ການປະພຶດຜິດໆ ທີ່ໄວລຸ້ນມັກເຮັດ

 ການປະພຶດຜິດໆ ທີ່ໄວລຸ້ນມັກເຮັດ


1.ການບໍ່Safe sex 

 
ອາຍຸສະເລ່ຍຂອງການມີເພດສຳພັນຄັ້ງທຳອິດຂອງໄວລຸ້ນຈາກແຕ່ກ່ອນອາຍຸ 18-19ປີ ລົດລົງມາເຫຼືອປະມານ 12-13ປີ (ເປັນຕາຢ້ານຫລາຍ) ດັ່ງນັ້ນຖ້າຄິດຈະຮັກກັນຫລິ້ນໆ ກໍຕ້ອງປ້ອງກັນພ້ອມ ດ້ວຍການໃສ່ຖົງຢາງອະນາໄມໃຫ້ຮຽບຮ້ອຍ ເພາະຖ້າຫາກບໍ່ປະຕິບັດໃຫ້ຖືກວິທີ ອາດກໍ່ໃຫ້ເກີດບັນຫາຕາມມາຢ່າງຫລວງຫລາຍ ທັງການທີ່ທ້ອງຕອນທີ່ຍັງບໍ່ພ້ອມ ທັງໂລກຕິດຕໍ່ທາງເພດສຳພັນ ແລະ ປັນຫາອີກຫລາຍຢ່າງເຊັ່ນ: ເຊື້ອພະຍາດ,ເອດ,ກາມມະໂລກ,ຫນອງໃນ ແລະ ປັນຫາອີ່ຫຍັງຫລາຍໆຢ່າງໃນຊີວິດ


2.ການໃສ່ Big eye


ນີ້ເປັນອີກຫນຶ່ງຢ່າງທີ່ນິຍົມກັນຫລາຍໃນກຸ່ມໄວລຸ້ນ ການໃສ່ຄອນແທັກເລນ ຫລື ບິກອາຍ ເຊິ່ງມີລາຄາຖືກຈົນເຖິງລາຄາແພງ ການໃສ່ນັ້ນເຮົາຕ້ອງເບິ່ງພ້ອມວ່າ ມີອາຍຸການໃຊ້ງານດົນປານໃດ ຫມົດອາຍຸມື້ໃດ  ໃສ່ແລ້ວກໍ່ຕ້ອງຮັກສາຄວາມສະອາດ ຫ້າມໃສ່ເກີນ 8ຊົ່ວໂມງຕໍ່ມື້ ກ່ອນນອນກໍ່ຄວນຖອດ ບໍ່ຊັ້ນມັນອາດຈະເຮັດໃຫ້ຕາບອດໄດ້ຖ້າຫາກວ່າໃສ່ຂ້າມຄືນ ອັນຕະລາຍຫລາຍ


3.ມັກດື່ມສິ່ງມຶນເມົາ


ຂໍ້ມູນຈາກອົງການອະນາໄມໂລກ(WHO)ພົບວ່າປະເທດເຮົາເປັນປະເທດທີ່ມີປະລິມານຂອງການດື່ມແອກໍຮໍຫລາຍພໍສົມຄວນ ຖ້າຫາກວ່າດື່ມຫລາຍຈົນຂາດສະຕິ  ມັນສົ່ງຜົນກະທົບໄດ້ທາງດ້ານການຮຽນ ສຸຂະພາບຮ່າງກາຍ ຕຸ້ຍ ຄວາມດັນໂລຫິດສູງ ສະໝອງຜິດປົກກະຕິ ແລະ ຍັງມີເປີເຊັນສ່ຽງສູງໃນການເສຍຊີວິດ ດ້ວຍເຫດການດັ່ງຕໍ່ໄປນີ້ຄື:ອຸບັດຕິເຫດທາງລົດຍົນຖະຫນົນຫົນທາງ ຂ້າໂຕຕາຍ ຂ້າຜູ້ອື່ນ. 


4.ກິນອາຫານເສີມ ຢາລົດນຳ້ໜັກຕ່າງໆ ເຊື່ອເລື່ອງໂຄສະນາ


ສຳລັບເລື່ອງຂອງຄ່ານິຍົມໃນຄວາມງາມຂອງສາວໆທັງຫລາຍ ປັດຈຸບັນແມ່ນຢາກຂາວ ຢາກຈ່ອຍ ຫຸ່ນດີ ປັດຈຸບັນຈຶ່ງເຫັນມີຜະລິດຕະພັນ ອາຫານເສີມອອກມາຂາຍອອນໄລນຫລາຍພໍສົມຄວນ ໂຄສະນາເວີ້ວັງວ່າຂາວພາຍໃນ3ມື້ ຈ່ອຍພາຍໃນ1ອາທິດ ເບິ່ງກະບໍ່ໜ້າເຊື່ອຖືແລ້ວ ແຕ່ບາງຄົນກະຍັງເຊື່ອກັບພາບນາງແບບໂຄສະນາທີ່ບອກວ່າໃຊ້ດີ ເຫັນຜົນ 
ສະໄຫມນີ້ເຕັກໂນໂລຊີທັນສະໄຫມເນລະມິດຮູບໃຫ້ງາມທັນຕາເຫັນ ແຕ່ວ່າຄືສິບໍ່ມີຫຍັງປອດໄພຫລາຍກວ່າການອອກກຳລັງກາຍ ກິນອາຫານຄົບ5ໝູ່ ນອນພັກຜ່ອນໃຫ້ພຽງພໍແລ້ວ ເຫັນຜົນຊ້າແຕ່ປອດໄພແນ່ນອນ

 

5.ມັກກິນອາຫານທີ່ມີເຄື່ອງປຸງຫຼາຍ ອາຫານຂີ້ເຫຍື້ອ 


ສ່ວນຫລາຍຈະມີເຄື່ອງປຸງຫລາຍໃນອາຫານພວກນີ້ ກິນຫລາຍກໍ່ບໍ່ເປັນຜົນດີຕໍ່ຮ່າງກາຍແນ່ນອນ ເຄີຍມີກໍລະນີທີ່ເດັກນ້ອຍຕາຍເພາະກິນເຂົ້າໜົມຄົກທີ່ເຄື່ອງປຸງ ຄິດວ່າແມ່ນນຳ້ຕານ ເພາະເຄື່ອງປຸງຜະລິດມາຈາກແປ້ງມັນສຳປະຫລັງທີ່ຕ້ອງຫມັກໄວ້ ແລະ ໃຊ້ສານເຄມີຫລາຍໂຕ ເຊັ່ນວ່າ ກຣົດກຳມະຖັນ ຫລື ກຣົດຊັນຟູລິກ ກຣົດເກືອ ຫລື ກຣົດ ໄຮໂດຣຄລໍຣິກ ຢູເຣຍ (ໃນປັດສະວະ)ເຊິ່ງກຣົດຕ່າງໆທີ່ເວົ້າມານັ້ນບໍ່ຈຳເປັນຕໍ່ຮ່າງກາຍເລີຍ


6.ນິໄສການມັກນອນເດິກ ຫລັບບໍ່ເປັນເວລາ


ການນອນບໍ່ເປັນເວລາສັງເກດໄດ້ເລີຍວ່າ ແຫ່ງນອນເດິກແຫ່ງໄປປັດສະວະອອກຕະຫຼອດ ເພາະຮ່າງກາຍຈະເອົາພະລັງງານອອກມາໃຊ້ ຈຶ່ງເຮັດໃຫ້ຂັບຖ່າຍອອກມາທາງປັດສະວະ ຕື່ນເຊົ້າໄປຮຽນກະຢາກນອນ ບໍ່ມີສະມາທິ ຄວາມຈຳບໍ່ດີ ການຄຳນວນຜິດພາດ ໜັກກວ່ານັ້ນກໍ່ຈະມີອາການພາບຫລອນ ອາລົມບໍ່ຄົງທີ່ ເຊວສະໝອງຂາດພະລັງງານ ການຂັດຖ່າຍບໍ່ປົກກະຕິ ບໍ່ມີການຂັບຖ່າຍຂອງເສຍອອກ ເປັນການສະສົມສານຜິດໃຫ້ຄ້າງຢູ່ໃນຮ່າງກາຍ ແລະ ອາດຕາຍໄດ້ໃນທີ່ສຸດ
7.ການຈັດແຂ້ວແຟຊັ່ນ (ອັນຕະລາຍຫລາຍ)


ການດັດແຂ້ວຫລືຈັດແຂ້ວ ຄວນຈັດກັບໝໍທີ່ຖືກສຸກລັກສະນະເທົ່ານັ້ນ ແຕ່ເນື່ອງຈາກເປັນທີ່ນິຍົມໃນກຸ່ມໄວລຸ້ນ ຈື່ງເຮັດໃຫ້ພວກຄົນບໍ່ດີຈ້ອງແຕ່ຈະເອົາກຳໄລ 
ສຳລັບໃຜທີ່ຢາກດັດແຂ້ວກໍ່ຄວນເບິ່ງຄວາມເໝາະສົມພ້ອມວ່າສະຖານທີ່ທີ່ໄປດັດມັນດີຫລືບໍ່


8.ເສີມຄວາມງາມ ສັນຍະກຳ ເນັ້ນລາຄາຖືກ 


ຫລາຍຄັ້ງທີ່ເຫັນຂ່າວກ່ຽວກັບໄພຈາກການສັນຍະກຳ ການເສີມຄວາມງາມ ບໍ່ວ່າຈະເປັນດ້ວຍການກິນ ການສີດ ຫລື ເຖິງຂັ້ນຜ່າຕັດ ແມ້ແຕ່ຄົນທີ່ເຂົ້າໃຈ ແລະ ສຶກສາມາຢ່າງດີ ກໍ່ຍັງຈົບຊີວິດລົງຍ້ອນເກີດຈາກຄວາມຜິດພາດ ຫລື ບໍ່ກໍ່ປຽບຄື ຕາຍທັງເປັນ ສະນັ້ນເຮົາຄວນຫາຂໍ້ມູນໃຫ້ລະອຽດກ່ອນທີ່ຈະນຳເອົາສິ່ງແປກປອມເຂົ້າສູ່ຮ່າງກາຍໂດຍບໍ່ມີການຜິດພາດເກີດຂື້ນ
ໄວລຸ້ນປັດຈຸບັນ ມີຄ່ານິຍົມຂອງເລື່ອງຄວາມສວຍ ຄວາມງາມ ຕ້ອງມາກ່ອນສະເໝີ ສິ່ງດີໆກໍ່ຈະຕາມມາ ແຕ່ບາງຄັ້ງໄວລຸ້ນກໍ່ລຶມ ນຶກເຖິງໄພອັນຕະລາຍ ແລະນີ້ແລະຄືຄວາມສ່ຽງຂອງໄພ ເປັນຜົນກະກະທົບຢ່າງຮຸນແຮງທີ່ຈະຕາມມາ

 

ບົດຄວາມໃຫມ່ໆ