ການລັກລອບຂົນໄມ້ຈາກລາວ ...........

ການລັກຂົນ ໄມ້ ຂ້າມ ຊາຍແດນ ສປປ ລາວ ແລະ ກຳພູຊາ ເຂົ້າ ຫວຽດນາມ ມີຫຼາຍ ຂຶ້ນນຳ ເລື່ອຍໆ. ຕາມ ລາຍງານ ຂອງ ສື່ມວນຊົນ ຫວຽດນາມ ໃນ ວັນພະຫັດ ຜ່ານມາ.ອົງການ ປ້ອງກັນ ການ ລັກລອບ ຂົນ ໄມ້ ຫວຽດນາມ ເວົ້າ ຕາມ ລາຍງານ ຂອງ ໜັງສືພິມ VietNamNet online ວ່າ ພວກເຂົາ ໄດ້ ຄົ້ນພົບ ໄມ້ ເປັນ ຈຳນວນ ຫຼວງຫຼາຍ ທີ່ ຖືກ ສົ່ງ ເຂົ້າມາ ຫວຽດນາມ ແບບ ຜິດ ກົດໝາຍ ຈາກ ສອງ ປະເທດ ດັ່ງກ່າວ.ການ ລັກ ຂົນໄມ້ ຈາກ ລາວ ແລະ ກຳພູຊາ ຍິ່ງ ມີຫລາຍ ເພິ່ມ ຂຶ້ນ ໃນ ບໍ່ຫລາຍ ມື້ ຜ່ານມາ, ຍ້ອນ ລະດູ ຝົນ ໃກ້ ມາຮອດ ແລ້ວ. ຂົນເຂົ້າ ທຸກແຫ່ງ ຕາມ ແນວ ຊາຍແດນ ທາງ ຕາເວັນຕົກ ສຽງໃຕ້ ຂອງ ຫວຽດນາມ, ຈາກ ແຂວງ Dak Lak ໄປ ຫາ Kien Giang ແລະ ແຂວງ Kon Tum. ແຂວງ Kon Tum ຕິດກັບ ຊາຍແດນ ແຂວງ ອັດຕະປື ຂອງ ລາວ ແລະ ແຂວງ Dak Lak ໄປ ຫາ ແຂວງ Kien Giang ຕິດກັບ ຊາຍແດນ ກຳພູຊາ.ຜະແນກ ກະສິກຳ ແລະ ປ່າໄມ້ ແຂວງ ອັດຕະປື ລາຍງານ ເມື່ອ ເດືອນ ກັນຍາ 2014 ວ່າ ສົກ ປີ 2013-14 ໄມ້ ຖືກຕັດ ເກືອບ ເຖິງ 180,000 ແມັດ ກ້ອນ. ໃນນັ້ນ ສ່ວນໃຫຍ່ ຖືກຕັດ ແບບ ຜິດ ກົດໝາຍ ແລະ ຂົນອອກ ໄປ ຈາກ ແຂວງ ນີ້.ພ້ອມກັນ ນັ້ນ ລາຍງານ ກໍ ແຈ້ງວ່າ ຍຶດ ໄມ້ ເຖື່ອນ ໄດ້ ຫລາຍ ກວ່າ 7,000 ແມັດ ກ້ອນ ເຮັດໃຫ້ ພວກລັກ ຕັດໄມ້ ທີ່ ແຜ່ຫຼາຍ ໃນ ແຂວງນີ້ ເກີດຄວາມ ກັງວົນ. ແຕ່ ກໍຍັງມີ ການລັກ ຕັດ ຫລາຍຢູ່.

...........................................................

ຂໍຂອບໃຈທີ່ມາ : http://www.rfa.org/