ກັບມາອັດຮູຮົ່ວໃຫ້ທີມເກົ່າແນ່ ເບນາເຕຍ

ເມດີ້ ເບນາເຕຍ ກອງຫຼັງ ໂມຣັອກໂຄ ຂອງ ບາເຢິນ ມິວນິກ ຕ້ອງຄິດໜັກເລື່ອງອະນາຄົດວ່າຈະຢູ່ກັບທີມຕໍ່ໄປ ຫຼື ບໍ່ ລ່າສຸດລືກັນວ່າ ໂຣມາ ທີມເກົ່າທີ່ອີຕາລີ ຢາກກ່ອມໃຫ້ຍ້າຍມາຫຼິ້ນແບບຢືມໂຕຈົນຈົບລະດູການ ຫວັງທີ່ຈະອັດເກມຮັບທີ່ບໍ່ດີ ຂະນະທີ່ນັກເຕະກໍຢາກໄດ້ໂອກາດລົງຫຼິ້ນ.

ເມດີ້ ເບນາເຕຍ ກອງຫຼັງທີມຊາດ ໂມຣັອກໂຄ ຂອງ ບາເຢິນ ມິວນິກ ຖືກລືອີກແລ້ວວ່າອາດຈະຕ້ອງເກັບຂອງຍ້າຍກັບໄປຫຼິ້ນທີ່ ອີຕາລີ ໂດຍມີ ໂຣມາ ຕົ້ນສັງກັດເກົ່າ ທີ່ໃຫ້ຄວາມສົນໃຈຢາກດຶງກັບມາຮ່ວມງານກັນອີກທັນທີ່ຕະຫຼາດນັກເຕະໜ້າໜາວເປີດ.

ທີມ “ຈັນໂລຣອສຊີ” ໄດ້ຮັບການຍົກຍ້ອງເລື່ອງເກມຮັບທີ່ໜຽວແໜ້ນໃນຊ່ວງ 1-2 ປີທີ່ຜ່ານມາ ໂດຍສະເພາະໃນລະດູການ 2013-2014 ເສຍປະຕູພຽງ 25 ລູກເທົ່ານັ້ນ ເຊິ່ງກໍເປັນຜົນງານຂອງ ເບນາເຕຍ ທີ່ຈັບຄູ່ກັບ ກາສຕັນ ໄດ້ຢ່າງແຂງແກ່ນ ຢ່າງໃດກໍຕາມ ເບນາເຕຍ ຍ້າຍໄປຢູ່ກັບ ບາເຢິນ ໃນປີຕໍ່ມາ ສ່ວນ ກາສຕັນ ມີບັນຫາເລື່ອງຮ່າງກາຍ ແລະ ຕ້ອງຜ່າຕັດສະໝອງ ເກມຮັບຂອງທີມຂອງກະທ້ອນກະແທ້ ແລະ ລະດູການປັດຈຸບັນພວກເຂົາຫຼິ້ນໄປ 18 ນັດທຸກລາຍການ ຖຶກຍິງໄປແລ້ວ 31 ປະຕູ.

ຍ້ອນເຫດນີ້ ຣູດີ້ ກາເຊຍ ນາຍໃຫຍ່ຂອງ ໂຣມາ ເລີຍຢາກດຶງ ເບນາເຕຍ ກັບ ສະຕາດິໂອ ໂອລິມປິໂກ້ ເຊິ່ງອາດຈະເປັນແບບຢືມໂຕຈົນຈົບລະດູການ ເນື່ອງຈາກຈົນຕອນນີ້ ນັກເຕະຍັງກໍປັກຫຼັກເປັນໂຕຈິງໃນແນວຮັບໃຫ້ “ເສືອໃຕ້” ແລະ ເຮັດໃຫ້ ເປັບ ກວາດິໂອລາ

ໄວ້ວາງໃຈບໍ່ໄດ້.

...................................................................................................................................................