ກະຊວງກະສິກໍາ-ປ່າໄມ້ ຊີ້ແຈງບັນຫາການນຳໃຊ້ ນ້ຳຊົນລະປະທານ ຢູ່ເມືອງກາສີ

ຈາ​ກກໍລະນີ​ທີ່​ປະຊາຊົນ​ຈຳນວນ 12 ຄອບຄົວ ​ຢູ່​ບ້ານ​ວຽງ​ແກ້ວ, ​ເມືອງ​ກາສີ ​ແຂວງ​ວຽງ​ຈັນ ​ໄດ້​ມີ​ການ​ຮ້ອງ​ຮຽນ ຜ່ານໂທລະສັບສາຍດ່ວນ ສະພາແຫ່ງຊາດ ໃນລະຫວ່າງ ກອງປະຊຸມ ສະ​ໄໝ​ສາມັນ ​ເທື່ອ​ທີ IX ຂອງ​ສະພາ​ແຫ່ງ​ຊາດ​ຊຸດ​ທີ 7 ວ່າ: ບໍລິສັດ​ຂອງ​ຈີນ ທີ່​ມາ​ລົງ​ທືນສຳ​ປະທານ​ປູກ​ໝາກກ້ຽງ​ໃຫຍ່​ ຢູ່​ເຂດ​ບ້ານ​ນາ​ຊາຍ​ຂາວ ​ໄດ້​ຍາດ​ດູດ​ເອົາ​ນ້ຳ​ຈາກ​ຫ້ວຍ​ເຮ້ຍ ​ໄປ​ຮັບ​ໃຊ້​ການ​ຜະລິດ ​ເຮັດ​ໃຫ້​ປະຊາຊົນບ້ານ​ວຽງ​ແກ້ວ ​ເສຍ​ຜົນ​ປະ​ໂຫຍ​ດ​ ໃນ​ການ​ຜະລິດ​ເຂົ້ານາ​ປີ​ໃນ​ລະດູຝົນ​ປີ​ນີ້. 

ຕໍ່​ສະພາບ​ການ​ທີ່​ເກີດ​ຂຶ້ນ​ຜ່ານ​ມາ​ນັ້ນ, ໃນທ້າຍ​ອາທິດ​ຜ່ານ​ມານີ້ ທ່ານ ດຣ. ຕີ ພົມມະສັກ ລັດຖະມົນຕີຊ່ວຍວ່າການກະຊວງກະສິກໍາ ແລະ ປ່າໄມ້ ຈຶ່ງໄດ້ໃຫ້ຄວາມກະຈ່າງແຈ້ງ ກ່ຽວກັບບັນຫານີ້​ວ່າ: ​ເພື່ອ​ແກ້​ໄຂ​ບັນຫາດັ່ງກ່າວ ກົມຊົນລະປະທານກະຊວງກະສິກໍາ-ປ່າໄມ້ ໄດ້ປະສານກັບທ້ອງຖິ່ນ ​ໂດຍ​ສະ​ເພາະຂະແໜງ ຊົນລະປະທານກະສິກໍາ ແລະ ປ່າໄມ້ ປະຈໍາເມືອງກາສີ ແລະ ໄດ້ຂໍ້ມູນຈາກພາກສ່ວນກ່ຽວຂ້ອງວ່າ:  ບໍລິສັດຈີນໄດ້ສໍາປະທານດິນ ເພື່ອປູກໝາກກ້ຽງໃຫຍ່ຈໍານວນ 150 ເຮັກຕາ, ໃນເຂດບ້ານນາຊາຍຂາວ ແລະ ໄດ້ເອົາທໍ່ນ້ຳຂະໜາດ ຟີ 160 ມມ ຕໍ່ເອົານ້ຳຢູ່ຫ້ວຍເຮ້ຍ ເພື່ອໄປຫົດສວນ​ ໝາກກ້ຽງ ​ແຕ່​ຍ້ອນ​ຝົນ​ຂາດ​ຊ່ວງ ຈຶ່ງ​ສົ່ງ​ຜົນ​ກະທົບ​ໃຫ້ປະຊາຊົນບ້ານວຽງແກ້ວ ຈໍານວນ 12 ຄອບຄົວ ບໍ່​ມີນ້ຳ​ໃນ​ການ​ເຮັດ​ນາ ມີເນື້ອທີ່ປະມານ 10 ເຮັກຕາ ​ແລະ ​ເພື່ອ​ແກ້​ໄຂ​ບັນຫາດັ່ງ​ກ​່າວ ຫ້ອງການກະສິກໍາເມືອງກາສີ ກໍໄດ້ລົງໄປປະຊຸມປຶກສາຫາລື ຫາວິທີແກ້ໄຂ ຮ່ວມກັນ ລະຫວ່າງ ບໍລິສັດຈີນ ແລະ ຊາວນາຢູ່ເຂດດັ່ງກ່າວ.

ການ​ປຶກສາ​ຫາລືຊາວນາສະເໜີ ໃຫ້ບໍລິສັດຈີນນໍາໃຊ້ທໍ່ຂະໜາດ ຟີ32 ມມ, ສ່ວນບໍລິສັດຈີນ ສະເໜີ ຂໍ້ນໍາໃຊ້ ¼ ຂອງປະລິມານນ້ຳທີ່ມີ, ແຕ່ເພື່ອບໍ່ໃຫ້ເສຍ ຜົນປະໂຫຍດ ແຕ່ລະຝ່າຍຄະນະກໍາມະການ ຈຶ່ງຕົກລົງໃຫ້ບໍລິສັດຈີນໃຊ້ທໍ່ຟີ 50 ມມ ແຕ່ຊາວນາບໍ່ເຫັນດີ ອາດຈະຍ້ອນຄວາມບໍ່ພໍໃຈ ດັ່ງກ່າວ ປະຊາຊົນບ້ານວຽງແກ້ວ ຈຶ່ງໄດ້ໂທເຂົ້າສາຍດ່ວນ ຂອງສະພາແຫ່ງຊາດ. ປັດຈຸບັນເຂດດັ່ງກ່າວ ແມ່ນປັກດໍານາສໍາເລັດແລ້

ບົດຄວາມໃຫມ່ໆ