ກາບາຍສຽວ!!ອາດຈະຖືກເອຟເອລົງດາບຍ້ອນຫຼັງຂໍ້ຫາຢຽບຄູຕີ້

 

ໂຢຮັນ ກາບາຍ ມິດຟິວຂອງ ຄຣິສຕັນ ພາເຫຼດ ມີໂອກາດຖືກ ເອຟເອ ລົງດາບຍ້ອນຫຼັງໂດຍການຕັ້ງກະທົງ ເອຟເອ ຕັ້ງຂໍ້ສະແດງພຶດຕິກຳຮຸນແຮງເມື່ອຖືກຈັບພາບໄດ້ວ່າເຈດຕະນາຢຽບໃສ່ ເຟລິບເປ ຄູຕິນໂຢ ມິດຟິວຂອງ ລີເວີພູ.

 

ໂຢຮັນ ກາບາຍ ກອງກາງຂອງ ຄຣິສຕັນ ພາເຫຼດ ສະໂມສອນດັງໃນ ພຣີເມຍລີກ ອາດຈະຖືກສະມາຄົມບານເຕະອັງກິດ ຫຼື ເອຟເອ ຕັ້ງຂໍ້ຫາສະແດງພຶດຕິກຳຮຸນແຮງ ຫຼັງຈາກທີ່ຖືກຈັບພາບໄດ້ວ່າຢຽບ ເຟລິບເປ ຄູຕິນໂຢ ເພເມກເກີ ລີເວີພູ ໃນເກມລີກທີ່ສະໜາມ ເຊວເຮິດ ພາກ ເມື່ອວັນເສົາທີ່ຜ່ານມາ ຈາກການລາຍງານຂອງ ເດຊິນ ສື່ດັງເມືອງຜູ້ດີ.

 

ເຫດການດັ່ງກ່າວເກີດຂຶ້ນໃນນາທີ 55 ເມື່ອ “ຄູຕີ້” ພະຍາຍາມເຂົ້າມາສະກັດເພື່ອຍາດບານຈາກ ກາບາຍ ຂ້າງສະໜາມ ເຊິ່ງຫ້ອງເຄື່ອງທີມຊາດຝຣັ່ງກໍໂດດຫຼົບຕາມປົກກະຕິແຕ່ໃນຈັງຫວະລົງພື້ນຕີນຊ້າຍຂອງດາວເຕະ “ປະສາດເຮືອນແກ້ວ” ຢຽບໄປທີ່ຫົວເຂົ່າຂອງ ຄູຕິນໂຢ ແບບເຕັມໆແຕ່ທັງ ອັງເດຣ ມາຣິເນີ ຜູ້ຕັດສິນລວມທັງລາຍແມນບໍ່ໄດ້ສັງເກດເຫັນກ່ອນທີ່ເກມຈະຈົບລົງດ້ວຍໄຊຊະນະຂອງ “ຫົງແດງ” 4-2 ໃນທີ່ສຸດ.

 

ຢ່າງໃດກໍຕາມ ເຫດການດັ່ງກ່າວຖືກຈັບພາບໄດ້ຊັດເຈນຜ່ານທາງກ້ອງໂທລະພາບເຊິ່ງອາດຈະສົ່ງຜົນໃຫ້ ເອຟເອ ພິຈາລະນາລົງໂທດ ກາບາຍ ຍ້ອນຫຼັງແຕ່ຕ້ອງລໍຖ້າ ມາຣິເນີ ຂຽນລາຍງານໃນເກມນີ້ສົ່ງມາກ່ອນ.