ກິດຈະກຳສ້າງບັນຍາກາດ ຄືນປ່ອຍຜິີ ທີ່ວຽງຈັນເຊັນເຕີ

ໃນຄ່ຳຄືນຂອງວັນທີ31ຕຸລານີ້, ທີ່ສູນການຄ້າວຽງຈັນເຊັນເຕີ ໄດ້ຈັດກິດຈະກຳ “ຮາໂລວີນ” (Halloween) ໂດຍມີມວນຊົນເຂົ້າຮ່ວມຫຼາຍຮ້ອຍຄົນ ພ້ອມດ້ວຍທີມງານຂອງ CRI ປະຈຳລາວ, ເພື່ອເປັນການສ້າງບັນຍາກາດແລະ ດຶງດູດລູກຄ້າເຂົ້າມາຊົມຮ້ານຄ້າຕ່າງໆ.


ໃນງານແມ່ນມີການປະກວດແຕ່ງກາຍຄ້າຍຄືຜີເພື່ອເຂົ້າກັບບັນຍາກາດຂອງງານ, ຜູ້ທີ່ສະນະເລີດແມ່ນໄດ້ຮັບຂອງລາງວັນ ນອກນີ້ຍັງໄດ້ຈົກສະຫຼາກແຈກຂອງລາງວັນໃຫ້ຜູ້ຊົມທີ່ມາຮ່ວມງານນຳອີກ ເຊິ່ງລາງວັນໃຫຍ່ແມ່ນໂທລະສັບມືຖືລຸ້ນ iPhone 6s, Huawei P8ແລະ ອື່ນໆອີກຫຼາຍລາງວັນ ເຮັດໃຫ້ບັນຍາກາດມ່ວນຊື່ນໄປດ້ວຍການຄອງຄອຍຮັບຂອງລາງວັນ.