ກະແສຕອບຮັບເປັນທີ່ໜ້າພໍໃຈຈາກງານເປີດໂຕ HUAWEI P9 Rose Gold

          ໃນງານການເປີດໂຕໂທລະສັບ HUAWEI P9 Rose Gold ທີ່ຈັດຂື້ນຢູ່ ສູນການຄ້າວຽງຈັນເຊັນເຕີ ໃນວັນທີ່ 03/10/2016 ທີ່ຜ່ານມານີ້  ພ້ອມກັບການເປີດໂຕ Brand Ambassador ຄົນທຳອິດຂອງHuawei ກັບ “ແອນນີ້ຕ້າ” ແລະ ຍັງໄດ້ຮັບການເຂົ້າຮ່ວມຂອງ Brand Ambassador Huawei P9 ຈາກປະເທດໄທ ນັ້ນກໍ່ຄື “ອາເລັກ ທີລະເດດ” ຖືວ່າເປັນການຕອບຮັບທີ່ດີຈາກປະຊາຊົນຄົນລາວ ລວມເຖີງ ດາລາ ນັກຮ້ອງ ນັກສະແດງ, ອ້າຍນ້ອງສື່ມວນຊົນຕ່າງໆ ທີ່ໄດ້ເຂົ້າມາຮ່ວມຢ່າງລົ້ນຫຼາຍ

      ນອກຈາກນັ້ນຍັງໄດ້ຮັບກຽດຂຶ້ນກ່າວຄໍາປາໄສໃນງານໂດຍທ່ານ Zhujinyong ຜູ້ອຳນວຍການຝ່າຍອຸປະກອນສື່ສານຫົວເຫວີຍລາວເຊີ່ງເພີ່ນກ່າວໄວ້ວ່າ “ໃນຊ່ວງຕົ້ນເດືອນ ມິຖຸນາທີ່ຜ່ານມານີ້, ເຮົາກໍໄດ້ເລີ່ມຈໍາໜ່າຍ Huawei P9 ມື້ທໍາອິດ, ແລະ ພວກເຮົາກໍໄດ້ຜົນຕອບຮັບດີຫຼາຍສົມຄວນ ທາງດ້ານຍອດຂາຍ.

        ນອກນີ້ຫົວເຫວີຍ ກໍໄດ້ມີກິດຈະກໍາອີກຫຼາຍຢ່າງເພື່ອມູມມອງ ແລະ ເປີດປະສົບການໃໝ່ ຂອງ ການຖ່າຍພາບ ເຊັ່ນ: ການຝຶກອົບຮົມເທັກນິກການຖ່າຍຮູບ, ພາລູກຄ້າ ໄປສໍາພັດການຖ່າຍຮູບດ້ວຍພີ 9 ຢູ່ ຕ່າງແຂວງ ໂດຍ ນັກຖ່າຍຮູບມືອາຊີບ, ແລະກໍ່ຍັງມີ ການວາງສະແດງຮູບພາບທີ່ຖ່າຍຈາກ ພີ9 ນຳ ອີກ. ດ້ວຍຜົນຕອບຮັບທີ່ດີຈາກລູກຄ້າ ແລະ ເຫດຜົນທີ່ກ້າວມາຂ້າງເທີງນີ້, ມື້ນີ້ ພວກເຮົາມີຄວາມດີໃຈຫຼາຍທີ່ ຈະນໍາສະເໜີ ສີໃໝ່ລ່າສຸດ (ສີບົວ). ຫຼາຍກ່ວານັ້ນ, ພວກເຮົາກໍ່ໄດ້ເປີດສັ່ງຈອງ ຫົວເຫວີຍ ພີ9 ສີ ບົວ, ພຽງແຕ່ເວລາ 3 ອາທິດ ເທົ່ານັ້ນ ຍອດສັ່ງຈອງຈາກທົ່ວປະເທດແມ່ນໄດ້ເກີນເປົ້າໝາຍ ແລະ ໝົດກ່ອນກຳໜົດທີ່ຈະເປີດຂາຍ, ກໍ່ຄືງານໃນມື້ນີ້. ແຕ່ບໍ່ຕ້ອງເປັນຫວ່ງ ເພາະເຄື່ອງຊຸດໃໝ່ ຈະມາໃນໄວໆນີ້. ນອກນີ້ ເຮົາທີ່ຍັງພູມໃຈທີ່ຈະນໍາສະເໜີບໍລິການໃໝ່ລ່າສຸດ ການສະລັກຊື່ ຢູ່ທາງຫຼັງໂທລະສັບ, ເຊີ່ງຫົວເຫວີຍ ເປັນ ສະມາດໂຟນຍີ່ຫໍ້ທໍາອິດໃນລາວ ທີ່ໃຫ້ການບໍລິການນີ້, ເຊີງຕອນນີ້ເຮົາ ສະຫງວນການບໍລິການນີ້ ໃຫ້ ຫົວເຫວິຍ ພີ 9 ສີບົວ ເທົ່ານັ້ນ. ນອກຈາກນີ້ ເພື່ອຈະມອບການບໍລິການຫຼັງການຂາຍທີ່ດີສຸດໃຫ້ແກ່ລູກຄ້າ ຫົວເຫວີຍ, ພວກເຮົາກໍາລັງສ້າງ ສູນບໍລິການຫຼັງການຂາຍທີ່ຫຼູຫຼາ, ທັນສະໄໝທີ່ສຸດໃນ ປະເທດລາວ ຢູ່ທີ່ ບ້ານດົງປ່າລານ ນະຄອນຫຼວງວຽງຈັນນໍາອີກ, ເຊິ່ງຈະພ້ອມເປີດໃຫ້ບໍລິການ ໃນ ຊ່ວງເດືອນ ພະຈິກ 2016 ນີ້.”