫາກ​ຈຳ­ກັດ​ແຄ​​ລໍຣີແລະ​ໄດ້​ຮັບ​ສານ​ອາ­ຫານວິ­ຕາ­ມິນແຮ່ທາດ​ຕ່າງໆ​ບໍ່​ພໍ​ພຽງ​ດ້ວຍກໍ​ຈະ​ສົ່ງ​ຜົນ​ເສຍ​ກັບ​ຮ່າງ­ກາຍ​ໄດ້​ຫລາຍໂດຍ​ອາ­ການ​ທີ່​​ພົບ​ໄດ້​ເລື້ອຍ​ໆໃນ​ເບື້ອງ​ຕົ້ນ​ຄືອ່ອນ​ເພ​​ຍ ຜົມ​​ຫຼົ່ນ ຜິວ​ແຫ້ງ ເຊື່ອມ​ສະ­ມັດ­ຖະ­ພາບ​ທາງ​ເພດແລະ​ຜົນ​ໃນໄລ​ຍະ​ຍາວ​ອີກ​ຫລວງ­ຫລາຍເຊັ່ນ ກະ­ດູກ​​ຜຸ່ຍ,ກ້າ​​ມ​ຊີ້ນ​ລີບ,ພູ­ມ​ຄຸ້ມ​ກັນ​ເຮັດ​ວຽກ​ບົກ​ຜ່ອງເປັນ­ຕົ້ນ

ສະ­ຫລຸບ​ແລ້ວ ການ​ກິນ​ໃຫ້​ນ້ອຍ​ລົງຈະ​ດີ​ຕໍ່​ສຸ­ຂະ­ພາບ​ຫລື​ບໍ່ ໝໍ​​ຂໍ​ຕອບ​ເປັນ​ຂໍ້ໆ​ດັ່ງ­ນີ້​​
1.ມີການ​ທົດ​ລອງ​ໃນ​ສັດວ່າ­ການ​ຈຳ­ກັດ​ແຄ​​ລໍຣີ 30-40% ສົ່ງ​ຜົນ​ໃຫ້​ອາ​ຍຸ​ສະ​ເລຍ​ຢືນ​ຍາ​​ວ​ຂຶ້ນ​ແທ້ແຕ່​ການ​ທົດ​ລອງ​ໃນ​ມະ­ນຸດຍັງ​ມີ​ຈຳ­ກັດແລະ​ບໍ່​ຫລາຍ​ພໍ​ທີ່​ຈະ​ສະ­ຫລຸບ​ໄດ້ວ່າ​ໃຫ້​ຜົນ​​ດີີ​ເຊັ່ນ​ໃນ​ສັດ
2.ບໍ່​ຄວນ​ອົດ​ອາ­ຫານ​ໄປ​ເລີຍແຕ່​ຄວນ​ປັບ​ອາ­ຫານຊຶ່ງ​ເຮັດ​ໄດ້​ໂດຍລຸ​​ດ​ການ​ກິນ​ອາ­ຫານ​ທີ່​ແຄ​​ລໍຣີສູງແຕ່​ສານ​ອາ­ຫານ​ຕ່ຳເຊັ່ນ ອາ­ຫານ​ທອດ ຊີ້ນ​ແປ​​​ຮູບ ຂະ­ໜົມ​ຫວານ ໄອ​ສະ​ຄ​​ຣີມແລະ​ເພີ່ມ​ການ​ກິນ​ອາ­ຫານ​ທີ່​ມີ​ແຄ​​ລໍຣີ​ຕ່ຳ ແຕ່​ສານ​ອາ­ຫານ​ສູງຄືຜັກ​ແລະ​ຫມາກ​ໄມ້​ຕ່າງໆ
3.ການລຸ​​ດ​ແຄ​​ລໍຣີ​ຕໍ່​ມື້​ລົງຄວນ​ເຮັດ​ແບບ​ຄ່ອຍ​ເປັນ​ຄ່ອຍ​ໄປຄືລຸ​​ດ 5-10% ເທື່ອ​ລະ 4 ອາ­ທິດ ເພ​​າະ​ການ​ລຸ​​ດ​ຢ່າງ​ວ່ອງ­ໄວ​ທັນ­ທີຈະ​ສົ່ງ​ຜົນ​ເສຍ​ຕໍ່​ສຸ­ຂະ­ພາບ​ໄດ້​ຫລາຍແລະ​ໂອ­ກາດ​ລົ້ມ­ເຫຼວ​ສູງ
4.ຫາກ​ຄິດ​ຈະ​ອົດຫລື​ລຸ​​ດ​ແຄ​​ລໍຣີ​ແບບ​ຈິງ​ຈັງຄວນ​​ປຶກ​ສາ​ແພດຫລື​ນັກ​ໂພຊະ​ນາ​ການເຖິງ​ວິ­ທີ​ການ​ເລືອກ​ອາ­ຫານເພື່ອລົດ​ປະ­ລິ­ມານ​ແຄ​​ລໍຣີແຕ່​ຍັງຄົງ​ຄຸນ­ຄ່າ​ສານ​ອາ­ຫານ​ໄວ້​ໃຫ້​ຄົບ​ຖ້ວນເພື່ອ​ປ້ອງ​ກັນ​ການ​ຂາດ​ສານ​ອາ­ຫານ​ທີ່​ອາດ​ເກີດ​ຂຶ້ນ​ໄດ້
5.ໃນ​ເດັກຜູ້​ສູງ​ອາ​​ຍຸຜູ້​ທີ່​ມີ­ຄ່າ​ດັດ​​ສະມິວ​​​ຕ່ຳ​ກວ່າ 19 ບໍ່​ຄວນ​ທົດ​ລອງ​ການ​ອົດ​ອາ­ຫານ​ເພື່ອ​ສຸ­ຂະ­ພາບ​ນີ້
6.ໃນ​ຜູ້​ທີ່​ມີ​ພະ­ຍາດ​ປະ­ຈຳ​​ຕົວຄວນ​​ປຶກ​ສາ​ແພດ​ກ່ອນ​ປັບ​ອາ­ຫານ