ກອນຊາໂລ້ ຮິກົວອິນ ລະເບີດອາລົມຫຼັງຈາກທີ່ແຟນບານຂໍລາຍເຊັນ ແລະ ເຍີ້ຍວ່າຕົນຍິງຈຸດໂທດບໍ່ເຂົ້າ

   ກອນຊາໂລ້ ຮີກົວອິນ ດີກຣີກອງໜ້າທີມຊາດອາເຈັນຕິນາ ກາຍເປັນຂ່າວທີ່ໂດ່ງດັງ ທີ່ກໍ່ເຫດຜິດຖຽງກັບແຟນບານຄົນໜຶ່ງທີ່ເຂົ້າມາຂໍລາຍເຊັນ ລະຫວ່າງພັກຮ້ອນທີ່ເກາະອິບິຊາ ປະເທດ ສະເປນ.

   ເອລ ມຸນໂດ (El Mundo) ສື່ແດນກະທິງໂຫດ ເຜີຍວ່າ ອະດີດນັກເຕະ ລາຊາຊຸດຂາວກຳລັງອອກຈາກ ປາຊາ ໄນຄລັບ ກັບ ເອັສກີເອລ ລາເວັດຊີ ກອງໜ້າຮ່ວມຊາດ ຂະນະທີ່ແຟນບານຄົນໜຶ່ງຍ່າງເຂົ້າມາທັກທາຍເພື່ອຂໍລາຍເຊັນ.

   ຈອມຖະລົ່ມປະຕູອາຍຸ 27 ປີ ບອກປະຕິເສດເປັນເຫດໃຫ້ຄູ່ກໍລະນີບໍ່ພໍໃຈ ແລະ ເວົ້າວ່າ "ເຈົ້າຍິງຈຸດໂທດບໍ່ເຂົ້າ" ອ້າງເຖິງເຫດການຮອບຊິງຊະນະເລີດເສິກ ໂຄປາ ອາເມຣິກາ 2015 ທີ່ປະເທດຊິລີ ແລະ ນາໂປລີ ພາດພື້ນທີ່ ຢູຟ້າ ແຊ້ມປ້ຽນລີກ ນັດສຸດທ້າຍ ເສິກ ກັນໂຊ່ ຊີລີ ອາ 2014-2015.

   ຜົນຜະລິດຈາກອະຄາເດມີ້ ຣິເວີ້ເພລດເຖິງກັບໃຈຮ້າຍເປັນຟືນເປັນໄຟເຮັດທ່າທາງເອົາເລື່ອງກັບບຸກຄົນແປກໜ້າ ກ່ອນທີ່ທັງສອງຝ່າຍຈະຖືກຈັບແຍກອອກ ແຕ່ຫຼັກຖານກໍຖືກບັນທຶກລົງວີດີໂອ ພ້ອມກັບປະໂຫຍກທີ່ວ່າ "ລຶບຖິ້ມສະ ບໍ່ຊັ້ນຈະເປັນເລື່ອງແນ່ນອນ ".

---------------------------------------