ກັນຜີ!!ກາໝີຢືດສັນຍາເອນານເດດຮອດ 2022

 

ແຟນບານ ກາໝີ ໄດ້ເຮແນ່ນອນ ລູຄັສ ເອນານເດດ ເຊັນເຕີແບັກອະນາຄົດໄກຊາວຝຣັ່ງຕົກລົງຕໍ່ສັນຍາຢູ່ກັບທີມຈົນຮອດປີ 2022 ສົ່ງຜົນໃຫ້ “ຜີສາດແດງ” ທີ່ໃຫ້ຄວາມສົນໃຈຕ້ອງຜິດຫວັງໄປຕາມລະບຽບ.

 

ແອັດເລຕິໂກ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນປະກາດຢືນຢັນເມື່ອວັນຈັນທີ່ຜ່ານມາວ່າ ຕົກລົງຕໍ່ສັນຍາໃໝ່ກັບ ລູຄັສ ເອນານເດດ ກອງຫຼັງດາວລຸ້ງເພີ່ມຕື່ມເຖິງເດືອນມິຖຸນາປີ 2022 ເປັນທີ່ຮຽບຮ້ອຍແລ້ວ.

 

ກ່ອນໜ້ານີ້ແນວຮັບເລືອດນຳ້ຫອມເຫຼືອສັນຍາກັບສະໂມສອນຈົນຮອດປີ 2020 ແຕ່ຈາກການທີ່ເຂົາໂຊຟອມເທບມາຕະຫຼອດ ຈົນມີຂ່າວໄດ້ຮັບຄວາມສົນໃຈຈາກ ໂຊເຊ ມູຣິນໂຢ ຜູ້ຈັດການທີມ ແມນເຊສເຕີ ຢູໄນເຕັດ ເຮັດໃຫ້ “ກາໝີ” ຕັດສິນໃຈຢືດສັນຍາກັບເຊັນເຕີແບັກອາຍຸ 21 ປີເພີ່ມອີກ 2 ປີໃນທີ່ສຸດ.

 

ໂຄເຊ ຫຼຸຍ ເປເຣດ ກາມິເນໂຣ ຜູ້ອຳນວຍການກິລາຂອງ ແອັດ ມາດຣິດ ກ່າວວ່າ “ມັນເປັນເລື່ອງທີ່ໜ້າຍິນດີສຳລັບພົນພວກ ແອັດເລຕິໂກ ທຸກຄົນເນື່ອງຈາກເຂົາເປັນນັກເຕະທີ່ມີສັກກະຍະພາບມະຫາສານ ແລະ ມີອະນາຄົດສົດໃສຖ້າຢູ່ ເຂົາມີທັງຄວາມແຂງແກ່ນ ແລະ ຄວາມໄວ ພ້ອມກັບວຸດທິພາວະທີ່ສູງສຳລັບນັກເຕະທີ່ອາຍຸນ້ອຍ”.

 

ເອນານເດດ ເປັນເດັກປັ້ນຂອງ ແອັດ ມາດຣິດ ກ່ອນກ້າວຂຶ້ນມາຫຼິ້ນກັບທີມຊຸດໃຫຍ່ເມື່ອລະດູການ 2014-2015 ໂດຍຊີຊັນນີ້ລົງຫຼິ້ນໃຫ້ທີມໄປແລ້ວ 20 ເກມ.

 

ບົດຄວາມໃຫມ່ໆ